Առաջին անգամն է, որ հպարտորեն կարող եմ արտահայտել Հայաստանի էությունը. Գարո Արմեն

WCIT 2019 համաժողովի շրջանակում որպես բանախոս Հայաստան է ժամանել ամերիկահայ գիտնական, «Հայաստանի մանուկներ հիմնադրամ»-ի՝ (COAF) հիմնադիր, գործարար Գարո Արմենը: «Հայկական ժամանակ»-ը մի քանի հարց է ուղղել անվանի գիտնականին համաժողովի եւ Հայաստանում իրականացված թավշյա հեղափոխությանը սփյուռքահայերի վերաբերմունքի վերաբերյալ:

- Պարոն Գարո Արմեն, ի՞նչ տպավորություն եք ստացել WCIT 2019 տեղեկատվական տեխնոլոգիաների համաժողովից:

- Հրաշալի աշխատանք են կատարել: Երեկ գիշեր (նախօրեին) հետեւում էինք Հանրապետության հրապարակում տեղի ունեցած համերգին, եւ ամեն ինչը հրաշալի էր կազմակերպված: Մարդ հպարտություն է զգում, որ Հայաստանում այսպիսի բան է լինում: Առաջին անգամն է, որ այսպիսի բարձրագույն որակով միջոցառում ենք կազմակերպել: Կազմակերպիչներին չպետք է փոխենք, որովհետեւ նրանք իրենց գործը շատ լավ են կատարել:

- Դուք ձեր աջակցությունն էիք հայտնել հեղափոխությանը: Շուրջ 1 ու կես տարի է անցել հեղափոխությունից: Ձեզ համար նկատելի՞ են իշխանությունների իրականացրած փոփոխությունները:

- Հեղափոխության օրերին ես այստեղ էի: Ես էլ էի մասնակցում: Այդ ժամանակ հոդված գրեցի, որ պետք է խնդրել հին իշխանություններին՝ ընդունեն ժողովրդի պահանջներն ու հեռանան: Իմ խոսքերին չհետեւեցին, բայց այդպես էլ եղավ՝ ամեն դեպքում: Այն մեթոդները, որոնք մերժում էր ժողովուրդը, որոնք մերժում էր սփյուռքը... մենք արդեն զգում ենք, որ սփյուռքի հայերը պետք է վերադառնան Հայաստան: Նրանց մի մասը որոշ ձեւով տեսել են Հայաստանում իրականացված փոփոխությունները եւ իրենք շատ գոհ են: Սփյուռքում շատ հայեր կան, որոնք մեր երկրի կողքին չէին, որովհետեւ դժգոհ էին: Հիմա մեր հույսն այն է, որ այդ հայերը կգան, կվերադառնան: Ես վստահ եմ, որ մտքում բոլորն ավելի հպարտ են, ավելի շատ են հավատում: Մեր ազգի ապագան հիմա ապահով է, որովհետեւ հույս կա, պոտենցիալ կա: Մեր ժողովուրդը պետք է մասնակից դառնա Հայաստանը վերագտնելու գործին: Դա շատ կարեւոր է:

- Հաճախ է խոսվում սփյուռքից սպասվող ներդրումների մասին: Ինչ եք կարծում՝ ներդրումների համար բավարա՞ր են պայմանները:

- Նոր իշխանությունը հիմա ղեկավարվում է ժողովրդի պահանջով: Բոլորս հասկանում ենք, որ մեր լուրջ խնդիրների լուծումները 1-2 օրվա ընթացքում չեն լինելու, պետք է թե՛ սպասենք, թե՛ այդ սպասելուն զուգահեռ քրտնաջան աշխատենք: Հույսս այն է, որ թե՛ կառավարությունը, թե՛ Ազգային ժողովը, թե՛ Հայաստանի ժողովուրդը, թե՛ սփյուռքի ժողովուրդը եւ թե՛ մեր առաջնորդները՝ բոլորս միասին պետք է ներդաշնակ ձեւով աշխատենք, որ այդ քայլերն արագ անենք, որպեսզի Հայաստանը դրախտ դառնա:

- Հայաստանում կան նաեւ որոշակի շրջանակներ, որոնք, ամեն դեպքում, դժգոհ են ներկա իշխանություններից: Դուք այս պահին դժգոհելու առիթ տեսնո՞ւմ եք:

- Այդ դժգոհությունն աշխարհի բոլոր անկյուններում էլ կա, դա նորմալ է: Բայց մենք պետք է քաջալերենք, որ իրենք հասկանան՝ փոփոխությունները պետք է արագ լինեն: Չեմ առաջարկում, որ այդ արագը 10 տարի լինի, բայց 1 օրվա խնդիր չէ սա, ոչ էլ՝ 1 ամսվա: Ես վստահ եմ, որ Նիկոլ Փաշինյանն ու իր կառավարությունը լուրջ ձեւով, մանրամասն մտածում են խնդիրների մասին: Բայց կարիքի խնդիր կա: Կարիքը կա թե՛ գաղափարական, թե՛ դրամական առումով, որպեսզի բոլոր ծրագրերն իրականացվեն: Ես վստահ եմ, որ 1-2 տարվա ընթացքում փոփոխությունները կլինեն՝ թե՛ տնտեսական, թե՛ սոցիալական, ամեն առումով:

- Հեղափոխությունից հետո առիթներ ունեցե՞լ եք հանդիպելու եւ զրուցելու վարչապետ Նիկոլ Փաշինյանի հետ:

- Մի քանի առիթով նրան տեսել եմ: Նրա հետ լուրջ ձեւով խոսել ենք խնդիրների մասին, ճիշտ չի լինի, որ ես մանրամասները ներկայացնեմ:

- Պարոն Արմեն, ի՞նչ ուղերձ կհղեիք հայ ժողովրդին:

- Ես շատ եմ քաջալերում, որ մեր ժողովուրդն իշխանությանը հավատա, հավատա, որ ապագան փայլուն է: Այսպիսի խոսք չէինք ասի հին իշխանությունների ժամանակ: Առաջին անգամն է, որ ես հպարտ ձեւով մեր Հայաստանի էությունը կարող եմ արտահայտել: 17 տարի է, որ մենք Հայաստանում աշխատանքներ ենք իրականացնում, բայց ով որ ինձ Հայաստանի իշխանության մասին բան էր հարցնում, ես չէի կարողանում պատասխանել, քանի որ հպարտ չէի այսքան, հույս չկար, որ փոփոխություն պիտի լիներ: Այսօր տարբեր է, ու դա պետք է մենք գնահատենք եւ գոհ լինենք: Մարդիկ կան, որ ինձ ասում են՝ հին իշխանությունն ավելի փորձառու էր: Իհարկե, ավելի փորձառու էր, որովհետեւ 20 տարուց ավելի իշխանություն են եղել, բայց սխալ ձեւով: Եթե մեկը հարցներ, օրինակ՝ դու կուզե՞ս՝ սխալ քայլեր անեն, բայց ավելի փորձառու լինեն, թե՞ նոր, անփորձ իշխանություն լինի, բայց քայլերը ճիշտ լինեն, հարկավ, երկրորդ տարբերակը կընդունեմ եւ ոչ առաջինը: Որովհետեւ եթե սխալ քայլերով իշխանություն եղավ, այդ քայլերը փոխելը շատ դժվար է կամ անկարելի, բայց փորձառությունը միշտ հնարավոր է լրացնել:

Տպել
4077 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց