Ռոբերտ Քոչարյանի կողմից ամեն ինչ արվեց, որպեսզի Հոկտեմբերի 27-ի բացահայտումը տեղի չունենա. Անդրանիկ Քոչարյան

«Հունանյանը 20 տարի առաջ ուներ հնարավորություն, որպեսզի իր հանդեպ նախաքննությունը մեղմ ընթանար, եթե ինքը համագործակցեր նախաքննական մարմնի հետ և ասեր, թե ինչ է տեղի ունեցել Հոկտեմբերի 27-ին»,- այսօր՝ լրագրողների հետ զրույցում, անդրադառնալով Հոկտեմբերի 27-ի ահաբեկչական գործողության ղեկավար, ցմահ ազատազրկման դատապարտված Նաիրի Հունանյանի վաղաժամկետ ազատ արձակման մասին դիմումին՝ ասաց «Իմ քայլը» խմբակցության պատգամավոր Անդրանիկ Քոչարյանը:

«Նաիրի Հունանյանն ու իր խմբի անդամները սկզբում, իմ տպավորությամբ, պատրաստ էին հոգեբանորեն համագործակցել նախաքննական մարմնի հետ, բայց առաջացան խոչընդոտներ եւ վախեր՝ հնարավոր բացահայտումների առումով»,- ասաց Անդրանիկ Քոչարյանը: Նրա խոսքով՝ եղան ժամանակներ՝ տարբեր շրջանակներ՝ քաղաքական եւ ոչ քաղաքական, որոնք, իրենց վախերից ելնելով, ամեն ինչ անում էին, որ Հոկտեմբերի 27-ի լիարժեք բացահայտումը կա՛մ տեղի չունենա, կա՛մ ունենա իրենց ուզած ձեւաչափով: «Նման վախ ուներ նաեւ այդ ժամանակվա իշխանությունը ներկայացնող թիվ 1 իշխանավոր Ռոբերտ Քոչարյանն իր թիմով: Այդ թիմից կասկածյալներ կային. Ալիկ Հարությունյանը գտնվում էր կալանքի տակ: Հոկտեմբերի 27-ի բացահայտման առումով քաղաքական պրոցեսները այնպես գնացին, որ Ռոբերտ Քոչարյանի կողմից ամեն ինչ արվեց, որպեսզի այդ  բացահայտումը տեղի չունենա: Ավելին՝ Վազգեն Սարգսյանի եւ Կարեն Դեմիրճյանի կողմից ձեւավորված իշխանությունը շատ կարճ կյանք ունեցավ, որովհետեւ վարչապետ դարձավ Արամ Սարգսյանը, որի կառավարությունը չունեցավ հնարավորություն՝ լիարժեք հասնելու բացահայտմանն այդ կարճ ժամանակահատվածում»,- մանրամասնեց Անդրանիկ Քոչարյանը:

Հարցին, թե ինքը այս ողջ ընթացքում այցելե՞լ է Հունանյանին և տեղյակ է, որ Հունանյանը հոգեկան առողջության հետ խնդիրներ ունի, Քոչարյանը պատասխանեց. «Ես գիտեմ, որ հոգեկան խնդիրներ ունեցել են իր մայրն ու քեռին՝ Վռամ Գրիգորյանը, ով մեկուսարանում կախվեց անհատ պայմաններում: Նա չեր կարող հոգեկան խեղումներ չունենալ, քանի որ այդ տեսակ մարդկանց են օգտագործում՝ հանցագործության մղելու համար»:

Քոչարյանը հավելեց, որ եթե Նաիրի Հունանյանը պատրաստ լինի մինչև այժմ անհայտ դրվագներ ներկայացնելու հասարակությանը և նախաքննական մարմնին, այդ ժամանակ, բնականաբար, նախաքննական մարմնի աշխատանքներին ինքը և այն մարդիկ, որոնք հնարավորություն ունեն, կփորձեն օգնել, որ 27-ի  լիարժեք բացահայտումը  դառնա իրականություն:

Լրագրողների հարցին՝ արդյոք ազդակ կարո՞ղ է լինել այն, որ Նաիրի Հունանյանը դիմել է վաղաժամկետ արձակման խնդրանքով, քանի որ նա նոր ասելիք ունի, վերջինս պատասխանեց. «Ո՛չ, դա կարող է այլ ազդակ էլ լինել: Երևի իրեն ինչ-որ մարդիկ հույս են տվել, որ նա կարող է այդպիսի հնարավորություն ունենալ ազատության մեջ հայտնվելու, բայց դա հաստատ իշխանությունների հետ որևէ կապ չունի»:

Քոչարյանի մեկնաբանությամբ՝ այսօր մենք լրատվական ահաբեկչական գործողությունների ականատեսն ենք լինում, հատկապես բացահայտումների շեմին, և խոսքը միայն Հոկտեմբերի 27-ի մասին չէ, այլ նաև Մարտի 1-ի:

Տպել
1070 դիտում

Սոցիալական աջակցության տարածքային մարմինների բոլոր աշխատակիցները կվերապատրաստվեն

2020-ի հունվարի մեկից ՀՀ աշխատող քաղաքացիներն ամեն ամիս ստանալու են 2,5-4 մլրդ հավելյալ աշխատավարձ․ վարչապետ

Ամփոփվել են ՀՀ ՊՆ եւ ՄԱԿ-ի բնակչության հիմնադրամի համագործակցության 2019թ. ծրագրի միջոցառումները

ՎՏԲ-Հայաստան Բանկն առաջարկում է ձևակերպել ոսկյա զարդերի գրավով վարկեր շահավետ պայմաններով

Այս պահին սահմաններ փակելու կամ ուղեւորահոսքեր սահմանափակելու կարիք չունենք․ նախարարը՝ Չինաստանից տարածվող վիրուսի մասին

ՄԻՊ-ը վարույթ է սկսել սպանված 16-ամյա աղջկա իրավունքների հարցով

Ինչ անել, երբ տիկնիկը հղի է. Հայաստանում այդպիսի խաղալիքներ են վաճառվում

Սկսվել է ԱԺ-կառավարություն հարց ու պատասխանը․ հարցերի համար հերթագրվել է 52 պատգամավոր

Նախնական տվյալներով՝ պայմանագրային զինծառայողը մահացել է ձորն ընկնելու հետեւանքով

Վարչապետի գլխավորությամբ քննարկվել են մարզերի զարգացմանը վերաբերող հարցեր

Արցախում նախագահի ու պատգամավորի թեկնածուների քարոզարշավը մեկնարկում է փետրվարի 26-ից

ՀՅԴ 11 անդամների հայցն ընդդեմ Արման Բաբաջանյանի վարույթ է ընդունվել

Արարատ Միրզոյանը նախազգուշացում արեց ԱԺ փոխխոսնակ Ալեն Սիմոնյանին

Գոյություն ունեն շարժական սպանդանոցներ, որոնց միջոցով հնարավոր է լուծել գյուղացիների խնդիրը. Մնացականյան

Սիմոն Մարտիրոսյանը հավակնում է աշխարհի 2019թ. լավագույն ծանրորդի կոչմանը

ԱՄՆ-ի Սենատը Թրամփի իմփիչմենտի գործը կքննի արագացված ընթացակարգով. ինչ է լինելու հետո

Երեւանի ամառանոցներից մեկից գողություն էր կատարվել

Հրդեհ արագ սննդի շարժական կետում. վառվել է բենզինով աշխատող գեներատորը

Փամփուշտը պատուհանի մեջ հայտնաբերել է դատավոր Տաթեւիկ Գրիգորյանը, նա դեպքը չի կապում իր գործունեության հետ. Բեքմեզյան

Իսրայելի նախագահի հրավերով Արմեն Սարգսյանը կմասնակցի Հոլոքոսթի հիշատակին նվիրված միջազգային համաժողովին