Ֆրանսախոս աշխարհում պետք է խթանել նորարարությունը. ԱԳ նախարարը նախագահեց Ֆրանկոֆոնիայի 36-րդ նախարարական համաժողովը

Հոկտեմբերի 30-ին և 31-ին Մոնակոյում տեղի ունեցավ Ֆրանկոֆոնիայի 36-րդ նախարարական համաժողովը, որը նախագահեց ՀՀ ԱԳ նախարար Զոհրաբ Մնացականյանը: Հանդիպմանը մասնակցում էին կազմակերպության անդամ պետությունների արտգործնախարարներ և պատվիրակությունների ղեկավարներ: Այս մասին հայտնում են ԱԳՆ-ի մամուլի ծառայությունից:

Բացման ելույթներով հանդես եկան ՀՀ ԱԳ նախարար Զոհրաբ Մնացականյանը, ՖՄԿ գլխավոր քարտուղար Լուիզ Մուշիկիվաբոն և Մոնակոյի պետնախարար Սերժ Տելը: Ողջունելով համաժողովի մասնակիցներին՝ նախարար Մնացականյանը ներկայացրեց երևանյան գագաթաժողովի ժամանակ ֆրանկոֆոնիայի պետությունների և կառավարությունների ղեկավարների կողմից ստանձնված պարտավորությունների կատարման ընթացքը և Հայաստանի նախագահության ձեռնարկած նախաձեռնությունները: 

Այդ առնչությամբ նախարար Մնացականյանը որպես Հայաստանյան նախագահության առաջնահերթություն ընդգծեց ֆրանկոֆոն տարածաշրջանում տնտեսական կապերի ամրապնդումը և թվային օրակարգի խթանումը, նորարարության և նոր տեխնոլոգիաների առաջխաղացումը: Զոհրաբ Մնացականյանը նշեց, որ, այդ ոլորտներին մեր կողմից տրվող կարևորությամբ պայմանավորված, բանաձևի նախագծի ներկայացումը վճռական քայլ է Ֆրանկոֆոն տարածքում առկա թվային ներուժի լիարժեք իրացման և նոր գաղափարներով հանդես գալու ճանապարհին:  

«Այս հարցերի վերաբերյալ մեր հետաքրքրությունն արդեն արտացոլվել է Երևանյան գագաթաժողովի աշխատանքներում և դրա շրջանակներում ընդունված հռչակագրում: Ազգային մակարդակով ՀՀ կառավարությունը հայտարարել է, որ տեղեկատվական տեխնոլոգիաները ռազմավարական ոլորտ են հանդիսանում, և հետևողական ջանքեր են գործադրվում նորարարությունների, բարձր տեխնոլոգիաների ոլորտի խթանման ուղղությամբ: Համոզված ենք, որ ֆրանսախոս աշխարհում նորարարության և նոր տեխնոլոգիաների խթանումը մեր առջև ծառացած հիմնական առաջնահերթություններից մեկն է»:

Նախարարը հավելեց, որ, ի թիվս այլ նախաձեռնությունների, Հայաստանը իր նպաստը կունենա Ֆրանկոֆոնիայի և տարածաշրջանային տնտեսական ինտեգրման գործընթացների տնտեսական ֆորումի կազմակերպման գործում: Հայաստանի արտաքին քաղաքական գերատեսչության ղեկավարը կարևորեց վերոնշյալ նախաձեռնությունների իրականացման գործում Ֆրանկոֆոնիայի միջազգային կազմակերպության հետ սերտ համագործակցությունը, ինչպես նաև տարածաշրջանային և միջազգային կազմակերպությունների ակտիվ ներգրավվածությունը: 

ՀՀ ԱԳՆ ղեկավարը վերահաստատեց Հայաստանի գնահատանքը Մոնակոյի իշխանությունների կողմից այս համաժողովի քննարկմանը ներկայացված բնապահպանական թեմատիկայի առնչությամբ՝ վստահություն հայտնելով, որ այն կամրապնդի Կազմակերպության կողմից արդեն իսկ որդեգրված դիրքորոշումը կլիմայի փոփոխությունների դեմ պայքարում, ինչպես նաև շրջակա միջավայրի պաշտպանության ու կենսաբազմազանության խթանմանն ուղղված մեր գործողություններում:

Նախարարական երկօրյա համաժողովի արդյունքում մասնակիցների կողմից ընդունվեց չորս բանաձև՝ Օվկիանոսների վերաբերյալ, Գիտության, կրթության և թվային տնտեսության զարգացման գործում նորարարության ունեցած դերի վերաբերյալ, ՄԱԿ-ի՝ Երեխաների իրավունքների պաշտպանության Կոնվենցիայի 30-րդ ամյակի վերաբերյալ և Ֆրանկոֆոնիայի 50 ամյակի վերաբերյալ:

Նիստի ավարտին Ֆրանկոֆոնիայի նախարարական համաժողովի նախագահող, ՀՀ ԱԳ նախարար Զոհրաբ Մնացականյանը 37-րդ նախարարական համաժողովի նախագահությունը հանդիսավոր արարողությամբ փոխանցեց Թունիսին: 

Տպել
311 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ