Երևան
16 °C
Լուսացույցների եւ արագաչափերի տեղադրումն ու սպասարկումն իրականացնող «Սեքյուրիթի դրիմ» ընկերության շուրջ 25 աշխատակիցներ ապրիլին ազատվել էին աշխատանքից: Ազատված աշխատակիցները դիմել էին դատարան՝ պահանջելով վերականգնել իրենց աշխատանքային իրավունքն ու վճարել հարկադիր պարապուրդի համար նախատեսված փոխհատուցումը:
Աշխատակիցների շահերը դատարանում ներկայացնում է ընկերության նախկին տնօրեն, փաստաբան Արամ Ղլեչյանը: Հիշեցնենք, որ «Սեյքուրիթի դրիմ»-ի աշխատակիցները մարտի 1-ին բողոքի ակցիա էին իրականացրել՝ պահանջելով ընկերության համասեփականատերեր Ալեքսան եւ Գուրգեն Զաքարյաններից՝ աշխատանքից չազատել տնօրեն Արամ Ղլեչյանին: Ղլեչյանին, սակայն, ազատեցին եւ նրա փոխարեն նոր տնօրեն նշանակվեց, որից մի քանի շաբաթ անց էլ ազատեցին վերոնշյալ 25 աշխատակիցներին:
Փաստաբան Արամ Ղլեչյանը «Հայկական ժամանակ»-ի հետ զրույցում ասաց, որ «Սեքյուրիթի դրիմ»-ը փորձում է իր պաշտպանությունն իրականացնել ստի վրա. «Փորձում են ասել, որ այդ աշխատակիցները մարտի 1-ին ամբողջ օրը աշխատանքի չեն ներկայացել, թեեւ ԶԼՄ-ներն էլ էին այնտեղ ներկա, լուսաբանեցին այդ երեւույթը: Բոլորին հայտնի է, որ այդ բողոքի գործողությունը սկսվել է ցերեկը, ժամը 1-ին եւ ավարտվել է ժամը 3-ին: Այն դեպքում, երբ ժամը 1-ից 2-ն էլ շատերի համար ընդմիջման ժամանակահատված է եղել: Մինչեւ ժամը 1-ը բոլորը եղել են աշխատանքի եւ ամբողջ օրը բացակայելու այդ հայտարարությունն ուղղակի ծիծաղելի է: Նշում են, որ հաջորդ աշխատանքային օրերին նույնպես այդ աշխատակիցները չեն ներկայացել աշխատանքի: Մարտի 2-ին ընկերության հիմնադիրների հետ պայմանավորվածություն էր ձեռք բերվել, որ շարունակելու ենք նույն ձեւաչափով աշխատել, տնօրենի փոփոխություն չի լինում: Հետեւաբար, մարտի 4-ին անձնակազմը 1 մարդու պես եղել է աշխատանքի: Մարտի 5-ին նրանք արգելափակեցին բոլորիս մուտքի քարտերը եւ մեր մուտքն այնտեղ արգելեցին: Հիմա փորձում են ներկայացնել, որ մարտի 1-ին եւ հաջորդող օրերին այդ մարդիկ աշխատանքի չեն եկել, ինչը անհեթեթություն է: Գրավոր բացատրություն են պահանջել մարտի 1-ին ամբողջ օրը աշխատանքի չներկայանալու վերաբերյալ: Աշխատակիցները վարչապետ Նիկոլ Փաշինյանին ուղղված բաց նամակում հայտարարեցին, որ իրենք եկել են աշխատանքի մարտի 1-ին, բայց կեսօրից են մասնակցել ակցիային, սակայն նորանշանակ տնօրենն իրենցից բացատրություն էր ուզում, թե ինչու էին ամսի 1-ի ամբողջ օրը բացակայել»,- ասաց Ղլեչյանը:
Փաստաբանի կարծիքով՝ այդ պնդումն ակնհայտ անտրամաբանական է եւ իրականությանը չի համապատասխանում. «Միայն սրա վրա է իրենց պաշտպանությունը: Սրա վրա են փորձում հիմքը դնել, թե իբր մարդիկ մարտի 1-ին ամբողջ օրն աշխատանքի չեն եկել»:
Հարցին՝ այս պահին գործն ի՞նչ փուլում է գտնվում, Ղլեչյանը պատասխանեց. «2 գործերով նախնական պրոցեսներն ավարտվել են, դատաքննությունն ավարտվել է եւ հուլիսի 30-ին ու օգոստոսի 2-ին դատարանը վճիռ կհրապարակի, իսկ մյուս գործերը դեռ նախնական փուլում են»: Ղլեչյանը նշեց, որ թվով 24 առանձին հայցադիմումներ են ներկայացվել ընկերության դեմ:
«Գործող աշխատակիցներից մեկը զեկուցագիր է ներկայացրել տնօրենի պահանջով, թե իբր այդ 25 հոգին ամբողջ օրն աշխատանքի չեն ներկայացրել: Նա եկավ, դատարանում ցուցմունք տվեց, ասաց՝ քանի որ շատ ժամանակ է անցել՝ չի հիշում, թե ով է աշխատանքի եկել, ով՝ չէ: Բայց, որ զեկուցագիրը գրել եմ՝ ուրեմն, այդպես էլ ճիշտ է»,- ասաց Ղլեչյանը:
Հարցին՝ ի՞նչ կտա այս հայցն իր կարծիքով, աշխատակիցները կվերականագնվե՞ն իրենց աշխատանքում, Ղլեչյանը պատասխանեց. «Այդ 25 հոգին բավական առանցքային պաշտոններ էին զբաղեցնում՝ պետեր, տեղակալներ, ավագներ: Այսինքն, այն անձինք էին, որոնք աշխատանքային գործընթացները կազմակերպում էին: Հիմա, իհարկե, այդ անձնակազմին փոխարինողներ գտել են եւ հոգեբանական առումով դժվար է այդ մարդկանց հանելը եւ այս աշխատակիցներին վերականգնելը:
Դատարանը 2 տարբերակ ունի՝ կամ ասում է, որ այդ մարդկանց իրավունքը խախտվել է՝ հետ վերականգնեք, որից հետո կտեսնենք՝ իրենք կցանկանան հետ գնալ, թե՝ ոչ, չնայած բոլոր դեպքերում արդարադատություն պիտի իրականացվի: Կամ դատարանը հիմք է ընդունում այդ զեկուցագիրը, որ ամբողջ օրն աշխատանքի չեն ներկայացել: Այդ ժամանակ արդեն մեզ այլընտրանք չի մնում, քան այդ անձի դեմ բողոք ներկայացնել, որ դատարանին ակնհայտ սուտ ցուցմունք է տալիս: Քանի որ 300-ից ավելի անձ ներկա է եղել, մարդիկ առավոտյան նորմալ եկել են աշխատանքի եւ միայն կեսօրից հետո են մասնակցել բողոքի գործողությանը: Հայտարարել, որ դա նշանակում է՝ ամբողջ օրը աշխատանքի չգալ, իրականության խեղաթյուրում է»:
Հարցին՝ եթե ամեն դեպքում դատարանի որոշումը հօգուտ աշխատակիցների լինի, ինչպե՞ս են նրանք կարողանալու աշխատել ղեկավարության հետ, Ղլեչյանը պատասխանեց. «Այնտեղ նույն անձնակազմն է: Միջանձնային հարաբերություններում որեւէ կոնֆլիկտ չկա: Կոնֆլիկտը միայն նոր տնօրենի հետ արդեն իսկ ստի եւ կեղծիքի վրա հիմնված փոխհարաբերություններն են, երբ նոր տնօրենը այդ մարդկանց ազատեց աշխատանքից՝ պատրվակով, թե իբր նրանք աշխատանքի չեն եկել»:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ