Քաղաքապետարանը հայտնել էր, որ Ազարյանի դպրոցը կվերանորոգվի. 9 ամիս է՝ հարցը դեռ միայն քննարկման փուլում է

Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցի վերանորոգման աշխատանքները դեռ քննարկման փուլում են: Այս մասին «Հայկական ժամանակ»-ին տեղեկացրին Երեւանի քաղաքապետարանից: Նշեցին, որ դիտարկում են 3 տարբերակ:

«Մարզադպրոցի վերանորոգման աշխատանքները դեռեւս 2015 թ.-ին կազմվել են նախագծանախահաշվային փաստաթղթեր վերանորոգման աշխատանքների իրականացման համար 142.000.000 դրամի սահմաններում, իսկ 2018 թ.-ին կատարվել է շենքի տեխնիկական վիճակի հետազոտություն: Համաձայն եզրակացության՝ շենքը կապիտալ նորոգելու համար անհրաժեշտ է վերոնշյալ նախագծանախահաշվային փաստաթղթերը փոխել, կատարել լրամշակումներ, որոնց համար կպահանջվեն զգալի միջոցներ: Երկրորդ տարբերակով՝ հաշվի առնելով շենքի հնությունը՝ առաջարկվեց քանդել եւ տեղում կառուցել նորը: Ունենք նաեւ երրորդ առաջարկ՝ կառուցել շենքը ոչ թե նույն տեղում, այլ Թամանցիների փողոցում՝ գործարանային մետրոյի հարեւանությամբ գտնվող նախկին սառցադաշտի շենքի տեղում: Առայժմ վերոնշյալ առաջարկները գտնվում են քննարկման փուլում»,- նշում են քաղաքապետարանից:

Մարզադպրոցի վերանորոգման նպատակի մասին քաղաքապետարանը հայտնել է տարվա սկզբին՝ այն բանից հետո, երբ քաղաքապետ Հայկ Մարությանն այցելել էր դպրոց: Նաեւ հայտնել է, որ քաղաքային բյուջեից 146 միլիոն դրամ է տրամադրվելու հիմնանորոգմանը:

Ինչպես քաղաքապետարանից ընդգծել էին, 55 տարվա պատմության մեջ մարզադպրոցը երբեք չի հիմնանորոգվել: Ավելի վաղ ՀԺ-ի հետ զրույցում ՀՀ մարմնամարզության ֆեդերացիայի գլխավոր քարտուղար Գառնիկ Սարոյանը հայտնել էր, որ դպրոցը վերջին անգամ կոսմետիկ վերանորոգման է ենթարկվել 1999 թ.: Ասել էր նաեւ, որ պատի ծեփերը թափված են, տանիքը ջուր է լցվում, փայտե հատակը պետք է փոխարինել բետոնե եւ ռետինե հատակով, պետք է բարեկարգել սանհանգույցը, զուգարանակոնքեր ավելացնել: 2017 թ. մայիսին ՀՀ ֆեդերացիան միջազգային ֆեդերացիայից մարզագույք էր նվեր ստացել, սակայն ազատ վարժության հարթակը չի տեղադրվել, հավաքականի գլխավոր մարզիչ Հակոբ Սերոբյանի խոսքով՝ եթե այդ փտած հատակի վրա տեղադրվի, շատ արագ շարքից դուրս կգա:

Դպրոցն ունի ընդհանուր առմամբ 37 աշխատակից ու 196 սան: Այնտեղ են մարզվում նաեւ ՀՀ հավաքականի անդամները՝ Եվրոպայի չեմպիոն, աշխարհի բրոնզեմեդալակիր Հարություն Մերդինյանը, Եվրոպայի փոխչեմպիոններ Վահագն Դավթյանն ու Արթուր Դավթյանը, համաշխարհային ուսանողական խաղերի հաղթող Արթուր Թովմասյանը, Եվրոպայի երիտասարդների առաջնության արծաթեմեդալակիր Արթուր Ավետիսյանը:

Տպել
607 դիտում

Հայտնաբերվել է Արենիին պատկանող և 2 մլն դրամ արժողությամբ խողովակները գողացած անձը (տեսանյութ)

Նոյեմբերի 14-ին Աջափնյակի մի շարք հասցեներում 12 ժամով կդադարեցվի ջրամատակարարումը

Դավադիրներ կարող են լինել, դավադրություն՝ երբեք

Կլինեն նոր ծրագրեր, նոր դասագրքեր, քիչ տնային աշխատանք․ մշակվել են հանրակրթության պետական նոր չափորոշիչներ

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ

Լոռու մարզի Կաթնաղբյուր գյուղի վերջնամասում մոտ 30 հա խոտածածկույթ է այրվել. ԱԻՆ

Ակադեմիկոս Յուրի Հովհաննիսյանը դարձել է Դեմիդովի մրցանակի դափնեկիր

ՀՖՖ նախագահ Արթուր Վանեցյանը հանդիպել է Հայաստանի ազգային հավաքականի հետ (տեսանյութ)

Մենք պետք է ունենանք ոչ միայն լավ երաժիշտներ, այլեւ լավ երաժշտությունը պրոպագանդողների ակտիվ շրջանակ. Տիգրան Մանսուրյան

Փոխվարչապետ Տիգրան Ավինյանն ընդունել է Գերմանիայի դեսպանին

ԵՄ-ն իր անվտանգության համար ստիպված է համագործակցել Թուրքիայի հետ. Հունգարիայի արտգործնախարար

«Forbes»-ը բացահայտել է՝ ինչ ինքնաթիռներ ունեն հայկական ծագմամբ ռուս գործարարները

Լավ կլիներ այդ ժամանակ ոչնչացած լինեի, 3 անգամ տարածվել էր մահվանս լուրը. զինհաշմանդամը ՊՆ-ից ուշադրություն է պահանջում

Ամերիկացի զինվորականները զբաղեցրել են դիրքեր՝ Սիրիայի նավթահորերի մոտ

Երկրաշարժ Շիրակի մարզի Աշոցք գյուղից դեպի 6 կմ հարավ-արևելք. ցնցման ուժգնությունը կազմել է 2-3 բալ. ԱԻՆ

Վանաձորի քաղաքային գերեզմանատան մոտակայքում խոտածածկույթ է այրվել. ԱԻՆ

Բնակիչը փորձում է ինքնասպան լինել՝ նետվելով պատուհանից. ԱԻՆ