Գիշերօթիկի երեխաներին իրենց ընտանիքներ վերադարձնելով կավելացնեն մուրացկանների թիվը. Ուլիխանյան

ՀՀ աշխատանքի եւ սոցիալական հարցերի նախարարության առաջարկած լուծարման ենթակա չորս հաստատությունների մեջ է նաեւ 77 երեխա խնամող «Դիլիջանի երեխաների խնամքի եւ պաշտպանության գիշերօթիկ հաստատություն»-ը:

Հաստատության տնօրենի ժամանակավոր պաշտոնակատար Հերիքնազ Ուլիխանյանը «Հայկական ժամանակ»-ի հետ զրույցում նշեց, որ պետությունը գիշերօթիկի երեխաներին իրենց ընտանիքներ վերադարձնելով կավելացնի մուրացկանների թիվը: Ուլիխանյանը մտահոգություն հայտնեց, որ այս պահին էլ Իջեւանում տեսնում են շուկայի դիմաց կանգնած իրենց նախկին սաներին, որոնք մուրացկանությամբ են զբաղվում:

«Դիլիջանի երեխաների խնամքի եւ պաշտպանության գիշերօթիկ հաստատություն»-ը տարվա սկզբին ունեցել է 100 սան, ընտանիք վերադարձնելուց հետո այսօր 77-ն են մնացել:

«Ասում են՝ նյութական աջակցություն են տալու, ինչքա՞ն ժամանակով են տալու, մե՞կ տարով: Մի տարի հետո այդ ընտանիքը կարողանալու՞ է ոտքի կանգնել ու իր երեխային պահել՝ դժվար թե: Ունենք այնպիսի երեխաներ, որ ինչքան էլ պայքարեցինք, նրանց իրենց ընտանիքներ վերադարձնելու համար, միեւնույնն էր՝ այդ երեխաներին ընտանիք վերադարձնելը մեծ ռիսկերի հետ էր կապված»,-նկատեց Ուլիխանյանը:

«Դիլիջանի երեխաների խնամքի եւ պաշտպանության գիշերօթիկ հաստատություն»-ը պետությունից ստանում է տարեկան 133 միլիոն դրամ:

Տնօրենի ժամանակավոր պաշտոնակատար Հերիքնազ Ուլիխանյանը մտահոգված է նաեւ հաստատության 70 աշխատողների համար, որոնք փաստացի անգործ են մնալու. «Առավոտյան աշխատողները հավաքվել այդ հարցն էին բարձրացրել, որ եթե մտածում են կարիքավոր ընտանիքներին աջակցել, հաստատությունը լուծարելիս իրենք էլ են հայտնվում նրանց թվում, քանի որ դեպքեր կա, որ ամուսիններով են այստեղ աշխատում»:

Գիշերօթիկի աշխատակիցների միջին աշխատավարձը 70-ից 80 հազար դրամ է: Հերիքնազ Ուլիխանյանը նկատեց, որ դեռ հույս ունեն, որ ՀՀ կառավարությունը լավ կմտածի ու սոցապ նախարարության առաջարկը չի ընդունի: Վերջինիս փոխանցմամբ՝ աշխատողների մեջ էլ ցանկություն կա Գյումրու երկու՝ «Գյումրու Ֆրիտյոֆ Նանսենի անվան երեխաների խնամքի եւ պաշտպանության N 2 գիշերօթիկ հաստատություն», «Գյումրու երեխաների խնամքի եւ պաշտպանության N 1 գիշերօթիկ հաստատություն» ՊՈԱԿ-ների աշխատակիցների օրինակին հետեւել եւ բողոքի ակցիա իրականացնել, սակայն դեռ սպասում են:

«Դիլիջանի երեխաների խնամքի եւ պաշտպանության գիշերօթիկ հաստատության» տնօրենի ժՊ-ն միեւնույն ժամանակ վստահեցնում է՝ բոլոր երեխաները միաձայն գոհ են եղել գիշերօթիկի թե՛ կարգ ու կանոնից, թե՛ անձնակազմից. «Երեխաներն այստեղ իրենց շատ լավ են զգացել, եւ դա ոչ թե ես եմ ասում, այլ՝ իրենք»:

ՀՀ աշխատանքի եւ սոցիալական հարցերի նախարարությունը վերոնշյալ հաստատությունների լուծարման առաջարկում հիմնավորել է, որ պետության աջակցությունը պետք է ուղղվի ոչ թե հաստատությունների պահպանմանը, այլ ընտանիքներին: Նախարարությունից նաեւ հայտնում են, որ անհրաժեշտ աջակցության տրամադրմամբ պետք է ապահովել երեխաների վերամիավորումը ընտանիքներին՝ կանխելով նոր երեխաների մուտքը գիշերօթիկ հաստատություններ:

Տպել
1741 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին