change.org կայքում ստորագրահավաք է սկսվել՝ հաջակցություն ՀՊՏՀ ռեկտորի ԺՊ Ռուբեն Հայրապետյանի

change.org կայքում ստորագրահավաք է սկսվել՝ հաջակցություն Հայաստանի պետական տնտեսագիտական համալսարանի բարեփոխումների ու ռեկտորի ժամանակավոր պաշտոնակատար Ռուբեն Հայրապետյանի:

Որպես ստորագրահավաքի նախաձեռնող նշվում է Լիլիթ Մկրտչյանը, հասցեատերերն են վարչապետ Նիկոլ Փաշինյանը, կրթության, գիտության, մշակույթի եւ սպորտի նախարարությունն ու նախարար Արայիկ Հարությունյանը:

Հրապարակված տեքստում նշվում է հետեւյալը.

«2018թ. դեկտեմբերի 28-ին ՀՊՏՀ ռեկտորի ժամանակավոր պաշտոնակատար է նշանակվել տնտեսագիտության դոկտոր, պրոֆեսոր Ռուբեն Արմենի Հայրապետյանը, ով մինչ այդ հանդիսանում էր նույն համալսարանի կառավարման ամբիոնի վարիչի ժամանակավոր պաշտոնակատար:

Պաշտոնը ստանձնելուց անմիջապես հետո Ռ. Հայրապետյանը ձեռնամուխ է եղել բուհում բարեփոխումների ծրագրի իրականացմանը: Ծրագրի մաս է կազմում նաև գիտամանկավարժական կազմի թափուր պաշտոնների մրցույթը, որի համաձայն` դասախոսական կազմն ընտրվում է մրցութային կարգով։ Նշենք, որ կարգը հաստատված է` հիմք ընդունելով «Բարձրագույն և հետբուհական մասնագիտական կրթության մասին» ՀՀ օրենքի 19-րդ հոդվածի 3-րդ և 4-րդ մասերի պահանջները և «Հայաստանի պետական տնտեսագիտական համալսարան»  պետական ոչ առևտրային կազմակերպության «Գիտամանկավարժական կազմի ընտրության և տեղակալման կանոնակարգը», հղումը՝ https://asue.am/upload/files/documents/Gitamankavarjakan-kazmi-yntrutyan-kanonakarg-30-04-2019.pdf ։

Հարկ է նշել, որ մրցույթը տարիներ շարունակ կրել է ֆորմալ բնույթ՝ իրականում չապահովելով դասախոսների շրջանում մրցակցության որևէ տարրի առկայություն։ 2019թ․ հուլիսին տեղի ունեցած բաց մրցույթի արդյունքում անցողիկ միավորների շեմը չհաղթահարած մի շարք դասախոսներ դժգոհություն են հայտնում դասախոսական կազմի ընտրության չափորոշիչների մասին` փորձելով խոչընդոտել համալսարանի բնականոն գործունեության ընթացքը:

Գիտամանկավարժական կազմի անդամները, ավանդաբար ազատված լինելով ատեստավորման գործընթացներից, իրենց վրդովմունքն են արտահայտում մրցույթի օրինականության, անցկացման կարգի, հանձնաժողովի կազմի և ընտրված չափորոշիչների վերաբերյալ (այդ թվում՝ մասնագիտական գիտելիքներ, մասնագիտական ու դասախոսական աշխատանքային փորձ և այլն):

Համաձայն կանոնակարգի՝ սահմանված 13 չափորոշիչներից 5-ն ապահովելու պարագայում դասախոսը հաղթահարում է մրցույթի անցողիկ շեմը։ Արդյո՞ք 5 չափորոշիչի չհամապատասխանելու, կամ որ նույնն է, հնարավոր առավելագույն միավորների 40%-ը չապահովելու դեպքում մասնագետն իրավունք ունի ծավալելու գիտամանկավարժական գործունեություն։

Սույն ստորագրահավաքը կազմակերպվում է առ այն, որ ՀՊՏՀ ուսանողները, շրջանավարտները, դասախոսները, գործատուները և մյուս շահառուները կողմ են իրականացվող բարեփոխումներին և իրենց աջակցությունն են հայտնում բուհի ռեկտորի ժամանակավոր պաշտոնակատար Ռուբեն Հայրապետյանի որդեգրած ռազմավարությանը, ինչպես նաև ՈՉ ՄԻ ՊԱՐԱԳԱՅՈՒՄ ՉԵՆ ԸՆԴՈՒՆԻ ՌՈՒԲԵՆ ՀԱՅՐԱՊԵՏՅԱՆԻ ՀՐԱԺԱՐԱԿԱՆԸ: Համալսարանի շահառուները սույնով որակյալ կրթություն ստանալու իրենց իրավունքի պաշտպանության քայլ են կատարում՝ պահանջելով գիտամանկավարժական կազմը համալրել բացառապես մասնագիտական բարձր որակավորում ունեցող դասախոսներով և բուհի ղեկավարումը վստահել ռեկտորի ժամանակավոր պաշտոնակատարի՝ իրենց աջակցությունը վայելող թեկնածուին»:

Այս նախաձեռնությանը երեկ ուշ երեկոյան նախորդել էր ԿԳՄՍ նախարար Արայիկ Հարությունյանի հայտարարությունը: Նախարարը նշել էր, որ հանդիպել է ռեկտորի ժամանակավոր պաշտոնակատարի հետ եւ եկել են փոխհամաձայնության, որ նա կթողնի զբաղեցրած պաշտոնը:

Ավելի վաղ հայտնի էր դարձել, որ Ռուբեն Հայրապետյանի դոկտորական ատենախոսությունը խնդրահարույց է: Նա ինքն էլ հաստատել էր, որ ատենախոսության մեջ որոշ դեպքերում չի ապահովել պատշաճ հղումները:

09:50-ի դրությամբ ստորագրահավաքին միացողների թիվը 864 է:

Տպել
2455 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան