Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Ապրիլյան պատերազմի հանգամանքներն ուսումնասիրող խորհրդարանական քննիչ հանձնաժողովը այսօր մոտ 4 ժամ լսում էր ՀՀ վարչապետի խորհրդական, պատերազմի օրերին ՊՆ հետախուզության գլխավոր վարչության պետի պաշտոնը զբաղեցրած Արշակ Կարապետյանին։

Նախքան նիստը սկսելը՝ Կարապետյանը լրագրողների հարցերին չպատասխանեց՝ պնդելով, որ դրանք պետք է ուղղեն հանձնաժողովին։ Միայն հարցին՝ Ապրիլյան պատերազմի ժամանակ իր մեղավորությունը տեսնո՞ւմ է, Կարապետյանը պատասխանեց. «Ռազմական տեսակետից մեղավորությունը պարզելը նման հանձնաժողովի գործն է, դրա համար էլ այն ստեղծվել է»: Նիստի ավարտից հետո հանձնաժողովի նախագահ Անդրանիկ Քոչարյանը, ի պատասխան լրագրողների այն հարցի, թե Կարապետյանի՝ պաշտոնից ազատվելը կապվա՞ծ է եղել պատերազմի հետ (պաշտոնից ազատվել է պատերազմից անմիջապես հետո), ասաց. «Մեր վերջին հարցերից մեկը դա է եղել, թե ինչու են իրեն ազատել և հետո նշանակել, որովհետև նույն մարդը, որն իրեն ազատել է, հետո նշանակել է, դա Սերժ Սարգսյանն է։ Կարապետյանը չգիտեր այդ պատասխանը, բայց հուշեց, ասաց՝ երբ կգան այլ պաշտոնյաներ, այդ հարցն անպայման իրենց տվեք, որովհետև իր համար էլ պարզ չէր թե՛ ազատումը, թե՛ նշանակումը»։

Բոլոր նախադրյալները եղել են, որ հակառակորդը պատրաստվում է հարձակման։ Այս մասին ասաց  Անդրանիկ Քոչարյանը՝ պատասխանելով հարցին, թե՝ մեզ հայտնի եղե՞լ է, որ հարձակում է լինելու։ Միեւնույն ժամանակ Քոչարյանը վստահեցրեց, որ Զինված ուժերի բոլոր ստորաբաժանումներն աշխատել են, այլ հարց է, թե որն ինչքան է թերացել։

Հարցին՝ հարձակումն անակնկալ չի՞ եղել, Անդրանիկ Քոչարյանը պատասխանեց.

«Այդ հարցի պատասխանն ամբողջությամբ չեմ կարող տալ, բայց այս պահի դրությամբ տպավորություն է, որ հարձակման հետ կապված որոշակի օղակներ կարող էին լինել ավելի պատրաստված»։

Անդրանիկ Քոչարյանի խոսքով՝ դեռ հստակ չէ, թե Արշակ Կարապետյանից հետո ում են հրավիրելու հանձնաժողով, այսօր դեռ պետք է աշխատանքային քննարկում անեն, որոշեն։ Նրա խոսքով՝ հրավիրյալների ցանկը բավականին մեծ է, հնարավոր է առաջիկայում նույնիսկ Արցախից պաշտոնյայի կանչեն։ Հանձնաժողովի նախագահն ասաց, որ, ամեն դեպքում, արդեն պատրաստ են հաջորդ հրավիրյալին լսելու, բավականին արագ տեմպերով առաջ են գնում եւ տեղեկությունների ծավալը նույնիսկ ինքը չէր պատկերացնում։

Հարցին՝ պատերազմի ժամանակ թերացումներն առավելապես ներքեւի՞ օղակներում են եղել, Քոչարյանը միանշանակ պատասխանեց, որ ներքեւի օղակում հերոսապատումներ են եղել, այնտեղ մեր զինվորներն են, որոնց հանձնաժողովականներն արդեն իսկ հրավիրում են նիստերին․

«Մենք լսում ենք զինծառայողների, եւ նույնիսկ ամենակարծր տղաների համար շատ ծանր է լսել որոշ բաներ։ Բնականաբար, բոլորիս մոտ առաջանում է հարց՝ գուցե այս որոշումը այլ պիտի լիներ, գուցե այս բանն այլ կերպ պետք է արվեր։ Կգա պահ, որ կհրապարակենք զեկույցներ, գուցե էմոցիոնալ մասերը չենք ներառի, բայց կլինի աշխատանքային փաստաթուղթ, բոլոր զեկույցները հասցեատերեր են ունենալու»,- ասաց Քոչարյանը՝ նշելով, որ Ազգային ժողովում էլ կան Ապրիլյանին մասնակցած երիտասարդներ, նրանց էլ արդեն լսել են եւ հպարտանում են նրանց ինտելեկտով, նրանց խիզախությամբ, եւ նույն հպարտությամբ զարմանում նրանց անփորձության վրա։

Լրագրողները Անդրանիկ Քոչարյանից հետաքրքրվեցին՝ այս ամիսների ուսումնասիրությունների արդյունքում պարզե՞լ են՝ միտումնավոր բաներ արվե՞լ են պատերազմի օրերին։ Հանձնաժողովի նախագահն ասաց. «Ինձ թույլ չեմ տա միտումների մասին խոսել, քանի փաստացի ապացույց չունեմ։ Սա այն թեման է, որտեղ առանց փաստարկված նյութի չի կարելի որեւէ շահարկման առարկա դարձնել որեւէ բան»,- ասաց նա՝ ընդգծելով, որ Ապրիլյան պատերազմի թեման իր համար ավելի զգայուն է, քան Մարտի 1-ը, որի փաստահավաք խմբով է անցել ինքը․

«Ապրիլյանի թեման առչնվում է բոլորիս, ամեն մեկի երեխան կարող էր լիներ այնտեղ։ Ես մեր զինվորների արածը գնահատում եմ որպես հերոսապատում, իսկ թերացողները պետք է ստանան իրենց պատիժը»։

Անդրանիկ Քոչարյանը լրագրողների հետ զրույցում տեղեկացրեց, որ եթե 2016-ի ապրիլյան սրացման հանգամանքները հետաքննող իրենց հանձնաժողովը չտեղավորվի սահմանված վեց ամիս ժամկետում, ապա հանձնաժողովի անդամները կխնդրեն մի քանի ամսով երկարաձգել գործունեության ժամկետը․

«Կներկայացնենք մեր արած աշխատանքը, ներկայացնելու արդեն իսկ շատ բան ունենք, կարեւորությունից ելնելով գուցե մեզ տան հնարավորությունը շարունակելու, բայց ամեն ինչ անում ենք, որպեսզի տեղավորվենք, չնայած՝ այսօրվա հանդիպումն էլ նոր հանգամանքներ է բացել, հարյուրավոր փաստաթղթեր դեռ պետք է ուսումնասիրենք»։

Հանձնաժողովի նախագահը նշեց նաեւ, որ պաշտպանության նախարար Դավիթ Տոնոյանի հետ ունեցած զրույցից տեղեկացել է, որ իրենց աշխատանքը բարձրացրել է Գլխավոր շտաբի սպայակազմի աշխատանքային կուլտուրան․

«Մենք պահանջում ենք, իսկ իրենք ձգված են, սկզբից այլ ձեւ էին պատկերացնում, իսկ հիմա հասկանում են ամեն բան։ Շատ են շահարկում, թե հանձնաժողովականներն անփորձ են, բայց այստեղ այդ խնդիրը չկա, նույնիսկ մեր հանձաժողովի կին անդամը (նկատի ունի «Իմ քայլը» խմբակցության պատգամավոր Քրիստինե Պողոսյանին,-հեղ․) այնպիսի պրոֆեսիոնալ հարցեր է տալիս, որ զարմանում եմ, բայց պրոֆեսիոնալ հարցեր բոլորն են տալիս՝ անխտիր»։ Անդրանիկ Քոչարյանն ասաց, որ եթե մի հրավիրյալի համար նախատեսում են, օրինակ, 40 հարց, ապա նիստի ընթացքում հարցերը հասնում են նույնիսկ 200-ի։ Ընդ որում՝ նիստի ողջ ընթացքը ձայնագրվում է։

Անդրանիկ Քոչարյանը նաեւ ասաց, որ Սերժ Սարգսյանը համապատասխան փուլում նույնպես հրավիրվելու է հանձնաժողով, եւ նրան տրվելու է ամենակարեւոր հարցը, իսկ թե որն է ամենակարեւոր հարցը, Անդրանիկ Քոչարյանը չմեկնաբանեց։ Հարցը կբարձրաձայնի այն ժամանակ, երբ Սերժ Սարգսյանին կլսեն հանձնաժողովում։

Ի դեպ, Քոչարյանը չի կարծում, որ Սերժ Սարգսյանը չի ցանկանա գալ 2016 թվականի ապրիլին ծավալված ռազմական գործողությունների հանգամանքները ուսումնասիրող այս քննիչ հանձնաժողով։

«Ո՞նց կարելի է չարձագանքել մեր հրավերին։ Ապրիլյանը լուրջ ուսումասնրության տակ է։ Ուզում եք ասել՝ Սերժ Սարգսյանը պետք է փախչի Միքայել Հարությունյանի մո՞տ։ Ինչպե՞ս կարելի է ապրիլյան քննիչ հանձնաժողովին չարձագանքել, դա նշանակում է քաղաքական ինքնասպանություն, եթե իրենք քաղաքական հեռանկար տեսնում են իրենց կյանքում, բա այս հարցերի պատասխանն ո՞վ պետք է տա»,- ասաց նա՝ հիշատակելով նաեւ Մարտի 1-ի գործով առանցքային ամբաստանյալ Ռոբերտ Քոչարյանին եւ ասելով, թե նա ինչքա՞ն պետք է հիվանդանոցում օրգանները վիրահատի, մի օր ի վերջո պիտի դատարանում պատասխանի հարցերին։

Անդրանիկ Քոչարյանն ասաց, որ մտադիր են հանձնաժողովի ամենակարեւոր նիստերից մեկը հրավիրել այն տարածքում, որը կրում է Ապրիլյան պատերազմում զոհված տղաներից մեկի անունը։ Իսկ թե ամենակարեւոր նիստը որն է լինելու, Քոչարյանը դեռ չգիտի։

Տպել
2981 դիտում

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում

ՀՀ ֆուտբոլի հավաքականի կազմը Հունաստանի դեմ խաղում

ԱՄԷ-ի ներդրողից 515 մլն դրամ է հափշտակվել. հարուցվել է քրեական գործ (տեսանյութ)