«WCIT 2019»-ին հայկական տեխնոհամայնքը մրցանակներ կհանձնի

«Հայաստանի Բիզնես հրեշտակների ցանցը» (BANA) սկսել է ֆոնդհայթայթում, որն ամբողջությամբ ուղղվելու է լավագույն ստարտափների մրցույթի հաղթողներին՝ հայկական տեխնոլոգիական համայնքի կողմից շնորհվող մրցանակային ֆոնդին։ «WCIT 2019»-ի ընթացքում Հայաստանի տեխնոհամայնքի նախաձեռնության մաս կարող են դառնալ տեղական բոլոր ՏՏ ընկերությունները։

«WCIT 2019»-ի շրջանակում ՏՏ համաշխարհային համաժողովի 40-ամյա պատմության մեջ առաջին անգամ Երևանում անցկացվող «WCIT 2019»-ի ընթացում տեղի են ունենալու կայծակնային ռաունդներ, որոնց արդյունքում հաղթող ստարտափների համար կազմակերպչական կոմիտեն հայկական ՏՏ համայնքի անունից սահմանել է «Armenian Tech Community Prize» մրցանակը։

Մրցանակային ֆոնդը 105.000 ԱՄՆ դոլար է։ Մրցափուլն ամբողջ աշխարհից ձեռներեցներին ու նորարարներին եզակի հնարավորություն է տալիս իրենց բիզնես լուծումները ներկայացնելու տեխնոաշխարհի առաջնորդներին և մրցանակից բացի նաև ներդրումների հնարավորություն ստանալ։

Երևանյան համաժողովին սպասվում է ավելի քան 2000 մասնակից՝ 70 երկրից․ տեխնոլոգիական ոլորտի առաջատարներ, գործադիր տնօրեններ և ներդրողներ, հանրաճանաչ բանախոսներ, քաղաքականություն սահմանողներ և պետական պաշտոնյաներ, գիտնականներ ու տեխնոլոգներ։

«Armenian Tech Community» մեդիա մեծ վահանակի վրա կներկայացվեն համայնքի բոլոր անդամների լոգոտիպերը։ Այս նախաձեռնության շնորհիվ հայկական տեխնոհամայնքը կներկայանա միասնական դեմքով ու կայացած էկոհամակարգով։ «WCIT 2019»-ը Հայաստանի համար առանձնահատուկ հնարավորություն է աշխարհին ցուցադրելու գիտական ու տեխնոգիական ոլորտներում հայկական տաղանդն ու հեռանկարները, աշխարհին ներկայանալու որպես նորարար ազգ։

Կայծակնային ռաունդներին մասնակցելու համար արդեն դիմել է շուրջ 90 թիմ Հայաստանից ու աշխարհի տարբեր երկրներից՝ ԱՄՆ-ից, ՌԴ-ից, Մեծ Բրիտանիայից, Կանադայից և այլն։ Կընտրվեն լավագույն 15-ը, իսկ հաղթողները կհայտարարվեն Երեւանում` «WCIT 2019»-ի փակման արարողությանը։ Մրցանակները կհանձնեն հայկական տեխնոհամայնքի հայտնի ներկայացուցիչները։

Մրցափուլերը կանցկացվեն միջոցառման երեք օրերին` հոկտեմբերի 7-9-ը։ Ժյուրիի կազմում ընդգրկված կլինեն համաժողովի պատվավոր հյուրերն ու բանախոսները։ Ամեն օր մրցույթին կմասնակցի 5 ստարտափ, որոնցից հաղթող կճանաչվեն 2-ը։ Առաջին տեղի հաղթողը կստանա 25.000, 2-րդ տեղինը` 10.000 ԱՄՆ դոլար մրցանակ։

«WCIT 2019»-ը Հայաստանի և ՏՏ աշխարհի համար կարեւորագույն միջոցառում է։ Համաժողովի հաջողությունը կարտացոլվի բոլորիս վրա, ուստի «WCIT 2019»-ի եւ «BANA»-ի թիմերը վստահ են, որ ոլորտի ներկայացուցիչները, գիտակցելով նախաձեռնության կարեւորությունը եւ հնարավոր ազդեցությունը հայաստանյան նորարարական էկոհամակարգի վրա, իրենց դրամական ներդրումը կունենան միջազգային մրցափուլն իրականություն դարձնելու համար։ Ժամանակն է ցույց տալ, որ Հայաստանն ունի միասնական եւ ուժեղ տեխնոլոգիական հանրություն` ընդունակ աջակցելու համաշխարհային մակարդակի նորարարներին»,- նշել է «Հայաստանի Բիզնես հրեշտակների ցանցի» տնօրեն Գրիգոր Հովհաննիսյանը։

Կայծակնային ռաունդների արդյունքում շնորհվող «Armenian Tech Community Prize»-ի համար արդեն նվիրատվություններ են արել «DataArt», «SmartClick AI», «Rafa Solutions», «AICA», «Heltun», «Seven Smarts», «WiMedia», «EasyDmarc», «The Crowdfunding Formula», «Himnark» ընկերություններն ու անհատներ։

«Հատկապես ոգևորիչ է փոքր ընկերությունների մասնակցությունը, որոնք այս մրցանակաբաշխության մեջ իրենց ներդրումն ունենալով հաստատում են հայկական ՏՏ համայնքի լիիրավ անդամ լինելը։ Տեխնոհանրույթի այս միասնական մրցանակը կարող է դառնալ հայկական ՏՏ համայնքի դեմքն՝ աշխարհով մեկ»,- նշել է «WCIT 2019»-ի կազմակերպչական կոմիտեի անդամ, կայծակնային ռաունդների ծրագրի ղեկավար Էմմա Առաքելյանը։

Պատմական իրադարձության մասը կազմելու համար հայաստանյան տեխնn համայնքի ներկայացուցիչները կարող են կապ հաստատել «BANA»-ի թիմի հետ ([email protected])` «Armenian Tech Community» մեդիա-վահանակին իրենց լոգոտիպի տեղադրման, տոմսերի պրոմոկոդ ստանալու կամ այլ հարցերի համար։

Ֆինանսական ներդրումներ կարելի է անել անվանակարգի համար հատուկ բացված բանկային հաշվին` «Ինեկոբանկ» - 2052222084281006 (UATE)։ Համայնքի բոլոր անդամները «Հայաստանի Բիզնես հրեշտակների ցանցից» պարբերաբար տեղեկություններ կստանան։  

***

«WCIT 2019» ՏՏ համաշխարհային համաժողովը տեղի կունենա Երևանում, հոկտեմբերի 6-9-ին։ Համաժողովը հյուրընկալվում է Հայաստանում՝ ՀՀ կառավարության բարձր հովանու ներքո և աջակցությամբ։ ՏՏ համաշխարհային համաժողովը հիմնադրել է Տեղեկատվական տեխնոլոգիաների և ծառայությունների համաշխարհային դաշինքը։ Համաժողովը կազմակերպում է Առաջատար տեխնոլոգիաների ձեռնարկությունների միությունը։ 

Տպել
425 դիտում

Ապրիլյան պատերազմի քննիչ հանձնաժողովում լսել են Լելե Թեփեի հատվածում մարտական գործողությունների մասնակցած ավագ սերժանտի

Ծանրամարտիկ Հակոբ Մկրտչյանին շնորհվել է սպորտի վաստակավոր վարպետի կոչում

2 տղամարդիկ մտել են բջջային օպերատորներից մեկի սպասարկման սրահ ու բռնվել (տեսանյութ)

Տնտեսական հեղափոխությունը ոչ թե մի քանի ամսվա, այլ մի քանի տարվա գործ է. տնտեսագետ

Երեւանի բազմաբնակարան բնակելի 90 շենքի տանիքնի կտեղադրվի արևային ֆոտովոլտային համակարգ

ՊՆ 5-րդ զորամիավորման ստորաբաժանումներն անցկացրել են կրակային պատրաստության պարապմունքներ

Գորիս-Կապան հատվածի 8-14-րդ կմ-երը բեռնատարների համար դեռ փակ են լինելու

Անասնաշուկայում ուսումնասիրություններ են կատարվել, բրուցելոզ չի հայտնաբերվել

Փրկարարները լողավազանից դուրս են բերել շներին

Հայկական ավանդական ընտանիքի իմ պատկերացումը սա է, երբ ամուսինները թեւ ու թիկունք են իրար. Աննա Հակոբյան

Նախարար Սուրեն Պապիկյանն այցելել է «Հարավկովկասյան երկաթուղի» ՓԲԸ Երևանի մասնաճյուղ

Ձերբակալվածի անձնական խուզարկությամբ թմրամիջոց է հայտնաբերվել եւ դանակ (տեսանյութ)

Պաշտոնեական կեղծիք կատարելու կասկածանքով ձերբակալվել է ՀՀ ԱԺ աշխատակազմի ղեկավարի նախկին տեղակալը. ՀՔԾ

Շավարշ Գրիգորյանը նշանակվել է «Առողջապահական ծրագրերի իրականացման գրասենյակ»-ի տնօրենի պաշտոնակատար

ԱՄԷ արհեստական բանականության նախարարն ընդունել է Հայաստան այցելելու՝ Հակոբ Արշակյանի հրավերը

Վարչապետ Նիկոլ Փաշինյանը ցավակցական հեռագիր է հղել Հենրի Էլիբեկյանի մահվան կապակցությամբ

Գյումրիում ծեծի են ենթարկել թոշակառու կնոջն ու բնակարանից հափշտակել ոսկյա մատանիներ և գումար

2019-ի 9 ամիսների ընթացքում գրանցված հանցագործությունների ընդհանուր թվաքանակն աճել է 6,7%-ով

Վերջին սրացումները նաեւ երկկողմանի իրականացվող ինժեներական աշխատանքների հետ են կապված. Բալայան

Կարճաժամկետ շահն ու խնդիրների այսօրեական լուծումները մեզ՝ որպես հասարակություն, զարգացման չեն տանելու. Ղուլյան