Ի՞նչ կարող է տալ Հայաստանին Երեւանի՝ Booking.com-ի ամենաթրենդային քաղաքների 10-նյակում հայտնվելը

Booking.com առցանց հյուրանոցների եւ հյուրատների ամրագրման համակարգի պատվերով անցկացված հետազոտության արդյունքում կազմվել է 2020 թվականի համար ամենաակտիվ համարվող զբոսաշրջային ուղղությունների առաջատար տասնյակը, որում ընդգրկվել է նաեւ Երեւանը:

Ցանկը կազմելու համար մասնագետները հարցում են անցկացրել վերջին 12 ամսում ճանապարհորդած կամ հաջորդ 12 ամսում ճանապարհորդություն նախատեսող չափահաս անձանց շրջանում: Նրանց թիվը, ընդհանուր առմամբ, կազմել է 22 հազար, որոնց թվում՝ Ավստրալիայի, Գերմանիայի, Ֆրանսիայի, Իսպանիայի, Իտալիայի, Ճապոնիայի, Չինաստանի, Հնդկաստանի, ԱՄՆ-ի, Մեծ Բրիտանիայի, Ռուսաստանի, Ինդոնեզիայի, Կոլումբիայի եւ Հարավային Կորեայի 1000-ական քաղաքացիներ, ինչպես նաեւ Նոր Զելանդիայի, Թաիլանդի, Արգենտինայի, Բելգիայի, Կանադայի, Դանիայի, Հոնկոնգի, Խորվաթիայի, Թայվանի, Մեքսիկայի, Նիդեռլանդների, Շվեդիայի, Սինգապուրի եւ Իսրայելի 500-ական քաղաքացիներ:

Առցանց հարցմանը մասնակցած անձինք իրենց պատասխաններն ուղարկել են օգոստոսի 9-28-ն ընկած ժամանակահատվածում:

Երեւանից բացի, 1-ին տասնյակում ընդգրկվել են Մալթայի ափերին գտնվող Գզիրա, Նինբին (Վիետնամ), Սալտա (Արգենտինա), Սեոգվիպո (Հարավային Կորեա), հնդկական Ջոդպուր, լեհական Սվինոույսցե, ճապոնական Տակամացու, Պուերտո Ռիկոյի Սան Խուան եւ Մոնտենեգրոյի Ժաբլյակ քաղաքները:

Ի՞նչ է  Booking.com-ը

Կայքը հիմնադրվել է 1996 թ. Ամստերդամում, հոլանդական փոքրիկ ստարտափից դարձել է համաշխարհային առցանց ճանապարհորդությունների ամրագրման շուկայի առաջատարներից մեկը: Booking.com-ը 198 գրասենյակ ունի աշխարհի 70 երկրներում: Այնտեղ աշխատում է 17 հազար մարդ:

Booking.com-ն օգնում է մարդկանց հնարավորինս հեշտ ճանապարհորդել թվային տեխնոլոգիաների օգնությամբ: Booking.com-ն առաջարկում է բնակեցման ընտրանքների ամենամեծ ընտրությունը՝ սկսած բնակարաններից, արձակուրդային տներից եւ ընտանեկան փոքր հյուրանոցներից մինչեւ շքեղ 5-աստղանի հանգստավայրեր, ծառի տներ: Booking.com կայքը եւ ծրագրերը թարգմանվել են ավելի քան 40 լեզուներով:

Կայքը աշխարհի 228 երկրներում շուրջ 154 հազար 23 ուղղություններով առաջարկում է 28 մլն 905 հազար 405 բնակեցման կեցավայրեր:

Կայքի միջոցով ամեն օր ավելի քան 1 մլն 550 հազար համարներ են պատվիրվում: Booking.com-ում զբոսաշրջիկները կարող են ակնթարթորեն կեցավայրեր պատվիրել ինչպես ժամանցի, այնպես էլ գործուղման համար: Կայքն ամրագրման վճար չի գանձում, եւ եթե հաճախորդը գտնի ավելի ցածր գին, նրանք վերադարձնում են տարբերությունը: Հյուրերը կարող են կապվել Booking.com-ի օժանդակ թիմի հետ օրվա ցանկացած պահի եւ ստանալ օգնություն ավելի քան 40 լեզուներով: 2011 թ. կայքն ունեցել է 1.1 մլրդ դոլարի եկամուտ:

Ի՞նչ կարող է սա տալ Հայաստանին

ՀՀ զբոսաշրջության կոմիտեի հանրային կապերի եւ թվային մարքեթինգի փորձագետ Գայանե Այվազյանը ՀԺ-ի հետ զրույցում ասաց, որ վերջերս Հայաստանը կամ Երեւանը շատ հաճախ է հայտնվում տարբեր վարկանշային աղյուսակներում. «Դա շատ լավ է խոսում մեր երկրի մասին եւ նշանակում է, որ Հայաստանն ավելի ճանաչելի է դառնում: Օտարերկրյա քաղաքացիների համար Հայաստանը դառնում է ավելի գրավիչ ուղղություն»:

Այվազյանը թեեւ թվերով չնշեց, սակայն վստահ է՝ այս ցուցակում Երեւանի լինելը զբոսաշրջիկի ընտրության վրա ազդեցություն կունենա. «Այն զբոսաշրջիկները, որոնք չեն կողմնորոշվել, թե ուր կարելի է գնալ, նրանց համար այս վարկանիշը կարող է կարեւոր դեր խաղալ: Սա ուղենիշ է նաեւ այն զբոսաշրջիկների համար, որոնք որոշել են այցելել ՀՀ, սակայն դեռ վերջնական ընտրություն չեն կատարել:

Այվազյանի խոսքով՝ Զբոսաշրջության կոմիտեն Հայաստանի կայուն զարգացման նորարարական կենտրոնի հետ համատեղ մշակում է մի հետաքրքիր գործիք, որը կոչվում է՝ Travelinsights, ինչը հիմնված է արհեստական բանականության մոդելի վրա: Այն վերլուծում է Booking.com-ի, TripAdvisor-ի եւ «Ֆեյսբուք»-ի տվյալները: «Դա շատ լավ հնարավորություններ է բացում մեզ համար: Մշակվելու են այն բոլոր տեղեկությունները, որ կհայտնվեն այդ կայքերում: Այս պահին գործիքը թեստավորման փուլում է»:

Փորձագետի կարծիքով՝ Երեւանի՝ Booking.com-ի 10-նյակում հայտնվելը պայմանավորված է նրանով, որ մարդիկ կամաց-կամաց ավելի շատ են լսում Հայաստանի եւ Երեւանի մասին. «Սա պայմանավորված է մի շարք գործոններով, որոնցից մեկն էլ այն է, որ Զբոսաշրջության կոմիտեն ԶԼՄ-ների, բլոգերների համար ճանաչողական այցեր է կազմակերպում Հայաստան: Նաեւ ավելի թիրախավորված թվային մարքեթինգ ենք իրականացնում»:

Այվազյանը նշեց, որ զբոսաշրջությունն այն ուղղություններից է, որը շատ լուրջ նպաստում է երկրի տնտեսության զարգացմանը. «Այն գումարները, որը ծախսվում է զբոսաշրջիկների կողմից, մնում են  Հայաստանում: Զբոսաշրջությունը շատ հաճախ գերակա ուղղություն է կառավարությունների համար»:

Հայաստանի կայուն զարգացման նորարարական կենտրոնի ղեկավար Ստեփան Մարգարյանը մեր զրույցում ասաց, որ Travelinsights-ը առցանց ռեժիմով անընդհատ կարդում, վերլուծում է զբոսաշրջիկների եւ այցելուների թողած կարծիքները Հայաստանի մասին. «Մինչեւ տարվա վերջ մենք նախատեսում ենք այնպես անել, որ «Ֆեյսբուք»-ը եւ նաեւ ռուսերեն կարծիքները կարողանանք վերլուծել, քանի որ ամենաշատ այցելուները Ռուսաստանից ունենք: Այսինքն՝ սա իրական ժամանակի վիճակագրություն է տրամադրում առցանց հարթակի միջոցով՝ Էկոնոմիկայի նախարարությանը եւ Զբոսաշրջության կոմիտեին: Այս պահին այն հասանելի է Զբոսաշրջության կոմիտեին, երկրորդ տարբերակը կլինի տարվա վերջ: Մենք հիմա համագործակցում ենք հյուրանոցների, հյուրատների, ռեստորանների եւ տեսարժան վայրերի ղեկավար կազմի հետ, որպեսզի տարվա վերջում նրանց էլ հասանելի լինի այս ամենը: Նրանց առաջարկներն էլ ենք հաշվի առնում, որպեսզի այս գործիքն ավելի լավացնենք: Մինչեւ տարեվերջ գործիքը վերջնականապես պատրաստ կլինի»:

Մարգարյանը նշեց, որ կայքը ամենաշատ ինֆորմացիան ստանում է TripAdvisor-ից, որը հիմա վերլուծում են, դրանից բացի, վերլուծում են նաեւ Booking.com-ի կարծիքները, այս պահին էլ բանակցում են «Ֆեյսբուք»-ի հետ, որպեսզի այնտեղից էլ զբոսաշրջիկների կարծիքները վերլուծեն:

Ըստ էության՝ ստացվում է, որ այսպիսի վարկանշային աղյուսակներում հայտնվելը կարող է իր հետ բերել ե՛ւ զբոսաշրջիկների, ե՛ւ, բնականաբար, նաեւ լրացուցիչ գումարների հոսք Հայաստան: Իսկ այս ամենը պահելու համար կարեւոր է էլ ավելի լավացնել Հայաստանի զբոսաշրջային վայրերը, մատչելի դարձնել ծառայությունների գները եւ զբոսաշրջիկների հետ հնարավորինս ջերմ լինել, քանի որ սրանցից յուրաքանչյուրի դեպքում սխալվելու հետեւանքով զբոսաշրջիկը կհիասթափվի իր այցելությունից, ընդհանրական կարծիք կկազմի եւ գուցե հետագայում ո՛չ ինքն այցելի եւ ո՛չ էլ իր մտերիմներին խորհուրդ տա այցելել Հայաստան:

Տպել
718 դիտում

Խմբակները, որ իրենց կուսակցություն են համարում, առաջիկայում ասելիք չեն ունենալու եւ շարունակելու են սատանաներ փնտրել

16-17 տարեկան տղաները տասը հոգով մի երեխայի են ծեծել. ոստիկանություն

Ռազմարդյունաբերության ոլորտում բյուջետային հատկացումներն ավելացել են շուրջ 122%-ով․ Հակոբ Արշակյան

Երևանի Սիլիկյան թաղամասում մեքենան դուրս է եկել ճանապարհից և բախվել սյանը

Հնարավոր է՝ աշակերտների արտաքին ընթացիկ գնահատականը շուտով փոխարինի միասնական քննությանը․ նախագիծը քննարկվում է

Հայաստանը բնական աղետի մեջ է, 16 միլիարդի 1-2 ծրագրով չենք լուծում բնապահպանական խնդիրները․ Մանե Թանդիլյան

Ոստիկանության պաշտոնյաների կողմից պետությանը պատճառված վնասը գերազանցում է 700 միլիոն դրամը. ՊՎԾ

Վերականգնվում է Օշականի Սուրբ Մեսրոպ Մաշտոց եկեղեցու «Փառք հայ գրի և դպրության» որմնանկարը

Կենսաթոշակառուների բողոքների հիման վրա «Հայփոստ»-ի Սարի թաղի բաժանմունքի աշխատակազմը կփոխվի

Մեղադրանք 40-ամյա լոռեցուն՝ գողության, ապօրինի ռազմամթերք պահելու, զենք պատրաստելու և թմրամիջոցների համար

Արա Վարդանյանը կմնա կալանավորված. դատարանը հրապարակեց որոշումը

ԿԳՄՍ-ն վերահաստատում է բոլոր առկա հարցերը քննարկելու պատրաստակամությունը. հանդիպման օրակարգ կսահմանվի

Վազգեն Մանուկյանը՝ Դավիթ Շահնազարյանի, Ռուբիկ Հակոբյանի կողքին. Հանրային խորհրդի նախկին նախագահը համաժողով է հրավիրել

Նիկոլ Փաշինյանի որոշմամբ՝ պաշտոնանկություն Առողջապահության նախարարությունում

«ԳեոՊրոՄայնինգ» ընկերությունը միանում է ՀՀ կառավարության՝ տնկել 10 միլիոն ծառ նախաձեռնությանը

Երկրաշարժի պատճառով անօթևան մնացած ընտանիքների բնակարանաշինության ծրագրին 6.5 անգամ ավելի գումար է հատկացվել․ Կարապետյան

Նիկոլ Փաշինյանը նոր ազատում-նշանակում է արել

Ֆուտբոլի եւս 4 հավաքական արդեն Եվրո 2020-ում է

Շիրակի մարզի դպրոցներում աշխատանքի չհաճախող աշխատակիցներ պահելու մի քանի դեպքերով հարուցվել են քրգործեր

Լուծվել է տան խնդիր՝ 25 տարվա սպասումից հետո