Ապրիլյան պատերազմի ժամանակ բազմաթիվ թերացումներ եղել են, որոնք վերլուծվել են. Դավիթ Տոնոյան

Ապրիլյան պատերազմի հետ կապված ինձ համար ամեն ինչ պարզ է, սպասում եմ, որ հանրության համար պարզ դառնա: Այսօր՝ նոյեմբերի 4-ի ճեպազրույցում, նշեց Պաշտպանության նախարար Դավիթ Տոնոյանը: «Եղել են դավադիր գործողություններ հակառակորդի կողմից, հայկական կողմից եղել են բազմաթիվ թերացումներ, որոնք վերլուծվել են, եւ դրանց մասին քաջատեղյակ ենք»,- ասաց նա:

Ապրիլյան պատերազմի քննիչ հանձնաժողովի աշխատանքներին Տոնոյանը պատրաստ է մասնակցել ամեն պահի. «Որևէ խնդիր չկա, ես պատրաստ եմ քննիչ հանձնաժողով գալ»: Նա վստահ է, որ ՊՆ համակարգի համար հանձնաժողովը բացահայտումներ չի անելու: «Ես չէի ուզի հիմա որևէ գնահատական տալ, բայց այն, որ ՊՆ համակարգում պարզ է, թե ինչ է կատարվել, ինչպես է կատարվել. ես ակնկալում եմ, որ նման մի հանձնաժողով մյուս կողմում (Ադրբեջանում) լինի: Բոլոր ասեկոսեները, բանսարկությունները, հասարակության մեջ գոյություն ունեցող անհասկացողությունները կփարատվեն»,- ասաց նա: Այն հարցին, թե ինչո՞ւ դեռ չեն բարձրաձայնվել, նա պատասխանեց. «Կան գերատեսչական խնդիրներ, և այլ է դրանց հանրայնացումը: Ներգերատեսչական խնդիրները լուծվում են ծառայողական, գաղտնի, հույժ գաղտնի գործողությունների, վերլուծությունների միջակայքում: Այսօր հանրայնացվում է, և կարծում եմ, որ դա օգտակար է լինելու»:

Պատասխանելով որոշ գեներալների՝ զինվորականների նկատմամբ քրեական գործեր հարուցելու արդյունքում դժգոհության մասին հարցին, որին անդրադարձել էր վարչապետը, Տոնոյանն ասաց. «Խոհանոցային խոսակցություններ են, որ կուտակվում-կուտակվում, հասնում են վարչապետին, իր մոտ տպավորություն է ստեղծվում, որ գեներալիտետի մոտ կա դժգոհություն: Կարող է՝ կան գեներալներ, որ դժգոհ են, բայց այն գործերը, որ արվել են վերջին մեկուկես տարվա մեջ... չեմ կարծում, որ գեներալիտետը պիտի դժգոհ լինի»:

Տոնոյանը գոհ է դիվանագիտական ճակատից. «Շատ պրոֆեսիոնալ բանակցություններ են իրականացվում. մեր դիվանագիտական ծառայությունն ու Արտաքին գործերի նախարարը շատ հետաքրքիր գործընթացի մեջ են գտնվում»: Իսկ ԱԳ նախարարի՝ BBC-ին տված հարցազրույցը, ըստ Տոնոյանի, ուղղված էր արտաքին աշխարհին:

Բանակում ինքնասպանություն որակվող մահերի խնդրին անդրադառնալով՝ Տոնոյանն ասաց՝ համաձայն չէ, որ շարունակվում է նախկին՝ սպանություններն ինքնասպանություն որակող ձեռագիրը. «Ես չեմ կարող հայտարարել կոռուպցիայի մասին՝ դա փորձաքննության քանի փուլ է անցնում: Կարևորն այն է, որ ՊՆ-ն այդ գործընթացում ներգրավվածություն չունենա: Ես իրավունք չունեմ չվստահելու նախաքննությանը: Մենք չենք էլ կարող աջակցել մայրերին, քանի որ դա մեր գերատեսչության խնդիրը չէ»:

Ռուսական Orsis ընկերության հետ կապված քրեական գործի մասին հարցին պատասխանելով՝ Տոնոյանն ասաց. «Եղել է հանցավոր արարք. ո՛ւմ կողմից ի՛նչ ծավալի՝ նախաքննությունը կպարզի»: Անդրադառնալով Orsis-ի պաշտպանի դիտարկմանը, թե քննչականում իր բարեկամն է, և իրենք ուզում են գործը տեղափոխել ՀՔԾ՝ Տոնոյանն ասաց. «Շատ լավ է: Ինչքան բարձր տեղափոխեն, այնքան՝ լավ»:

Տպել
561 դիտում

Ոստիկանության տարածքային բաժիններում ապօրինի զենք-զինամթերք է կամավոր հանձնվել (տեսանյութ)

Գեղամա լեռներում կորել է ակտիվիստ, «Խարույկ» արշավական ակումբի ղեկավար Գեղամ Օհանյանը

Վթար Դավիթ Բեկի փողոցում. վարորդը տեղում մահացել է

Արայիկ Հարությունյանը ելույթ է ունեցել Շանհայի համագործակցության կազմակերպության նախարարական 5-րդ խորհրդակցությանը

Իտալիայի Սենատի նախագահը նշել է, որ հետաքրքրությամբ հետևում է Հայաստանի բարեփոխումների գործընթացին (լուսանկարներ)

Վանաձորի քաղաքապետարանի «լավ» աշխատանքի շնորհիվ վարորդները շարունակում են ջարդել մեքենաներն ու վտանգել իրենց կյանքը

ՍԱՏՄ-ն անցկացրել է հակամանրէային կայունության վտանգների իրազեկման շաբաթ

Կայացել է «Կայուն oրգանական աղտոտիչների մասին» Ստոկհոլմի կոնվենցիայի իրականացման միջգերատեսչական հանձնաժողովի նիստը

ՀՀ հավաքականի բոլոր խաղացողները վրդովված են մեր գլխավոր մարզչի խոսքերից. Հարոյանը քննադատել է Խաշմանյանին

ՀՀ ԱԺ նախագահ Արարատ Միրզոյանը հանդիպել է ՌԴ Դաշնային խորհրդի նախագահ Վալենտինա Մատվիենկոյին

Թուրքիան Ռուսաստանին հայտնել է, որ Սիրիայում նոր գործողություն չի ծրագրում. ՌԴ ԱԳՆ

ԱԺ պատգամավոր Երջանիկ Հակոբյանի օգնական Շահեն Հարությունյանն ազատվել է աշխատանքից

Լեհաստանը եւ Լատվիան կողմ են ԵՄ-ի կողմից Ռուսաստանի դեմ պատժամիջոցների շարունակմանը

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

Հանդիպում եմ Իտալիայի Սենատի նախագահ Մարիա Էլիզաբետա Կազելատիի հետ. վարչապետ (տեսանյութ)

ՀՖՖ-ն չի կիսում կարծիքը, որ Մխիթարյանին պետք է զրկել ՀՀ ֆուտբոլի հավաքականի ավագի թեւկապից. ասել է Վանեցյանը

Հալեպի բնակելի թաղամասերի գնդակոծման հետեւանքով 30 վիրավոր կա եւ 5 զոհ, այդ թվում՝ երեխա

Սուրեն Պապիկյանի գլխավորությամբ կայացել է ԵԱՏՄ տրանսպորտի ոլորտի լիազոր մարմինների ղեկավարների խորհրդի նիստը

Ես ընդամենը իմ պետի կարգադրությունն եմ կատարել. Սուրիկ Խաչատրյանի գործով վկա

Նիկոլ Փաշինյանը ժամանեց Հռոմ