Երևան
16 °C
Թոմ Քաթինային արտաքնապես նման, նույն հասակով, նույն աչք-ունքով,նույն բարի ու սրտաբաց ժպիտով: Գյումրու Ավստրիական մանկական հիվանդանոցի մանկաբարձ-գինեկոլոգ, 35 ամյա Արմեն Մկրտչյանն է: Հենց նա է մի քանի օրից Նուբայի լեռներում փոխարինելու Քաթինային: Արտաքին նմանության մասին, ասում է շատ է լսել: Բայց մեկ տարբերություն, այնուամենայնիվ կա: «Մենակ մազերիս մասն է էլի, ասում են, եթե ճաղատ էլ լինեիր, արդեն հաստատ ինքը կլինեիր»,-կատակում է բժիշկը:Սուդան մեկնելու առաջարկը բժիշկը ստացել է պատահական: Երբեք չի մտածել այդ մասին: Բայց ստացած հեռախոսազանգն ամեն ինչ խառնել է իրար: «Չէի սպասում, մտածում էի արտերկրի համար, գերմաներեն էի պարապում այս ընթացքում: Մի օր էլ սովորականի նման աշխատանքի էի, վայբերով զանգեցին, թե էսպիսի բան կա Արմեն, քեզ զանգելու են: Ճիշտն ասած, էդքան էլ լուրջ չընդունեցի, բայց երբ զանգեցին ու նման անկնկալ առաջարկ էր, էնքան ոգեւորվեցի, որ միանգամից էլ բան չէր մնում, ասացի 90 տոկոսով համաձայն եմ: Բայց մեկ-երկու օր ժամանակ տվեք քննարկման համար, որ ինքնս ինձ հետ թեկուզ քննարկեմ սա: Իսկ արդեն 2-րդ օրը լիարժեք ասացի՝ արեք գործընթացը սկսենք»:
Գործընթացն արդեն ավարտել են: Հստակ որոշված է. Արմեն Մկրտչյանը Նուբայի լեռներում է մնալու օգոստոսի 20-ից մինչեւ հոկտեմբերի 20-ը: Բայց բժիշկը ժամկետից մեկ շաբաթ շուտ կգնա, որ կարողանա Թոմ Քաթինայի հետ համատեղ աշխատել, եւ մեկ շաբաթում ծանոթանալ պայմաններին: Արմենը մեկնում է ոգեւորված եւ մեծ պատասխանատվությամբ: Հստակ գիտի, ուր է գնում, ինչ պայմաններում է աշխատելու: Ինչու՞ է բժիշկը վտանգում կյանքը: Հարցից անակնկալի է գալիս: «Ես աստվածավախ մարդ եմ, այնպես որ իմ կյանքն ապահովագրված: Այն ինչը կատարվում է, էդպես էլ պետք է լինի, ես չեմ վախենում»,-ասում է նա:Մարդասիրական այս քայլը համարում է իր առաքելությունը որպես մարդու ու բժշկի: Դեռ զինվորական հասակում էր հասկացել՝ մարդուն օգնելուց առավել մեծ բարիք չկա աշխարհում:«Աշխարհը նման մարդասիրական քայլերի կարիք շատ ունի: Մի կողմում կանգնած է պատերազմը, հակառակ կողմում մարդասիրությունը, լրիվ հակառակ կետեր են: Մի կողմից սպանում են մարդուն, մի կողմից՝ օգնում: Գլխումս սա չի տեղավորվում: Ծառայությանս ընթացքում այսպիսի մի հարց կար. հրամանատարությունը, բարձրաստիճան պաշտոնյաները որ գալիս էին, գիտեին, ես միակն էի Ղարաբաղում, որ վրաս կցված զենք չունեի: Որ հարցնում էին, թե ո՞նց ես անհրաժեշտության դեպքում պաշտպանվելու, բա որ գերի ընկար, չունենա՞ս զենք, ասում էի, ես երբեք չեմ կարող մարդ սպանել, ես կյանք տվող եմ: Իմ մարդասիրական առաքելությունը դեռ բանակից, զինվորական հասակից կար, որ ես պետք է զինվորին օգնեմ, բոլորին պետք է օգնեմ: Հիմա, իհարկե ,գիտեմ ինչ է կատարվում այդ լեռներում ու ինչպես են ապրում մարդիկ, պատկերացնում եմ, բայց երբ մարդիկ աչքերով նայում են քեզ եւ պետք է դու նրանց օգնես, դրանից առավել ոչինչ չկա: Ես միշտ մարդկանց պետք է օգնեմ, թեկուզ թշնամուս»:
Արմեն Մկրտչյանը ծնունդով Հրազդանից է, բայց արդեն 2.5 տարի է, ապրում, աշխատում է Գյումրու Ավստրիական մանկական հիվանդանոցում: Կոլեկտիվն ուրախ ու հպարտ է նրա որոշումից, բայց մի փոքր անհանգստություն էլ կա: Ընտանիքում էլ Արմենի որոշմանը դեմ չեն եղել: Հատկապես քույրն է շատ ոգեւորված: Նա ճանաչում է Քաթինային եւ հպարտ է, որ հենց իր եղբայրն է փոխարինելու նրան աշխատանքում: Իսկ աշխատանքն Արմենը կյանքի չափ է սիրում: Ուսանող տարիներին ապրած առաջին զգացողությունները ճակատագրական էին նրա համար: «3-րդ կուրսում առաջին տպավորությունս կեսարյան հատումից եղավ: Երբ առաջին անգամ նորածնին ձեռքերիդ մեջ ես զգում, անմոռանալի է, երբեք չի մոռացվում: Սկզբում կարողանում էի նրանց հաշվել, մեկ, երկու, հետո դարձան հարյուրավոր, հազարավոր, շատացան եւ դա արդեն առօրյա կյանք դարձավ: Ամեն օրս սկսվում է ծնունդով, ավարտվում ծնունդով: Դարձավ սովորական ու սպասված, բայց ամեն մի մանուկին իմը համարելով: Ու հիմա չգիտեմ, թե քանի երեխայի տեր եմ ես»,-կատակում է բժիշկը:Նուբայի մասին խոստանում է խոսել վերադառնալուց հետո: Այսօր միայն ասում է, իր քայլն այնքան փոքր է Քաթինայի մարդասիրական առաքելության կողքին, որ համեմատել անգամ չի կարելի: «Քաթինան այնպիսի մեծություն է, ում հետ համեմատվել չի կարելի: 2011-ին, երբ պատերազմ էր, նա ապրել ու աշխատել է այնտեղ ահավոր պայմաններում, հիմա հարաբերական հանգիստ է: Ես երբեք չեմ կարող համեմատվել նրա հետ: Նրա ուժը, կամքն ուրիշ է: Էնքան միսիոներներ են եղել, ովքեր չեն դիմացել, գնացել, հետ են դարձել: Իսկ Թոմն էդ պայմաններում էնքան երկար է մնացել, աշխատել, որ նույնիսկ հնարավոր չէ բառերով նկարագրել, գնահատակ տալ»:Հիշեցնենք, որ «Ավրորա» մարդասիրական նախաձեռնության խորհրդի անդամ Արման Ջիլավյանը նամակ էր գրել Գյումրու «Մոր ու մանկան Ավստրիական հիվանդանոց»-ի տնօրեն Աշոտ Կուրղինյանին, որում մասնավորապես ասված էր. ««Մոր ու մանկան Ավստրիական հիվանդանոց»-ի բժիշկ Արմեն Մկրտչյանը, հավատարիմ բժշկի եւ մարդու իր առաքելությանը, նախնական համաձայնություն է տվել մեկնել Սուդան եւ փոխարինել բժիշկ Քաթինային՝ օգնելու պատերազմից կեղեքվող Նուբայի բնակչությանը, այդ թվում՝ երեխաներին: Հաշվի առնելով, որ բժիշկ Արմեն Մկրտչյանն աշխատում է Ձեր հիվանդանոցում, հայցում ենք Ձեր աջակցությունը՝ նրան Սուդան գործուղելու եւ մարդասիրությունը գործ դարձնելու համար»:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ