Սեպտեմբերի 23-ից 27-ը Հայաստանում անցկացվեց «Կանալ-Կովկասյան հողապատնեշ» հակաթմրանյութային գործողություն

27/09/2019 schedule19:43

Սեպտեմբերի 23-ից 27-ը Հայաստանի Հանրապետությունում անցկացվեց «Կանալ-Կովկասյան հողապատնեշ» տարածաշրջանային հակաթմրանյութային գործողությունը, որի միջազգային համակարգման շտաբը Հավաքական անվտանգության պայմանագրի կազմակերպության անդամ պետությունների թմրամիջոցների ապօրինի շրջանառության դեմ պայքարի իրավասու մարմինների ղեկավարների համակարգող խորհրդի որոշմամբ տեղակայվել էր Երևան քաղաքում:

Առաջին օրը, սեպտեմբերի 23-ին, տեղի ունեցավ «Կանալ-Կովկասյան հողապատնեշ» տարածաշրջանային հակաթմրանյութային գործողության բացման արարողությունը, որին մասնակցում էին ՀԱՊԿ անդամ պետությունների, դիտորդ երկրների, միջազգային կազմակերպությունների ներկայացուցիչներ, ՀՀ ազգային անվտանգության ծառայության, Պետական եկամուտների կոմիտեի մաքսանենգության դեմ պայքարի վարչության, ՀՀ անվտանգության խորհրդի, կենտրոնական բանկի ֆինանսական դիտարկումների կենտրոնի, Հայաստանում Ինտերպոլի ԱԿԲ-ի և ՌԴ անվտանգության դաշնային ծառայության աշխատակիցներ:

ՀՀ ոստիկանության պետի ժամանակավոր պաշտոնակատար, ոստիկանության գնդապետ Արման Սարգսյանը, ողջունելով նիստի մասնակիցներին, կարևորեց ՀԱՊԿ անդամ պետությունների իրավասու մարմինների թմրամիջոցների ապօրինի շրջանառության համազդման ոլորտում իրականացվող ռազմավարությունը և նոր մեխանիզմների մշակումն ու կիրարկումը:

Հաջորդիվ ելույթ ունեցավ «Կանալ-Կովկասյան հողապատնեշ» տարածաշրջանային հակաթմրանյութային գործողության միջազգային համակարգման շտապի օպերատիվ կառավարման ղեկավար, Ռուսաստանի Դաշնության թմրամիջոցների ապօրինի շրջանառության դեմ պայքարի գլխավոր վարչության պետի տեղակալ, գնդապետ Բորիս Յակովչենկոն:

Նա շնորհակալություն հայտնեց Հայաստանի Հանրապետության ոստիկանությանը՝ ջերմ ընդունելության, կանխարգելիչ միջոցառման տեխնիկական ապահովման համար և ներկայացրեց նիստի մասնակիցներին:
ՀԱՊԿ անդամ-պետությունների ներկայացուցիչները հանդես եկան ազգային միջգերատեսչական շտաբների պատրաստականության աստիճանի և օպերատիվ գործողությանը մասնակցելու ձևաչափերի վերաբերյալ զեկույցներով: Նրանք անդրադարձան անդրազգային հանցավորության չափազանց վտանգավոր տեսակի՝ թմրամիջոցների անօրինական շրջանառության մարտահրավերներին, ընդգծեցին համատեղ ուժերով դրանց հակազդելու անհրաժեշտության կարևորությունը:
Միջազգային համակարգման շտաբին ամենօրյա տեղեկատվություն ներկայացնելու կարգի վերաբերյալ տեղեկատվությամբ հանդես եկան դիտորդ երկրների և միջազգային կազմակերպությունների ներկայացուցիչները:

Արման Սարգսյանը շնորհակալություն հայտնեց և արդյունավետ աշխատանք մաղթեց ՀԱՊԿ անդամ-պետությունների, դիտորդ երկրների և միջազգային կազմակերպությունների ներկայացուցիչներին:

Օպերատիվ կառավարման աշխատանքը տեղափոխվեց հրամանատարական կետ, որը տեղակայված էր ՀՀ ոստիկանության կրթահամալիրում:
«Կանալ-Կովկասյան հողապատնեշ» տարածաշրջանային հակաթմրանյութային գործողության մասնակիցները նախ հարգանքի տուրք մատուցեցին ծառայողական պարտականությունները կատարելիս զոհված հայ գործընկերների հուշակոթողին:

Սեպտեմբերի 24-ին միջգերատեսչական շտաբի աշխատանքները շարունակվեցին ոստիկանության կրթահամալիրում: Աշխատանքային խմբերը ծանոթացան ստացված տեղեկատվությանը, ապա վերլուծության և քննարկման արդյունքում կոնկրետ որոշումներ կայացրին համագործակցության և կազմակերպչական այլ ուղղություններով:

Նույն օրը գործողության մասնակիցներն այցելեցին Բագրատաշենի հայ-վրացական սահմանային անցակետ և տեղում ծանոթացան իրականացվող թմրամիջոցների որոնման հմտություններին, մարդկանց, ուղեբեռների և ավտոմեքենաների զննման ընթացակարգին:
Հաջորդ օրը «Կանալ-Կովկասյան հողապատնեշ» տարածաշրջանային հակաթմրանյութային գործողության մասնակիցներն ալցելեցին ոստիկանության հրաձգարան, մասնակցեցին հրաձգության մրցույթի։ Այցելությունների ծրագրով եղան նաև ՀՀ պետական եկամուտների կոմիտեի մաքսանենգության դեմ պայքարի վարչության շնագիտական կենտրոնում։ Ցուցադրական ելույթներով ներկայացվեցին վարժեցված շների թմրանյութերի հայտնաբերման եղանակներ:
Սեպտեմբերի 26-ին «Կանալ-Կովկասյան հողապատնեշ» տարածաշրջանային հակաթմրանյութային գործողության մասնակիցները «Բաղրամյան» զորավարժարանում ներկա գտնվեցին ՀՀ ազգային անվտանգության ծառայության սահմանապահ զորքերի, ոստիկանության զորքերի և ոստիկանության ԿՀԴՊ գլխավոր վարչության Հատուկ նշանակության վարչության ծառայողների մասնակացությամբ «Արարատ-Անտիտեռոր-2019» հակաահաբեկչական վարժանքներին, որտեղ ոստիկանության հատուկ նշանակության ստորաբաժանումները կարողացան ազատագրել ահաբեկիչների կողմից զավթված բնակավայրերը։

Սեպտեմբերի 27-ին ամփոփիչ նիստը վարում էր ոստիկանության շտաբի պետ, ոստիկանության գնդապետ Արմեն Ղուկասյանը:
Ռուսաստանի Դաշնության ոստիկանության թմրամիջոցների ապօրինի շրջանառության դեմ պայքարի գլխավոր վարչության պետի տեղակալ, գնդապետ Բորիս Յակովչենկոն ամփոփեց գործողության նախնական արդյունքները:

ՀԱՊԿ քարտուղարության խորհրդական, Համակարգող խորհրդի քարտուղարի տեղակալ Միխայիլ Մելիխովը շնորհակալություն հայտնեց կատարված աշխատանքի համար և ընդգծեց, որ Հայաստանի ոստիկանությունը արել էր ամեն ինչ՝ տարածաշրջանային հակաթմրանյութային գործողությունն անհրաժեշտ մակարդակով կազմակերպելու և արդյունավետ փոխգործակցություն ապահովելու համար:

Նիստն ավարտվեց պարգևատրման հանդիսավոր արարողությամբ։ Արման Սարգսյանի հրամանով «Կանալ-Կովկասյան հողապատնեշ տարածաշրջանային հակաթմրանյութային գործողության մասնակիրցներին հանձնվեցին հուշանվերներ, մեդալներ ու պատվոգրեր։

Տպել
462 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մանեն Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել