Վայոց ձորի նորանշանակ մարզպետը կասեցնելու է իր փաստաբանական գործունեությունը

Մարզպետի պաշտոնը փաստաբանի գործունեությանը խոչընդոտ չէ։ Այս մասին այսօր՝ կառավարության նիստից հետո լրագրողների հետ ճեպազրույցում, հայտարարեց Վայոց ձորի նորանշանակ մարզպետ, մասնագիտությամբ իրավաբան Արարատ Գրիգորյանը: Նշենք, որ Գրիգորյանը նախկին մարզպետ Տրդատ Սարգսյանի օգնական՝ Հարություն Գրիգորյանի պաշտպանն է։ Գրիգորյանը մեղադրվում է ՀՀ ՊՆ փոխգնդապետ Արա Մխիթարյանին ծեծի ենթարկելու համար:

Գործի վերաբերյալ Գրիգորյանը չցանկացավ խոսել՝ ասելով. «Լավ կլինի, որ Քննչական կոմիտեն ձեզ տեղեկություններ հայտնի»: Գրիգորյանը հայտնեց միայն, որ այսուհետ չի պաշտպանելու մարզպետի օգնականի շահերը։ Կասեցնելու է նաեւ իր փաստաբանական գործունեությունը։

Հարցին՝ արդյոք կարելի՞ է իրեն նախկին մարզպետի թիմակից համարել, Գրիգորյանը պատասխանեց. «Ես անկուսակցական եմ։ Աշխատանքիս բնույթով կլինեմ անաչառ, անկաշկանդ, որեւէ մեկից, որեւէ թիմից կախում չունեմ»։ Գրիգորյանը նշեց, որ չէր սպասում նման առաջարկի։

Հարցին՝ արդյո՞ք կառավարության անդամներից իրեն միջնորդել են այդ պաշտոնին, պատասխանեց. «Ինձ համար որեւէ մեկը չի երաշխավորել։ Ինձ համար որեւէ հանգամանքում չեն միջնորդում, չեն երաշխավորում։ Վարչապետին անձամբ չեմ ճանաչում։ Բնականաբար, կառավարության համապատասխան ոլորտը համակարգող նախարարի հետ ունեցել եմ զրույց»։

Հարցին՝ արդյոք ինքը նախկինում ճանաչե՞լ է Տարածքային կառավարման եւ ենթակառուցվածքների նախարար Սուրեն Պապիկյանին, նորանշանակ մարզպետն արձագանքեց. «Չեմ ցանկանում այդ բնույթի հարցերին պատասխանել։ Բայց, իհարկե, ճանաչել եմ՝ որպես մեր երկրի Տարածքային կառավարման եւ ենթակառուցվածքների նախարար։ Անձնական բնույթի ճանաչողական պրոցեսը եղել է այս ընթացքում»։

Տպել
385 դիտում

Հրդեհ Ուրցաձոր գյուղում. այրվել է 70 հակ անասնակեր

Միջազգային հանրությունը կորցրել է Ղարաբաղի հարցի մասին պատկերացումը, այն ներկայացվում է որպես տարածքային վեճ. վարչապետ

ԿԳՄՍ-ն հրապարակել է 2019 թ. ձմեռային զորակոչից տարկետում ստանալու համար դիմած քաղաքացիների անվանացանկը

Ռազմավարական եւ դաշնակցային գործընկերություն. Լավրովի երեւանյան այցը

Վանաձորում դեռեւս տնակային պայմաններում ու փայտե վառարաններով ջեռուցվող մանկապարտեզներ կան

Ոստիկանությունը պարզաբանում է ԱԺ պատգամավորի ավտոմեքենայից «Ռոլեքս» ժամացույցը կորչելու դեպքը

Մարվել են Կարմիր գրքում գրանցված կովկասյան ընձառյուծի եւ «Տարվա թռչուն» երկնագույն ալկոնի պատկերով նամականիշները

Լեհաստանի կառավարությունը հրաժարական է ներկայացրել

Թուրքիայում ասորական և հայկական գերեզմանոցների տեղում ազգային զբոսայգի է կառուցվել

Եթե ստանձնել ենք պատասխանատվություն մեր ժողովուրդների համար, պետք է ջանքեր գործադրենք հասնելու իրական փոփոխությունների

Գյումրեցու՝ Արարատ Միրզոյանին ուղղված նամակը ԱԺ-ն վերահասցեագրել է Գյումրու «Շիրակ կենտրոն» ՀԿ նախագահին

Վարչապետ Փաշինյանը Փարիզում հանդիպում է ունեցել Օդրի Ազուլեի հետ (տեսանյութ)

Լավրովը Քոչարյանին հանձնեց Հայաստանին, նա նոր քաղաքականության հիմք դրեց. քաղաքագետ

ՀՀ ԱԳՆ դատապարտել է Սիրիայի Դեր Զորի նահանգում կատարված ահաբեկչական գործողությունը

Ձեզ ընտրել են՝ այս գործով խախտումները շղարշելու համար․ Խաչատուրովի պաշտպանը՝ դատավորին

ՀՀ ոստիկանության պետի պաշտոնակատարի հրամանով Լոռու ոստիկանապետ է նշանակվել

Կառավարությունը մտադիր է պետական նոր մարմին ստեղծել, որը եւս կղեկավարի Քաղավիացիայի կոմիտեի ղեկավար Տաթեւիկ Ռեւազյանը

Որոշ փողոցներում կլինի կայանման արգելք, որոշներում՝ գնի թանկացում. կսահմանափակվի ավտոմեքենաների մուտքը Երեւանի կենտրոն

Իմ խոսքը ՅՈՒՆԵՍԿՕ-ի թեմատիկ քննարկմանը. վարչապետ (ուղիղ)

Հոլիվուդը սպասում է Թոմի եւ Ջերիի մասին պատմող նոր ֆիլմին. դրանում հայտնի «թշնամիներին» վռնդում են տնից