ՇՄ նախարարության աշխատակիցներն առանց լրացուցիչ աջակցության իրականացրել են ամբողջ ՀՀ-ի թափոնավայրերի գույքագրում․ նախարար

Այսօր ԱԺ-ում՝ 2020 բյուջեի քննարկման ժամանակ, արտահերթ ելույթով հանդես եկավ շրջակա միջավայրի նախարար Էրիկ Գրիգորյանը՝ անդրադառնալով պատգամավորների մի շարք հարցերի:

«Բյուջետային համակարգով սահմանված կանոնակարգումը, որով բնապահպանական ոլորտի ֆինանսավորումը չպետք է նվազ լինի բլոկօգտագործման նախկինում արված հարկից եւ բնապահպանական վճարից, տարիներ առաջ ներդրված մեխանիզմ էր, որը ենթադրում էր նաեւ, որ պետք է հստակեցվի, թե բնապահպանական ծախսերն ինչ են ներառում»,- ասաց Գրիգորյանը:

Նրա խոսքով՝ Շրջակա միջավայրի նախարարությունն առաջին շահագրգիռ կառույցն է, որպեսզի բնապահպանական ոլորտի ֆինանսավորումը լինի այնքան, ինչքան որ նախատեսված է Հայաստանի քաղաքացիներին առողջ շրջակա միջավայր ապահովելու համար: Օրինակ՝ ջրամատակարարման, ջրահեռացման համակարգում իրականացվող վերանորոգման ծախսերը, որ չեն ներառվում բնապահպանական ոլորտում որպես ծախս, նախարարի խոսքով, լուծում է նաեւ բնապահպանական խնդիրներ:

«Համայնքներին տրվող սուբսիդիաների մեջ կան որոշ բնապահպանական գործառույթներ, սակայն ցանկանում եմ հավաստիացնել, որ այն աշխատանքները, որ մենք կատարել ենք այս պահին եւ այն, ինչ ակնկալում ենք առաջիկայում, ենթադրում է բնապահպանական ծախսերի էական ավելացում»,- ասաց Գրիգորյանը: Նրա խոսքով՝ միայն վերջին 1.5 տարվա ընթացքում նախարարությունը կարողացել է մի շարք գործընկերների հետ մեկտեղ ավելի քան 20 մլրդ դրամի դրամաշնորհներ ներգրավել բնապահպանական ոլորտ:

Օրինակ՝ ընդերքօգտագործման թափոնների հետ կապված՝ անկախ ՀՀ-ում ԽՍՀՄ-ից մնացած պոչամբարների թափոնակույտերի որեւէ գույքագրում, որեւէ հաշվարկ, հետազոտություն երբեւէ չէր իրականացվել եւ, ինչպես նշեց նախարարը, նախորդ տարվա ընթացքում շրջակա միջավայրի նախարարության աշխատակիցներն առանց որեւէ լրացուցիչ աջակցության կամ ծրագրերի իրականացրել են ամբողջ Հայաստանի՝ ԽՍՀՄ-ից մնացած բոլոր թափոնավայրերի, լեռնամետալուրգիայի, պոչամբարների գույքագրում, եռաչափ մոդելավորում, բաղադրության ուսումնասիրություն:

«Եվ դա ոչ միայն ավարտվել է, արդեն մենք կառավարություն ենք ներկայացրել նախագծանախահաշվային աշխատանքների իրականացման նախագիծ, ընդ որում, հնարավորություն ենք ունեցել այդ նախագիծը ներկայացնել շրջակա միջավայրին տրված գումարների տնտեսման հաշվին, իսկ տնտեսում իրականացրել ենք, քանի որ «այլ ծախսերը», որոնք նախատեսված էին բյուջեով, կարողացել ենք իրականացնել միջազգային այլ դրամաշնորհային ծրագրերի շրջանակներում»,- ասաց նախարարը՝ նշելով նաեւ, որ եթե լքված ընդերքօգտագործման տարածքների ռեկուլտիվացիայի համար պահանջվի 10 մլրդ դրամ, նրանք պատրաստ են այդ նախագծերով դիմել կառավարությանը, որ այդ աշխատանքներն իրականացվեն:

Անդրադառնալով 10 մլն ծառ տնկելու ծրագրին՝ նախարարը նշեց, որ ինչպես այս տարի, այնպես էլ 2020 թվականին, պետբյուջեով նախատեսված է մոտ 1 մլն դոլարի ֆինանսավորում անտառվերականգնման աշխատանքների համար: Նա նշեց նաեւ, որ ներկա պահին գործընկեր երկրից կա 1 մլն տնկիի նվիրատվության ակնկալիք:

Որպես եզրափակիչ խոսք՝ նախարարը նշեց, որ, իրապես, դժվար է իրականացնել բարեփոխումներ այնպիսի օրենսդրական շրջանակներում, որի մոտիվացիան ի սկզբանե չի եղել խնդիրներ լուծելը:

Ժաննա Ջեյրանյան

Տպել
1032 դիտում

Դեկտեմբերի 14-ից ՃՈ-ն կանցնի 24-ժամյա ուժեղացված ծառայության (տեսանյութ)

11-րդ դասարանցին դանակահարվել է «արա»-ով դիմելու պատճառով. անչափահասներն անհանդուրժող են դարձել

Պաշտպանները բողոքարկել են Գեւորգ Կոստանյանին կալանավորելու որոշումը

Առողջապահության նախարարությունը մանրամասներ է հայտնում Վարդենիսի հիվանդանոցում նորածնի մահվան դեպքի մասին

«Ես չեմ քծնել երբեւէ». ԼՂ նախկին վարչապետը՝ Քոչարյանի գնահատականի, Մարտի 1-ին Արցախից ՀՀ զորք բերելու, երկնիշ աճի մասին

Արմեն Ավթանդիլյանը նշանակվել է ՀՀ ՊՆ զորակոչային և զորահավաքային համալրման ծառայության պետ

Արմեն Սարգսյանը հյուրընկալել է Հայաստանում ՅՈՒՆԻՍԵՖ-ի թիմի ներկայացուցիչներին

Մարվել եւ շրջանառության մեջ է դրվել նամականիշ՝ նվիրված Հրաչյա Հովհաննիսյանի 100-ամյակին

6-րդ վարչությունը Ռուբեն Հայրապետյանին պատկանող բիզնեսների վերաբերյալ նյութեր է նախապատրաստում

Տարվա լավագույն ֆուտբոլիստի և մարզչի ընտրությունը կկայանա 2020 թ.-ի հունվարին

Մահվան ելքով վրաերթ Երեւան-Սեւան ճանապարհին. 22-ամյա հետիոտնը տեղում մահացել է

Մհեր Գրիգորյանն ընդունել է Համաշխարհային բանկի տարածաշրջանային տնօրենին

Դպրոցներում աբոնեմենտային համակարգի 2-րդ փուլը հետաձգվել է. 1-ին փուլի ընթացքում թանգարաններ է այցելել մոտ 161.700 մարդ

Հրայր Թովմասյանը բոլոր հնարավոր գայթակղություններին արդեն հասցրել է տրվել. Ալեն Սիմոնյան

Ձերբակալված Շեկոյի գործով ծեծվողն ու վերջինիս ընկերուհին տուժող են ճանաչվել. ՇՄ դատախազ

«Մարտունու բժշկական կենտրոն»-ի վիրաբուժական բաժանմունքի վարիչը մեծ թվով խոշոր չափի կաշառքներ է ստացել. ԱԱԾ

Ռուսաստանից Հայաստան տուրուղևորությունների թիվը 2019-ին 24 տոկոսով աճել է

Իջեւանում 31-ամյա քաղաքացին ներխուժել է քաղաքապետարան, երկաթյա ձողով կոտրել համայնքապետի դուռը

«Բացակայում է անձեռնմխելիության սահմանադրական երաշխիքը». Դատախազությունը մերժել է Սերժ Սարգսյանի պաշտպանի բողոքը

Ծեծի մեղադրանքով հետախուզվող 42-ամյա կինը հայտնաբերվել է