Աշխատանքի տոնավաճառ Տնտեսագիտական համալսարանում. ուսանողները եկել էին իրենց մասնագիտությամբ աշխատանքի հետեւից

Երիտասարդների, շրջանավարտների եւ նույնիսկ դեռեւս ուսանողների համար «գործ չկա» արտահայտությունն այսօր արդիական չէր. Հայաստանի պետական տնտեսագիտական համալսարանի բակում առաջարկվող շատ գործ կար:

Բուհի բակում կազմակերպվել էր աշխատանքի տոնավաճառ, որի գլխավոր նպատակը գործատուի եւ աշխատանք փնտրողների միջեւ ուղիղ կապ ստեղծելն էր: Մասնակիցները հնարավորություն էին ստացել տեղում մոտենալու եւ ընտրելու իրենց հետաքրքրող աշխատանքը:

Նախաձեռնության հեղինակը Տնտեսագիտական համալսարանն է՝ ՀՀ աշխատանքի եւ սոցիալական հարցերի նախարարության Զբաղվածության պետական գործակալության հետ համատեղ: Միջոցառման իրականացմանը աջակցություն էր ցուցաբերել նաեւ Կրթության, գիտության, մշակույթի եւ սպորտի նախարարությունը:

Տոնավաճառին մասնակցեցին առեւտրային բանկերի, վարկային եւ ապահովագրական ընկերությունների, հեռահաղորդակցության եւ այլ ոլորտների ներկայացուցիչներ, որոնք ներկայացրին իրենց կազմակերպություններում առկա թափուր աշխատատեղերը: Մասնակիցները տեղում ծանոթանում էին թափուր պաշտոնների համար անհրաժեշտ պահանջներին, հետաքրքրելու դեպքում՝ գրանցվում, որպեսզի գործատուն կարողանա կապ հաստատել: Որոշ կազմակերպությունների ներկայացուցիչներ բակում կարողացան անցկացնել հարցազրույցներ, որպեսզի համալրեն իրենց շարքերը:

«Մեզ համար կարեւոր է, որ մեր ուսանողները զբաղված լինեն եւ զբաղված լինեն իրենց մասնագիտությամբ»,- մեր զրույցում ընդգծեց համալսարանի ռեկտորի պաշտոնակատար Դիանա Գալոյանը՝ հավելելով, որ այսօր կրթություն-աշխատաշուկա կապն այնքան էլ սերտ չէ, այդ պատճառով կազմակերպվեց միջոցառումը: Այն ոչ ֆորմալ հարթակ է, որտեղ ուսանողներն անհատական շփումների միջոցով ներկայացան գործատուներին:

Ինչպես նշեց ՀՀ աշխատանքի եւ սոցիալական հարցերի նախարարության Զբաղվածության պետական գործակալության պետի պաշտոնակատար Արտակ Սիմոնյանը, սա իրենց 14 աջակցման ծրագրերից մեկն է: Տարեկան կազմակերպվում է նման 10-11 ծրագիր՝ տարբեր մարզերում: Այս անգամ միջոցառումը յուրահատուկ էր, քանի որ ուղղված էր ուսանողությանը:

Տնտեսագիտական համալսարանում նման մեկ-երկու միջոցառում կազմակերպվել է մի քանի տարի առաջ, սակայն սա աննախադեպ էր՝ իր մասշտաբներով. ծրագրին մասնակցել է 50-ից ավելի գործատու, 11 առեւտրային բանկ, 5 ապահովագրական ընկերություն, 6 վարկային, 3 հեռահաղորդակցության եւ այլ ոլորտներ ներկայացնող 24 կազմակերպություն:

Աշխատանքի տոնավաճառում ներկայացված էին նաեւ «Էրազմուս»-ի ազգային, Երեւանում DAAD տեղեկատվական գրասենյակները, ՀՀ-ում Ֆրանսիայի դեսպանատունը, ինչի շնորհիվ մասնակիցները հնարավորություն ունեցան ծանոթանալու արտերկրում ուսանելու հնարավորություններին:

Դիանա Գալոյանը նշեց, որ տոնավաճառում հիմնականում ներկայացված են իրենց համալսարանի ուղղվածությամբ մասնագիտություններ, սակայն այն բաց է բոլորի համար՝ այլ բուհերից ուսանողների, շրջանավարտների, նույնիսկ ավագ սերնդի ներկայացուցիչների:

Աշխատանքային պայմաններին չհամապատասխանելու դեպքում մասնակիցները հնարավորություն ունեցան պայմանավորվելու՝ կազմակերպություններում փորձաշրջան անցնելու համար:

Թե ինչքան է եղել մասնակիցների թիվը, եւ ովքեր են ի վերջո գտել աշխատանք, կպարզվի արվող վերլուծությունից հետո:

Գործ չգտնելու դեպքում հուսահատվել պետք չէ, ինչպես նշեց Արտակ Սիմոնյանը, աշխատանք կա, իսկ նման միջոցառումներ կանցկացվեն նաեւ նոյեմբերի վերջին՝ Երեւանում, Կոտայքի մարզի քաղաք Եղվարդում եւ այլուր:

Անի Ավագյան                                                                             

 

 

 

Տպել
1644 դիտում

Խաշմանյանի օգնականներն ազգային թիմում հայտնի են

Գողացել էին Եղվարդում գտնվող, վարելահողով անցնող մի քանի հարյուր մետրանոց խողովակաշարը

Փարիզյան սելֆի. վարչապետը, Ֆրանսիայի նախագահն ու Ֆրանկոֆոնիայի ՄԿ գլխավոր քարտուղարը

Վարչապետի հերթական սելֆին՝ Ֆրանսիայից. այս անգամ՝ ՄԱԿ-ի գլխավոր քարտուղարի հետ

Նիդերլանդների Թագավորության նորանշանակ դեսպանն իր հավատարմագրերի պատճենը հանձնեց ԱԳ նախարարի տեղակալին

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 32 հա տարածք

Վրաստանը կստանձնի Եվրոպայի խորհրդի նախագահությունը

Վարչապետ Նիկոլ Փաշինյանը մասնակցել է Էմանուել Մակրոնի անունից տրված պաշտոնական ընդունելությանը (լուսանկարներ)

Վարչապետի որոշմամբ Աննա Վարդապետյանն ազատվել է փոխնախարարի պաշտոնից

Անձրեւի ժամանակ ասֆալտապատված ճանապարհի վրա արդեն փոսեր են առաջացել

Ըմբիշ, չեմպիոն եւ ԱԺ պատգամավոր Արսեն Ջուլֆալակյանը 4 գոտեմարտում 4 հաղթանակ է տարել

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Վանաձոր քաղաքի 37-ամյա մի բնակչի տանը ոստիկանները 4 կգ մարիխուանա են հայտաբերել (տեսանյութ)

Բարձր մակարդակով ընդգծվել է՝  ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

15-ամյա Էրիկ Սահակյանը որոնվում է որպես անհետ կորած

Երևանում մեկնարկել է Հնդկաստան-Հայաստան դեղագործական գործարար համաժողով- ցուցահանդեսը. ԷՆ

Նիկոս Անաստասիադիսը Թուրքիայից պահանջել է Կիպրոսից դուրս բերել զորքը

Հանրապետական կոնգրեսականների մոտ տարբեր կարծիքներ են. Wall Street Journal-ը՝ Թրամփի իմպիչմենտի մասին

«Ես Ղարաբաղ գուզեմ ծառայեմ անպայման». Լեռնուտի դպրոցի ռազմագիտության դասարանն անվանակոչվեց Նարեկ Հարությունյանի անունով

Նոր սարքեր են տրամադրվել «Նորք» ինֆեկցիոն հիվանդանոցին. ԱՆ