Զանգվածային ցույցեր Իրանի տասնյակ քաղաքներում. ցուցարարները հրդեհում են բանկերը, բենզալցակայանները, երկրում քաոս է

Նոյեմբերի 15-ից Իրանի տարբեր քաղաքներում  բենզինի գնի թանկացման դեմ ցույցեր են մեկնարկել: Ցուցարարները փակել են ճանապարհները, հարձակվել բենզալցակայանների վրա, որոշ տվյալներով ՝ցուցարարները  այրել կամ վնասել են 100-ից ավելի բանկ և բենզալցակայան: Ֆարս նահանգում ցուցարարները հարձակվել են նաև  2 կրոնական դպրոցի վրա և հրդեհել դրանք: Ստեղծված իրադրությունից ելնելով՝ Իրանի մի շարք քաղաքներում փակվել են դպրոցները: Երկրում ինտերնետ կապն ու հեռախոսակապն անջատված է, տարբեր տվալներով ՝այս օրերին զոհվել է մոտ  25 ցուցարար: Ըստ իրանական կայքերի՝ ցուցարարների հետ բախումներում սպանվել է նաև 2 ուժային: Նոյեմբերի 17-ի դրությամբ հայտարարվել է շուրջ 1000 ձերբակալվածի մասին, հայտնում է RegionMonitor-ը:

Ցույցերն Իրանում մեիկնարկել են նոյեմբերի 15-ից՝ միաժամանակ երկրի մի քանի քաղաքներում: Reuters-ի փոխանցմամբ, պատճառը եղել է այն, որ նոյեմբերի 15-ից Իրանը բենզինի վաճառքի քվոտաներ է սահմանել և բարձրացրել դրա գինը: Այսուհետև 1լիտր բենզինը նախկին 10000 ռիալի փոխարեն կարժենա 15000 ռիալ (մոտ. 170 դրամ՝ըստ ՀՀ ԿԲ փոխարժեքի), իսկ քվոտայից դուրս՝30000 ռիալ:

Իշխանությունները նշել են, որ միայն այդկերպ է հնարավոր լուծել տնտեսական խնդիրները, որոնք կապված են այդ թվում ԱՄՆ-ի պատժամիջոցների հետ: Լրատվամիջոցների փոխանցմամբ, իրանական ցույցերն ընդգրկում են ավելի քան 40 քաղաք: Նշվում է, որ բոլոր տեղերում ցուցարանները հակակառավարական կոչեր են հնչեցնում: Համացանցում բազմաթիվ տեսանյութեր են հրապարակվել, որտեղ երեւում է՝ ինչպես են ցուցարարները դիտավորյալ հրդեհում բանկեր ու տարադրամի կետեր, բենզալցակայաններ, կռվի բռնվում ոստիկանների հետ: Reuters-ը փոխանցում է, որ հնարավոր չի եղել պարզել, թե որն է ցույցերի հետ կապ ունեցող իրական տեսանյութ կամ լուսանկար, որը՝ ոչ:

Իրանի պետական հեռուստաընկերությունը հայտնում է, որ ոստիկանությունը կիրառել է կոպիտ ուժ եւ արցունքաբեր գազ ցուցարարներին ցրելու համար: Բախումների արդյունքում, պաշտոնական տվյալներով, զոհվել է 1 ցուցարար, իսկ ցուցարարների խոսքերով՝ զոհերը մի քանիսն են: Տասնյակ ցուցարարներ վիրավոր են:

 Fars գործակալության տվյալներով,  Իրանում բողոքի ցույցերին մասնակցող քաղաքացիների ընդհանուր թիվը  միայն 2 օրում 87.500 մարդ է կազմում, իսկ ձերբակալված ցուցարարներըժի թիվը՝ գրեթե 1000: Բողոքի ցույցերի մասնակիցները կոտրել են բոլոր այն բնակավայրերում տեղակայված հսկիչ սարքերն ու տեսախցիկները, որտեղ անցկացնում են ակցիաները, կտրել են հեռահաղորդակցման լարերը՝ փորձելով թուլացնել իրավապահների ուժերը: Լրացուցիչ քաոս է ստեղծել Իրանի մայրաքաղաքում տեղացած առատ ձյունը:

Ցուցարարները պահանջում են դադարեցնել իսլամական շարժումներին ուղղվող ֆինանսավորումը, որովհետեւ կարծում են՝ բենզինի գնի թանկացման արդյունքում ստացված հավելյալ եկամուտները ոչ թե ունեզուրկ բնակիչներին են հատկացնելու, այլ իսլամական շարժումների: Ցուցարարների գործողություններին նաեւ քաղաքական ենթատեքստ է տրվել, նրանք պահանջում են վերանայել արտաքին քաղաքականությունը, որի հետեւանքով Իրանը կանգնած է այլ երկրների պատժամիջոցների առաջ:

Հիշեցնենք, որ նման զանգվածային բողոքի ցույցեր Իրանում եղել են նաեւ 2017 թվականին, այն ժամանակ 80 բնակավայրերի բնակիչներ դուրս էին եկել բողոքի ցույցերի՝ կյանքի չափազանց ցածր որակի պատճառով: Այդ շրջանում ցույցերի ընթացքում տեղի ունեցած բախումների հետեւանքով զոհվել էր 22 իրանցի:

Տպել
951 դիտում

Հրդեհ Երեւանում. փրկարարները բնակարանից դուրս են բերել երեխաներին

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք

Ստեփանավան-Բերդ ավտոճանապարհին ավտոմեքենա է այրվել

ՀՀ պաշտպանության նախարար Դավիթ Տոնոյանն այցելել է զինվորական հոսպիտալ

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ