«Մաեստրո Մանսուրյան-80». Գյումրիում կայացավ մեծ համերգ՝ կարեւոր առաքելությամբ

Առաջին կանգառն Արցախ, այնուհետ Երեւան, եւ վերջին ակորդը՝ Գյումրի: Երեւանի քաղաքապետարանի նախաձեռնությամբ անցկացված «Մաեստրո Մանսուրյան 80» համերգաշարը նվիրված է մեծ կոմպոզիտորի ծննդյան 80-ամյակին: Համերգին, ի թիվս այլ հյուրերի, մանսուրյանական մեղեդին ունկնդրեցին նաեւ ՀՀ վարչապետի տիկին Աննա Հակոբյանը, կառավարության անդամներ, ԱԺ պատգամավորներ:«Այս գաղափարը ծնվել է տարեսկզբին, մաեստրոյի հետ մտերմիկ մի ընթրիքի ժամանակ, բայց այդ ժամանակ դժվար էր պատկերացնել, թե ինչ ճանապարհ էինք անցնելու մեր մտքի ընթացքի ժամանակ: Բայց հստակ էր մի բան. գաղափարն ու դրա իրականացումը պետք է լիներ այնպիսի բարձր մակարդակի, որ արժանի լիներ  մեր մաեստրոյին, մեր պարոն Մանսուրյանին»,-Գյումրու Սեւ Բերդ ամրոցում կայացած համերգի ժամանակ պատմեց Երեւանի քաղաքապետ Հայկ Մարությանը:«Երաժշտության մեջ երկու երևույթների հարաբերություն կա՝ ձայնի և լռության: Ո՞րն է ավելի հարուստ, ո՞րն է ավելի հագեցած, որի՞ մեջ ավելի խորհուրդ կա: Իմ կարծիքով, հարուստը լռությունն է: Երբ ես անցնում եմ սահմանը՝ չգրելուց գրելուն, իմ զգացումն այն է, թե հանցանք եմ գործել, որ կորցրել եմ այդքան ժամանակը: Երբ չեմ գրում՝ խեղդում է ունայնության զգացումը: Երաժշտություն գրելն ինձ համար գործ չէ: Ինքնարտահայտման միջոց էլ չէ: Ես եմ: Ես ապրում եմ… Իմ իմացած ճշմարտությունը հաստատելու համար պատրաստ եմ լինել համառորեն: Ինչպե՞ս կարելի է բաց ճակատով լեռների կատարներին նայել, որ մեջդ երգ հղանա, երբ քո շուրթերին թռիչքի անկարող, ներքին կրակից զուրկ հանգաբանություն է և ոչ բանաստեղծություն: Առանց մոլեգնության ոչ մի բան չի ծնվում»: Այսպես է մտածում Տիգրան Մանսուրյանն ու արարում մինչ օրս, աշխարհին նվիրում մեղեդի՝ անբացատրելի ու մոգական երաժշտություն, որը մեկ անգամ ունկնդրելուց հետո այլեւս չի մոռացվում, դառնում է մարդու մի մասնիկը, մտնում արյան մեջ, հաստատվում որպես ինքնություն»:«Աստված իր երաժշտությունը նվիրում է մեզ այս հիանալի կոմպոզիտորների միջոցով եւ Աստված մեզ նվեր է տվել պարոն Մանսուրյանին՝ եվ իր միջոցով այդ աստվածային երաժշտությունը նվիրում է մեզ»,-շնորհավորանքի եւ խոնարհումի իր խոսքում ասաց Հայկ Մարությանը: Տիգրան Մանսուրյանն էլ անկեղծացավ. «Այդ երաժշտությունը չեմ հնարում, դրա ճշմարտությունը չեմ հնարում, դա գոյություն է ունեցել եւ ես ընդամենը դա բերել եմ երաժշտության աշխարհ: Իմ քայլը եղել է դա»:Ֆիլմերում հնչող Մանսուրյանի ստեղծագործությունները մշտապես քայլել են բոլորիս, նաեւ հենց հեղինակի հետ: Դա նաեւ մաեստրոյի կյանքի պատմությունն է, անցած օրերի թերթվող կենսագրությունը: Ամեն անգամ լսելիս նույն ապրումներն ունի, խորապես հուզվում է, վերապրում մեղեդին: «Թե «Գիքոր»-ի ժամանակ, թե «Մենք ենք, մեր սարերը» ֆիլմի ժամանակ, թե «Կտոր մը երկինք», «Աշնան արեւ», «Մեր մանկության տանգոն» էլ չթվեմ, սրանք ապրելով եմ գրել չէ՞: Եվ, մի տեսակ այս ամենին վերադառնալն ինձ համար մեծ հուզմունք է»,-լրագրողների հետ զրույցում ասաց Տիգրան Մանսուրյանը:Տիգրան Մանսուրյանի ստեղծագործությունները  Հայաստանի պետական սիմֆոնիկ նվագախումբը` դիրիժոր Սերգեյ Սմբատյանի ղեկավարությամբ, այս անգամ մատուցեց նոր գործիքավորմամբ ու մեկնաբանությամբ: Գյումրու պատմական ծուռ ու մուռ փողոցները, խճապատ ու արեւով թաթախված, ֆայտոնի անիվների ձայնից արթնացող քաղաքի լուսաբացը, գլուխը բարձր կանգնած գյումրեցին: Մանսուրյանական մեղեդու մեջ այս ամենն անցնում է կարմիր թելի նման:  «Դուք հրաշք եք, Աստծո տված հրաշք: Աստված մարդուն  ստեղծեց 4 սյուների վրա՝ ֆիզիկական, մտավոր, հոգևոր և էմոցիոնալ: Այսօր մաեստրոն այդ բոլոր սյուները քանդեց ու նորից հավաքեց: Մենք շնորհակալ ենք , որ Դուք կաք: Հետաքրքիր մի անձնավորություն, որ իր կյանքի ընթացքում դարձել է այն շաղախը, որն իր մեջ ընդգրկում է Սփյուռքը, Հայաստանի բոլոր մարզերի ու քաղաքների բնավորությունները, իսկ ամենակենտրոնում Գյումրին է՝ իր կոլորիտով»,-ասաց Գյումրու քաղաքապետ Սամվել Բալասանյանն ու Տիգրան Մանսուրյանին նվիրեց Գյումրու ոսկեզօծ զինանշան և քաղաքի խորհրդանիշ հանդիսացող ֆայտոնի մանրակերտը: Բոլոր գյումրեցիների անունից մաեստրոյին նաեւ  շնորհակալագիր փոխանցվեց:«Մաեստրո Մանսուրյան 80» համերգաշարն էլ Գյումրու համար ունեցավ կարեւոր առաքելությունը: Այն բարեգործական  եւ կարեւոր նպատակ նաեւ ուներ: Գյումրու թիվ 4 երաժշտական դպրոցի հիմքի վրա կստեղծվի Տիգրան Մանսուրյանի անվան դպրոցական կամերային նվագախումբ, որի ամբողջական գործիքակազմը ձեռք կբերվի հենց այս համերգի հասույթով:

Տպել
599 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին