Ռեկտորը պնդում է՝ կոնսերվատորիայի միջոցառումը սատանիստական չէր

19/09/2019 schedule17:20

Օրեր առաջ կայքերից մեկում հրապարակված տեսանյութը, որտեղ Երեւանի Կոմիտասի անվան պետական կոնսերվատորիայի ուսանողները միջոցառում են անցկացնում, բուռն քննարկումների առիթ դարձավ: Նշվում էր, որ այդ փակ խնջույքին մասնակցել են ԼԳԲՏ համայնքի ներկայացուցիչներ, սատանիստական աղանդի անդամներ: Կայքը, հղում անելով իր աղբյուրին, մանրամասնում էր, որ խնջույքն անցկացվել է ռեկտորի հովանու ներքո, որտեղ փորձ է արվում քարոզչություն կատարել ԼԳԲՏ անձանց, սատանիստական ուղղվածության ինչ-որ խմբերի մասով:  

Այսօր հրավիրած ասուլիսի ժամանակ կոնսերվատորիայի ռեկտորն այս ամենն իր դեմ ուղղված դիտավորյալ վարկաբեկում եւ զրպարտություն անվանեց եւ նշեց, որ տեղի  է ունեցել միջոցառում, այլ ոչ թե խնջույք: «Կան երաժշտական, երիտասարդական միջոցառումներ, որոնք տարբեր են ավանդական միջոցառումներից եւ դրանք երիտասարդական տարիքի դրսեւորումներ են»,- ասաց Սոնա Հովհաննիսյանը:

Միջոցառումը նախաձեռնել է Ad Libitum ազատ արվեստակիրների ուսանողական-մշակութային նախաձեռնության ղեկավար Հայկ Մակիյանը, որը բանավոր պայմանավորվածություն է ունեցել ռեկտորի հետ: Սոնա Հովհաննիսյանի խոսքով՝ այս երեկոյին նախորդել են թվով 30 հաջողված միջոցառումներ: Այն ներկայացվել է՝ որպես էլեկտրոնային եւ ավանդական երաժշտության սինթեզ: Երեկոն տեղի է ունեցել նկուղում, որը բարեկարգ վիճակի է բերվել  Ad libitum-ի շնորհիվ: Այնտեղ նույնիսկ դասընթացներ են անցկացվում:

Ռեկտորը պարզաբանեց, որ միջոցառումը սկսել է ժամը 20:00-ին եւ 22:00-ը չեղած՝ դադարեցվել իր հորդորով: Դադարեցնելու պատճառների մասին նշեց, որ ուսխորհրդի անդամներն են ահազանգել, որ մուտք են գործում տարօրինակ արտաքինով մարդիկ,  զանգահարել է նաեւ դասախոսներից մեկը՝ նշելով, որ անհանգիստ է, որովհետեւ կոսներվատորիայում անպատշաճ վարք է դրսեւորվում եւ մասնակիցները անսթափ վիճակում են:

Ռեկտորը, սակայն, վստահեցրեց, որ երկար զրուցել է բոլորի հետ եւ նման բան չի եղել, մեղադրանքները չի ընդունում, սակայն իրականացման վայրի մասին դիրքորոշումն է փոխվել. «Ես իմ սխալն ընդունում եմ, որ կոնսերվատորիայի տարածքում նմանատիպ էլեկտրոնային երաժշտության միջոցառում, գուցեեւ պետք չէր կազմակերպել, սակայն միայն այսքանով»:

Ad Libitum նախաձեռնության ղեկավար Հայկ Մակիյանի խոսքով՝ առաջին անորոշությունը եւ անհանգստությունը առաջացավ այն բանից, որ մարդիկ ճիշտ պատկերացում չունեին. ստանդարտ համերգ չէր սպասվում: «Բուհը բացի ուսումնանական հաստատություն լինելուց, նաեւ նորարարության, փորձառության կենտրոն է, որտեղ սովորում են ստեղծագործ խառնվածքի տեր մարդիկ եւ դեմ չեն նոր համադրություններին»,-իր խոսքում նշեց Հայկ Մակիյանը:

Թեեւ ոչ մի անպատշաճ բան տեղի չի ունեցել, նախաձեռնության ղեկավարն ասաց, որ ինչպես բոլոր միջոցառումները, սա նույնպես բաց է եղել բոլոր ցանկացողների համար: Իրենց երեկոների ժամանակ կանոններ կան, որ խախտվելու դեպքում, դուրս կհրավիրվեն մասնակիցները: Օրինակ՝ այս անգամ ուսանողական խորհրդի անդամները նկատել են կոնսերվատորիայի տարածքում ծխող մարդու եւ համբուրվող զույգի, ինչը չի թույլատրվում:

Տպել
2198 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց