Շատ կարեւոր ինֆորմացիա ստացանք ապրիլյան պատերազմի մասին, մտահոգիչ փաստեր ի հայտ եկան․ Անդրանիկ Քոչարյան

Այսօր շատ կարեւոր ինֆորմացիա ստացանք ապրիլյան պատերազմի մասին։ Այս մասին այսօր Ազգային ժողովում լրագրողների հետ զրույցում հայտարարեց Ապրիլյան պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը։

Նա ասաց, որ այսօրվա փակ նիստում հրավիրվել է 2016-ի գործողությունների մասնակից ժամկետային զինծառայող․ «Առաջնագծում մեր հերոսապատումը կերտած զինվորներից մեկն էր»,- մասնավորապես ասաց Քոչարյանը՝ հավելելով, որ հրավիրվածը հանձնաժողովի անդամներին տրամադրել է շատ կարեւոր տեղեկություն, որը որոշակի առումով մտահոգություն եւ որոշակի տպավորություն է թողել անդամների մոտ։ Քոչարյանն ասաց, որ հրավիրյալների ցանկում միայն բարձրաստիճան պաշտոնյաներ չեն․

«Այսօրվա հյուրը չենք բացահայտի՝ ով էր։ Նրանից ստացանք շատ կարեւոր ինֆորմացիա: Խոսքը վերաբերում է առաջնագծում եղած իրավիճակին: Մարդ էր, որը ավելացրեց մեր իմացությունը Ապրիլյան դեպքերի մասին, մարդ, որն անմիջական մասնակցություն է ունեցել առաջնագծում։ Մտահոգիչ փաստեր են ի հայտ եկել այս ընթացքում»,- ասաց պատգամավորը։

Հարցին՝ արդյոք հնարավոր է, որ հանձնաժողովի աշխատանքի արդյունքում ՊՆ-ում պաշտոնանկություններ լինեն, Անդրանիկ Քոչարյանն արձագանքեց. «Մենք ամեն ինչ անելու ենք, որ ՊՆ-ում ցանկացած թերացում ապագայի հետ կապված բացառվի»։

Թե հաջորդ հանդիպումը երբ է լինելու, Անդրանիկ Քոչարյանը չասաց, միայն արձագանքեց, որ առանց հայտարարելու են աշխատելու։

Քննիչ հանձնաժողովի նախագահը հավելեց, որ հրավիրյալների ցանկը ժամանակի ընթացքում ոչ թե պակասել, այլ ընդլայնվել է, եւ որ իրենք աշխատում են մեծ քանակության նյութերի ու մարդկանց հետ։

Նշենք, որ այսօր Ապրիլյան պատերազմի հանգամանքներն ուսումնասիրող քննիչ հանձնաժողովի փակ նիստից հետո թեպետ Անդրանիկ Քոչարյանը չբացահայտեց հրավիրված զինծառայողի անձը, սակայն ինքը՝ զինծառայողը՝ Հրանտ Սարկիսովը, ֆեյսբուքյան իր էջում գրել է, որ այսօր ինքն է պատասխանել քննիչ հանձնաժողովի անդամների հարցերին․

«Մտածում էի գրել, թե ոչ, սակայն պարտավո՛ր եմ, պարտավոր եմ իմ մարտական ընկերներին ճիշտն ասել: 

Տղե՛րք,

Եզակիներդ գիտեիք, որ ես այսօր հրավիրված եմ եղել ՀՀ ԱԺ «2016 թվականի ապրիլյան դեպքերը քննող ժամանակավոր հանձնաժողով»...

Ես պետք է շնորհակալություն հայտնեմ հանձնաժողովի անդամներից յուրաքանչյուրին՝ հանձնաժողովի նախագահ պարոն Քոչարյանի գլխավորությամբ:

Այն, ինչին որ հավատում էի մինչեւ աշխատանքների սկսելը, արդարացվեց: Այսօրվա հանդիպումն ապացուցեց, որ քննիչ հանձնաժողովը ԱՊԱՔԱՂԱՔԱԿԱՆ Է, որ Քննիչ հանձնաժողովին Մենք ՊԱՐՏԱՎՈՐ ԵՆՔ ՎՍՏԱՀԵԼ: Անդամներից եւ ոչ մեկը քաղաքականությունը չխառնեց ապրիլյան դեպքերի հետ:

Շնորհակալ եմ, տիկին եւ պարոնայք պատգամավորներ»,-  ասված է Հրանտ Սարկիսովի գրառման մեջ:

Տպել
2555 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին