Երևան
24 °C
searchclose
today
menuclose
Երևան
24 °C
ՀՀ պաշտպանության նախկին նախարար Սեյրան Օհանյանը դեռ չի հրավիրվել Ապրիլյան պատերազմի հանգամանքներն ուսումնասիրող խորհրդարանական քննիչ հանձնաժողովի նիստին։
«Հայկական ժամանակ»-ի հետ զրույցում ասաց հանձնաժողովի անդամ, «Իմ քայլը» խմբակցության պատգամավոր Տիգրան Կարապետյանը։ Նա ասաց, որ նախկին եւ ներկա պաշտոնյաներին հանձնաժողովի նիստերին հրավիրելու եւ նրանց հարցեր ուղղելու գործընթացն արդեն մեկ ամիս է՝ սկսված է։ Երեկ եւս զինվորականներ են եղել հանձնաժողովում, սակայն Կարապետյանը անուններ չհնչեցրեց։
Ինչպես ներկայացրեց մեր զրուցակիցը՝ հանձնաժողովն աշխատում է արդեն հաստատված գրաֆիկով՝ ուսումնասիրում են անհրաժեշտ փաստաթղթերը, զուգահեռ հրավիրում տարբեր մարդկանց, նյութեր ստանում եւ այլն։
Պատգամավորից հետաքրքրվեցինք՝ անհրաժեշտ բոլո՞ր նյութերն են հեշտությամբ ձեռք բերում, թե՞ հանդիպում են ինչ-որ խոչընդոտների։ Կարապետյանը պատասխանեց, որ խոչընդոտների մասին այս պահին չի կարող խոսել, բայց հիմնականում ստացել են այն բոլոր փաստաթղթերը, որոնք հարկավոր են եղել։
Ի պատասխան մեր հարցի՝ Տիգրան Կարապետյանն ասաց, որ այս ընթացքում չի եղել հանձնաժողով հրավիրված գեթ մեկ անձ, որը նիստին չներկայանա։ Եղել են միայն տեխնիկական, ժամկետների փոփոխության խնդիրներ։
Այս հանձնաժողովն իր ուսումնասիրության առարկան ձեւակերպել էր որոշակի հարցերի մեջ, օրինակ, թե 2016 թվականի ապրիլյան գործողությունների արդյունքում մարդկային ռեսուրսների, տեխնիկայի, սպառազինության կորուստները համաչա՞փ են եղել, թե՞ ոչ, հնարավո՞ր էր արդյոք մաքսիմալ նվազեցնել տարածքների ու զինծառայողների կորուստը, որո՞նք են տարածքների ու զինծառայողների կորուստների հիմնական պատճառները, ո՞ր ստորաբաժանման ղեկավարներն են հիմնական թերացողներն ու մեղավորները, ինչպե՞ս շտկել իրավիճակը զինված ուժերում եւ այլն։
Տիգրան Կարապետյանից հետաքրքրվեցինք՝ հաստատված հարցերից որեւէ մեկի պատասխաններն արդեն նախանշվո՞ւմ են, եւ նախնական պատկերացում կա՞ հիմնական թերացողների շրջանակի մասին։ Մեր զրուցակիցը մեկնաբանեց, որ կան հարցեր, որոնց պատասխանները ստանալու փոխարեն իրենց մոտ լրացուցիչ հարցեր են առաջանում:
«Եթե ընդհանուր ձեւակերպում տանք՝ մենք աշխատում ենք՝ հասկանալու Ապրիլյանի պատճառներն ու հետեւանքները, այս շրջանակներում որոշ հարցերի պատասխաններ ստացել ենք, որոշներինը՝ ոչ, որոշների ստանալու փուլում լրացուցիչ հարցեր են առաջացել եւ լրացուցիչ պարզաբանումների կարիք է լինելու»,- ասաց Կարապետյանը՝ նշելով, որ այս ընթացքում ավելի ընդգրկուն է դառնում այն մարդկանց շրջանակը, որոնց ի սկզբանե հրավիրելու նպատակ է եղել։
Ինչ վերաբերում է հիմնական թերացողներին՝ մեր զրուցակիցն ասաց, որ այս պահին մեղավորների անուններ հնչեցնելու ժամանակը չէ:
«Մենք աշխատում ենք առանց էմոցիաների, առանց ինչ-որ քաղաքական նպատակների, մենք զուտ փաստերով ենք աշխատում, եւ այս պահին կոնկրետ անուններ հրապարակման ենթակա չեն»։
Կարապետյանն ասաց, որ դեռ որոշում չկա՝ երբ հանրությանը նախնական տեղեկություն կտրամադրվի ուսումնասիրությունների վերաբերյալ, բայց սեպտեմբերին հնարավոր է որոշեն միջանկյալ զեկույց ներկայացնել։
Հարցին՝ հնարավո՞ր է լինեն նյութեր, որոնց որոշակի նկատառումներից ելնելով՝ չանդրադառնան եւ հանրությանը դրանց մասին տեղյակ չպահեն, հանձնաժողովականն ասաց, որ խնդիրը ՀՀ պաշտպանվածությանն ու պաշտպանությանն է վերաբերում, եւ գործ ունեն փաստաթղթերի հետ, որոնք ունեն գաղտնիություն, բայց քանի որ Ապրիլյանի հանգամանքները պարզելը հանրային պահանջ է, եւ հասարակությունն ակնկալում է իրեն հուզող պատասխանները ստանալ, իրենք փորձելու են հնարավորին սահմաններում ներկայացնել իրենց աշխատանքի արդյունքը։ Կարապետյանն ընդգծեց, որ հանձնաժողովն, ամեն դեպքում, որեւէ կաշկանդվածություն չունի առկա կամ ի հայտ եկող փաստերից գեթ մեկին չանդրադառնալու։
Հիշեցնենք, Ապրիլյան պատերազմի հանգամանքներն ուսումնասիրող քննիչ հանձնաժողովն իր աշխատանքները սկսել է սույն թվականի հունիսին։ Արդեն որոշել ու հաստատել են ներկա ու նախկին պաշտոնյաների բավականին մեծ անվանացանկ, որոնց անհրաժեշտ փաստաթղթերի ուսումնասիրման ընթացքում հրավիրում եւ հրավիրելու են հանձնաժողովի նիստերին։ Հանձնաժողովն, ընդհանուր առմամբ, հրավիրել է արդեն 8-ից ավելի նիստ։ Մնացած օրերին, այդ թվում՝ արձակուրդի ընթացքում, առանձին հանձնաժողովականներ շարունակել են իրենց աշխատանքն ու ուսումնասիրությունը։
Քննիչ հանձնաժողովը ստեղծվել է վեց ամիս ժամկետով։ Անհրաժեշտության դեպքում հնարավոր է ավելացնել եւս վեց ամիս։ Նիստերը լինելու են դռնփակ, քանի որ պատգամավորներն աշխատելու են պետական գաղտնիք պարունակող նյութերի հետ։ Նիստերն էլ անցկացվելու են հատուկ աշխատասենյակում, որտեղ ձեռնարկվել են անվտանգությանն առնչվող բոլոր միջոցառումները, որպեսզի հնարավոր բոլոր արտահոսքերը կանխվեն։
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են կառավարության դռանը, ջարդելով, գույքը վնասելով ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
