Կարող էինք գոլի հեղինակ դառնալ, առաջ անցնել, չհաջողվեց, դրա համար պատժվեցինք. Մխիթարյան

Հայաստանի ֆուտբոլի ազգային հավաքականի կիսապաշտպան Հենրիխ Մխիթարյանը կարծում է, որ Իտալիայի դեմ խաղում իր թիմը պատժվեց ունեցած պահերը չօգտագործելու համար: Այս մասին ՀՀ հավաքականի ավագը նշեց սեպտեմբերի 5-ին «Հանրապետական» մարզադաշտում Եվրո 2020-ի ընտրական փուլի խաղում կրած պարտությունից հետո (1:3): Նա ընդգծեց, որ ամեն դեպքում իրենք կարողացան ցույց տալ, որ անգամ 10 հոգով կարելի է խաղալ Իտալիայի դեմ:

- Ձեր գնահատականը խաղին:

- Լավ սկսեցինք հանդիպումը, ագրեսիվ էինք շատ, դրա համար գոլը խփեցինք: Գոլից հետո չգիտեմ՝ ինչու մի փոքր հետ քաշվեցինք: Բաց թողեցինք: Հետո կարմիր քարտը խանգարեց, բայց կարծում եմ՝ 2-րդ խաղակեսում տղաները մինչեւ վերջ պայքարեցին, ցույց տվեցին, որ նույնիսկ 10 հոգով կարելի է խաղալ Իտալիայի դեմ: Կարող  էինք գոլի հեղինակ դառնալ, առաջ անցնել, բայց չհաջողվեց, դրա համար հետո պատժվեցինք:

- Հաշիվն արդարացի՞ էր:

- Եթե հաշվի առնենք, որ մեր պահերը չօգտագործեցինք… ճիշտ է՝ Իտալիան առավելություն ուներ, Իտալիան մնում է Իտալիա: Կարծում եմ՝ եթե գոլը չխփեին, կարող է՝ նույնիսկ 1:1 ավարտվեր, բայց նաեւ հնարավոր է՝ ավելի մեծ հաշիվ լիներ: Կարող եմ ասել՝ երեւի մինչեւ 78-րդ րոպե, մինչեւ նրանց 2-րդ գոլը ամեն ինչ կարելի է ասել՝ արդարացի էր:

- Ի՞նչ եք մտածում Ալեքսանդր Կարապետյանի կարմիր քարտի մասին:

- Չգիտեմ, ես դրվագը չեմ տեսել, ոչինչ չեմ կարող ասել: Գուցե դա կարմիր քարտ էր, գուցե՝ ոչ: 2 ֆուտբոլիստներն էլ պայքարում էին գնդակի համար: Չգիտեմ նա արմունկով հարվածել է, թե՝ ոչ: Չեմ կարող գնահատել մրցավարի որոշումները:

- Հայաստանի հավաականի հաջորդ մրցակիցը Բոսնիա եւ Հերցեգովինան է: Ի՞նչ կարծիք ունեք այդ թիմի մասին:

- Դեռ 2 օր ժամանակ կա: Վաղը կդիտենք իրենց հանդիպումը, կփորձենք վերլուծել, տեսնել՝ որոնք ն իրենց ուժեղ եւ թույլ կողմերը եւ արդեն, ըստ դրա, կտեսնենք՝ ինչ կարող ենք անել:

- Նախախաղային ասուլիսի ընթացքում նշեցիք, որ խաղից հետո կխոսեք «Արսենալից» «Ռոմա» տեղափոխվելու մասին: Կմանրամասնե՞ք տեղափոխության մասին: Ի՞նչը ստիպեց տեղափոխվել եւ ինչո՞ւ չհարմարվեցիք անգլիական ֆուտբոլին ու «Արսենալին»:

- Ոչ թե չեմ հարմարվել անգլիական ֆուտբոլին, այլ ինչ-որ տեղ… չգիտեմ, երեւի մարզչի փոփոխությունն իր դերը խաղաց, քանի որ «Արսենալ» տեղափոխվել էի Արսեն Վենգերի ցանկությամբ: Մարզիչը փոխվեց, չգիտեմ, երեւի, ինչ-որ բան խանգարում էր: Երեւի խաղային փիլիոփայությունը չէր համապատասխանում Ունաի Էմերիի խաղային փիլիսոփայության հետ: Ֆուտբոլ է: Ամեն ինչ էլ պատահում է: Կարեւորը՝ ես իմ երազանքին հասել եմ: Միշտ ցանկացել եմ Անգլիայում խաղալ, երազանքս իրականացրել եմ: Հիմա արդեն տրամադրվելու եմ «Ռոմայի» հանդիպումներին:

- Ուրիշ ակումբներից առաջարկներ ունեցե՞լ եք:

- Եղել է հետաքրքրություն, բայց հետաքրքրությունից առավել ոչինչ չի եղել: «Ռոման», երեւի, ամենակոնկրետն էր, իրենց ցանկությունն ավելի շատ էր, որպեսզի ես այնտեղ խաղամ: Ուրախ եմ, որ այնտեղ եմ խաղալու:

Տպել
1578 դիտում

ԵԱՀԿ-ն դիտարկում է անցկացրել Արցախի և Ադրբեջանի զինված ուժերի շփման գծում

Քաղաքապետարանը շարունակաբար վատաբանում և զրպարտում է ընկերության ղեկավարությանը. «Սանիթեք»-ի հայտարարությունը

Ջորկաեֆը նշանակվել է ՖԻՖԱ-ի հիմնադրամի ղեկավար

Ոստիկանության պետի պարտականությունները ժամանակավոր կկատարի Արման Սարգսյանը

Հեռանալուս պատճառների մասին կխոսեմ հետագայում. Օսիպյանի հայտարարությունը

Կարծում եմ՝ երազելը շատ լավ է. Տոնոյանի պատասխանը՝ Ադրբեջանի պաշտպանության նախարարին

2019-ի առաջին կիսամյակում ԵՄ երկրներում ապաստան հայցած ՀՀ քաղաքացիների թիվը նվազել է 27%-ով

Օսիպյանն արդեն ոստիկանության վետերանների շարքում է. նա հրաժեշտ տվեց աշխատողներին

Վլադիմիր Գասպարյանն առաջադրված մեղադրանքում իրեն մեղավոր չի ճանաչում եւ հրաժարվել է ցուցմունք տալուց. փաստաբան

ՀՀ անկախության 28-րդ տարեդարձի միջոցառումների կազմակերպման նպատակով բյուջեից ծախսվել է 220 մլն դրամ. Աղաջանյան

Մենք մեր խոսքը Նիկոլ Փաշինյանին կասենք ռազմի դաշտում. Զաքիր Հասանով

Վալերի Օսիպյանն ազատվեց ոստիկանության պետի պաշտոնից. նախագահի հրամանագիրը

Աշխատանքի նկատմամբ սերը բնութագրիչ է հայ և իրանցի ժողովուրդների համար. Զարուհի Բաթոյանը՝ Իրանի դեսպանին

Վլադիմիր Գասպարյանին մեղադրանք է առաջադրվել՝ իշխանությունը չարաշահելու համար

Եղանակի կանխատեսում. ջերմաստիճանը սեպտեմբերի 22-23-ն աստիճանաբար կնվազի 9-11 աստիճանով

«Ռոսատոմ»-ի գլխավոր տնօրենը կայցելի Հայաստան. Պապիկյանը նրա հետ կարճատև զրույց է ունեցել

Վերցնենք Թումանյանի հեքիաթների ժողովածուն, մեր անունից տպագրենք ու ասենք՝ հղումը մոռացա. Գոգյանը՝ Հայրապետյանի մասին

Հայաստան կայցելի ԱՄՆ-ի կոնգրեսականների պատվիրակություն

Մեր նպատակն է կառուցել բռնությունից ազատ հասարակություն. Արդարադատության փոխնախարար

Ինչպե՞ս բարձրացնել Ռուսաստանում Հայաստանի ճանաչելիությունը. համաժողով