Վերջին 3 ամիսներին «Սպայկա»-ն մոտ 500 հազար դոլարի վնաս է կրել. ընկերության կայուն զարգացման գծով տնօրեն

«Սպայկա» ընկերությունը վերջին 3 ամիսներին հարյուր հազարավոր դոլարների կորուստ է կրել: Այս մասին «Հայկական ժամանակ»-ի հետ զրույցում ասաց «Սպայկա» ընկերության կայուն զարգացման գծով տնօրեն Կարեն Բաղդասարյանը:

Հիշեցնենք, որ օրերս ընկերությունը հաղորդագրություն էր տարածել՝ հայտնելով, որ հայկական դեղձով բեռնված բեռնատարները երկու օր է՝ կանգնած են Վերին Լարսի անցակետում: Բեռնատարներին նշանակել են մաքսային զննում, սակայն Վերին Լարսի մաքսակետի այն տարածքը, որտեղ բեռնատարները պետք է ենթարկվեն մաքսային զննման ապահոված չէ շուտ փչացող ապրանքների պահպանման համար անհրաժեշտ պայմաններով եւ առաջին հերթին՝ շուտ փչացող ապրանքների (մրգերի, բանջարեղենների, պարենային ապրանքների) պահպանման համար սահմանված ջերմաստիճանային ռեժիմով: Նման պայմաններում մաքսային զննման դեպքում բեռնափոխադրվող գյուղմթերքը կորցնում է իր որակական հատկանիշները մինչև սպառողին հասնելը՝ մեծ վնասներ հասցնելով արտահանողներին:

Թեմայի վերաբերյալ այսօր Էկոնոմիկայի նախարարի մամուլի խոսնակ Աննա Օհանյանը ֆեյսբուքյան իր էջում գրել է, որ օգոստոսի 26-ի գիշերվա դրությամբ Վերի Լարսի անցակետում հայկական դեղձով բեռնված մեքենաների զննումն ավարտվել է, եւ բեռնատարները դուրս են եկել մաքսակետից:

Կարեն Բաղդասարյանը անդրադառնալով խնդրին մեր զրույցում ասաց, որ այն կապված է ռուսական կողմի հետ. «Իրենք մաքսային զննման ռեժիմի տակ չեն կարողանում ապահովել ջերմաստիճանի պահպանման անհրաժեշտ պայմաններ: Այսինքն իրենք տարածքում ունեն պահեստ, որը բաց է եւ ունեն սառնարան, որն այդ բաց պահեստի վերջում է գտնվում: Իրենք դատարկում են մեքենաները բաց պահեստում՝ այսպես ասած չսառեցվող պահեստում, որոշ ժամանակով ապրանքը մնում է մինչեւ մաքսային աշխատողները գալիս նայում են, ինչը ժամեր է տեւում: Այսինքն ապրանքի հետ ջերմային տատանում է տեղի ունենում: Սա շատ լուրջ խնդիր է ոչ միայն մեր համար, այլեւ Հայաստանից գնացող բոլոր թարմ գյուղմթերքների համար, որը մաքսային զննում է անցնում: Գիտեմ, որ մեր կառավարությունը կապի մեջ է ռուսական կողմի հետ, բայց դա 1 օրում լուծվող խնդիր չի, նույնիսկ, եթե դրա վերաբերյալ որոշում կայացվի: Ինչքանով, որ տեղյակ եմ ռուսական մաքսային մարմիններին սպասարկող պահեստը մասնավոր պահեստ է, որը որ նույնիսկ պետական վերահսկողության տակ չէ եւ իրենք ստիպում են, որ այդ պահեստում ամեն ինչ կատարվի: Մենք Վլադիկավկազում պահեստ ենք վարձակալել, բայց քանի որ դա մաքսային ռեժիմի պահեստ չի, իրենք հրաժարվում են այնտեղ այդ գործողություններն անել եւ մենք ստիպված իրենց ընթացակարգով ենք շարժվում ու մեծ կորուստներ ենք ունենում: Մի բան էլ ասեմ. ջերմաստիճանի տատանումները մեզ մոտ ֆիքսվում է եւ մենք դա տրամադրում ենք հաճախորդներին: Նրանք էլ տեսնում են, որ տատանում է տեղի ունեցել եւ շատ հաճախ հրաժարվում են բեռից»:

Հարցին՝ ֆինանսական առումով որքա՞ն կորուստ եք կրել, Բաղդասարյանը պատասխանեց. «Հարյուր հազարավոր դոլարների: Մի քանի ամիս է՝ մաքսային գործողությունը խստացված ռեժիմով է կատարվում: Այն ժամանակ ասենք պատահականության սկզբունքով 20 կամ 10 մեքենայից մեկն էին ստուգում, հիմա բոլորն են ստուգում, ռենտգեն են անցկացնում: Ռենտգենը ցույց է տալիս, որ ամեն ինչ նորմալ է, բայց նրանք դարձյալ ստուգում են: Հիմնական խնդիրը կապված է ռուսական կողմի մաքսային մարմինների հետ: Իհարկե, իրենց իրավունքն է զննելը, բայց պետք է նաեւ պահպանվեն համապատասխան պայմանները: Մոտ 3 ամիս առաջ է սա սկսվել»:

Բաղդասարյանի խոսքով՝ ծիրանի սեզոնից սկսվեց ավելի խիստ ռեժիմով զննության անցկացումը. «Մենք դիմել ենք Էկոնոմիկայի նախարարությանը, իրենք զբաղվում են այս հարցով, բայց այն խնդիրը, որ իրենք չունեն պահեստ, նշանակում է, որ այս խնդիրն այդպես չի լուծվելու»:

Հարցին՝ կորուստի չափը կես միլիոն դոլարի հասնո՞ւմ է, Բաղդասարյանը պատասխանեց. «Այո, հասնում է: Հիմա մեզ մոտ հարց է դրված, որ միգուցե ճիշտ կլինի դադարեցնենք դեղձի մթերումը՝ մինչեւ հասկանանք ինչն է նման վերաբերմունքի պատճառը»:

Տպել
2627 դիտում

Թուրքիայից ԵՄ արտահանումը 2019-ի 7 ամսում կազմել է 47.2 մլրդ եվրո

Այսօր առանձին շրջաններում սպասվում են տեղումներ, առաջիկա օրերին՝ առանց տեղումների եղանակ

Հրշեջները մարել են Ներքին Չարբախի գերեզմանատանը բռնկված հրդեհը

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին