Նախարարների աշխատավարձերի բարձրացումը գաղտնի չի եղել, բյուջետային քննարկումների ժամանակ դուք իմացել եւ քվեարկել եք

Որոշ սուբյեկտների աշխատավարձը բարձրացել է, ոմանցը՝ իջել, եւ որոշման անկյունաքարային նշանակությունը դրա մեջ է։ Այս մասին այսօր՝ Ազգային ժողովում, ասաց ՀՀ վարչապետ Նիկոլ Փաշինյանը՝ պատասխանելով «Լուսավոր Հայաստան» խմբակցության պատգամավոր Էդմոն Մարուքյանի հարցին, որը վերաբերում էր նախարարների ու փոխնախարարների աշխատավարձերը բարձրացնելու՝ վարչապետի գաղտնի հանձնարարականին։

Մարուքյանը մասնավորապես հարցրեց․

«Պարոն վարչապետ, «Հետք» էլեկտրոնային պարբերականը հրապարակեց տեղեկատվություն, որ, վարչապետի գաղտնի հանձնարարականով, բարձրացվել են նախարարների աշխատավարձերը, ըստ այդմ՝ նախարարները պետք է ստանան 1,5 մլն դրամ, փոխնախարարները՝ 1 մլն, մարզպետները՝ 900 հազար դրամ։ Ըստ էության՝ դուք շրջանցել եք օրենքը եւ բարձրացրել եք երեք սուբյեկտների աշխատավարձեր, իսկ դա տեղի է ունեցել առանց խորհրդարանի։ Չի կարող կառավարությունն ինքն իր աշխատավարձը բարձրացնել, եւ խնդիր է գաղտնիությունը»,- ասաց Մարուքյանը՝ վարչապետից հետաքրքրվելով, թե ինչու է այդպես որոշվել եւ ինչու օրենքը նախ չի բերվել խորհրդարան։

Վարչապետն արձագանքեց, որ նախորդ տարվա պարգեւատրումային սկանդալից հետո բազմաթիվ քննարկումներ են տեղի ունեցել, այդ թվում՝ ԱԺ դահլիճում, եւ արձանագրվել է, որ կա որոշակի դիսպրապորցիա։

Փաշինյանն ընդգծեց, որ նախարարների աշխատավարձերը բարձրացնելու գործընթացը տեղի է ունեցել հրապարակային, երբ 2019 թվականի բյուջեի քննարկումների արդյունքում որոշվել է բոլոր մարմիններում սահմանել 30 տոկոս պարգեւատրումային ֆոնդ, եւ նշյալ պաշտոնյաների աշխատավարձերը բարձրացել են հենց այդ հիմքով։

«Բյուջետային քննարկումների ժամանակ դուք սա իմացել եւ քվեարկել եք դրա օգտին։ Ես այս ամբիոնից պարգեւատրումային սկանդալի ժամանակ պաշտպանել եմ դիրքորոշումը, որ պաշտոնյաները պետք է ստանան արժանապատիվ վարձատրություն, բացի դա, այս ամբիոնից հայտարարել եմ, որ ԱԱԾ, ոստիկանության եւ այլ մարմիններում պարգեւավճարներով բարձրացրել ենք աշխատավարձերը։ Հիմա, որ ասում եք՝ առանց օրենքի փոփոխության, ԱԺ-ն ընդունել է բյուջե, որում այս պարգեւատրումային ֆոնդերը նախատեսված են եղել»,- բացատրեց վարչապետը՝ նշելով, որ պաշտոնյաների աշխատավարձերը չեն բարձրացել՝ «ուրիշ տեղից փող կտրելով»։

Մարուքյանն ասաց, որ Փաշինյանի հայտարարությունների մեծ մասի հետ համաձայն է, սակայն նկատեց, որ սահմանված գումարը 30 տոկոսից բարձր է, իսկ գործընթացը գաղտնի է եղել։

Փաշինյանը կրկնեց, որ գործընթացը գաղտնի չի եղել, բայց, բացի այդ, նախարարի վճարման գաղտնիության մասին խոսելը տեղին չէ, քանի որ նա ամեն տարի եկամուտների հայտարարագիր է լրացնում, որը հասանելի է լինում բոլորին՝ 24 ժամ․

«Ցանկացած մարդ, որն ունի հաշվիչ կամ լավ է մաթեմատիկայից, կարող է հայտարարագրում նշված թիվը բաժանել 12-ի, տեսնել՝ ինչ աշխատավարձ է ստացել, իսկ գաղտնիության ռեժիմը, հանձնարարականը զուտ ներքին աշխատանքային, ընթացակարգային հարցեր են եղել»,- ասաց Փաշինյանը՝ հիշեցնելով, որ նախարար կա՝ երեք նախարարի աշխատանք է անում, քանի որ մի նախարարության մեջ այսօր արդեն մի քանիսն են ներառված։

Վարչապետը նշեց, որ երբ այս ամբիոնից պաշտպանել է պարգեւատրման գաղափարը, համարել է, որ ունի հանրության կողմից քաջալերում, ըմբռնում, որպեսզի այդ հարցը լուծի։ «Եվ պետք չէ այս ամբիոնից ասել՝ այս ոնց է, որ նախարարը թոշակառուից մի քանի անգամ բարձր աշխատավարձ է ստանում։ Որովհետեւ նախարարի աշխատավարձի որակից է կախված, թե թոշակառուի աշխատավարձերը կավելանան, թե չէ, եւ քանի տոկոսով կավելանան։ Եվ այս տարի մենք տարվա արդյունքներով կապահովենք պետական բյուջեի եկամուտների 20 տոկոս աճ։ Եվ հունվարի մեկից թոշակները կբարձրանան։ Հունվարի 1-ից հարյուր հազարավոր մարդկանց աշխատավարձ բարձրանալու է, այդ թվում՝ պատգամավորներինը, որը լինելու է հարկային փոփոխությունների շնորհիվ»,- հավելեց նա։

 
Տպել
1257 դիտում

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել

Հրդեհ Մեծ Մանթաշ գյուղում. 2 տների բակերում այրվել է 800 հակ անասնակեր

Առաջիկա շաբաթը կանցնի առանց տեղումների, եղանակը կտաքանա 2-3 աստիճանով

Երևանում անցկացվում է սուսերամարտի միջազգային մրցաշար

Երեւանի 5-հարկանի շենքի տանիքում բռնկված հրդեհը մեկուսացվել է

Նիկոլ Փաշինյանը ծանոթացել է Հյուսիսային ավտոկայանում իրականացվող աշխատանքներին (տեսանյութ)

Սուրբ Հովհաննես եկեղեցում մոմ վառեցինք երեկվա ողբերգության 5 զոհերի հոգիների հանգստության համար. վարչապետ (տեսանյութ)

Վիճաբանություն-ծեծկռտուք՝ Վ. Սարգսյանի անվան մարզադաշտի տարածքում. կա վիրավոր եւ բերման ենթարկվածներ

Ուկրաինայի հայ երիտասարդները հավաքվել էին մեկ հարթակում. Զարեհ Սինանյանը մասնակցել է ֆորումի

Նոր Հաճնում սուբվենցիոն ծրագրով նորոգվում է մարզադպրոց. վարչապետի շրջայցը շարունակվում է (տեսանյութ)

Ուսանողությունը մեր երկրի զարգացման գլխավոր գրավականն է. ԵՊԲՀ ռեկտոր Արմեն Մուրադյանի ուղերձը

Առողջապահության նախարար Արսեն Թորոսյանն ուղերձ է հղել ռազմական բժիշկներին

Մահճակալից կախված վիճակում հայտնաբերվել է կալանավորված անձի դին

Վարչապետը Նոր Երզնկայում է, ծանոթանում է գազաֆիկացման ծրագրին (տեսանյութ)

Արայիկ Հարությունյանը ուղերձ է հղել Ուսանողության միջազգային օրվա կապակցությամբ