«Միսս տիեզերք Արմենիայի» ֆինալիստները չեն օգտվել ԱՄՆ-ում անվճար սովորելու հնարավորությունից

«Միսս տիեզերք Արմենիա-2019»-ի մասնակիցները չեն օգտվել ԱՄՆ-ում անվճար կրթություն ստանալու հնարավորությունից: Մրցույթի կազմակերպիչներին հաջողվել էր Վիրջինիա նահանգի Հոլինս համալսարանից կրթաթոշակ ստանալ: Այն պետք է տրամադրեին ֆինալիստներին, սակայն եզրափակիչ անցած 15 մասնակիցներից ոչ մեկն այդ հնարավորությունը չի օգտագործել:

«Հայկական ժամանակ»-ի հետ զրույցում մրցույթի ղեկավար Գոհար Հարությունյանը բացատրեց՝ ինչու: «Աղջիկները, ցավոք, չօգտագործեցին այդ հնարավորությունը: Անգլերենի որոշակի բազային գիտելիքներ, ամեն դեպքում, պետք էին: Եվ միգուցե նաեւ ֆինանսական խնդիր կար, որովհետեւ վճարվում էր միայն ուսման համար, միեւնույն է, պետք էր գնալ, մնալ: Աղջիկները, որոնք եկել էին, կրթության համար չէին եկել, այլ մասնակցելու, տիտղոսը շահելու համար»,- ասաց նա՝ ավելացնելով, որ մյուս տարի մրցույթն անցկացնելու դեպքում կրկին կդիմեն համալսարան՝ կրթաթոշակի համար:

«Միսս տիեզերք Արմենիա» ու «Միսս աշխարհ Արմենիա» մրցույթներն ավարտվել են հուլիսին: Դրանից հետո հաղթողները՝ «Միսս աշխարհ Արմենիա» Լիանա Ոսկերչյանն ու «Միսս տիեզերք Արմենիա» Դայանա Դավթյանը, սկսել են պատրաստվել համապատասխան միջազգային մրցույթներին՝ «Միսս աշխարհ 2019» ու «Միսս տիեզերք 2019»: Ինչպես սովորաբար նման միջոցառումներից առաջ մասնակիցներն անում եմ, նրանք էլ զբաղված են փաստաթղթերը դասավորելով, հագուստի ընտրությամբ եւ այլ հարցերով:

«Թղթաբանությունն ենք անում եւ առհասարակ այն ամենը, ինչ մրցույթներն են թելադրում եւ պահանջում, այսինքն՝ իրենց պաշտոնական ֆոտոսեսիաները, տեսահոլովակները, «Միսս աշխարհ Արմենիա» Լիանա Ոսկերչյանն անում է «Գեղեցկությունը նպատակի համար» նախագիծը, մարզվում են, անգլերեն են պարապում, հագուստների ընտրությունն են անում եւ այլն»,- ասաց Գոհար Հարությունյանը:

3-րդ տարին է, որ Գոհար Հարությունյանի կազմակերպած մրցույթների հաղթողները Հայաստանն են ներկայացնում միջազգային ասպարեզում: Նա նշում է, որ այս անգամ նախապատրաստական փուլը նախորդի համեմատ ավելի հարթ է անցնում: Ըստ նրա՝ մնում է միայն հոգեբանական կողմի վրա աշխատել:

«Համեմատած անցած տարվա՝ գրեթե չկա դժվարություն: Փորձում ենք նաեւ հոգեբանորեն պատրաստել նրանց, քանի որ նրանք ամենամեծ ու հեղինակավոր մրցույթներին են մասնակցելու: Այդ մրցույթներին գնում են ավելի փորձառու մասնակիցներ, որոնք բազմաթիվ այլ միջազգային մրցույթների են մասնակցել, փորձ ձեռք բերել: Դայանան մասնակցել է 1 անգամ միջազգային մրցույթի, բայց Լիանայի համար առաջին անգամն է»,- ասաց Գոհարը՝ ավելացնելով, որ աղջիկները պետք է լինեն համարձակ եւ ինքնավստահ:

«Միսս աշխարհ 2019»-ն անցկացվելու է Լոնդոնում: Եզրափակիչը դեկտեմբերի 14-ին է: Մասնակիցներից 85-ը հայտնի են: Եվս 15 երկրներ դեռ պետք է որոշեն՝ ով է իրենց ներկայացնելու:

«Միսս տիեզերք 2019»-ի ո՛չ անցկացման ամսաթիվը եւ ո՛չ էլ վայրը դեռ պարզ չեն: Հայտնի են մասնակից երկրներից 83-ի ներկայացուցիչների անունները: Եվս 18 երկրներ դեռ պետք է ընտրեն իրենց մասնակիցներին:

Տպել
593 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց