Իջեւանում քաղաքացիները մետաղյա ձողերով ու քարերով հարվածներ են հասցրել ոստիկաններին․ Օսիպյանը մանրամասներ է ներկայացնում

Ոստիկանապետ Վալերի Օսիպյանն այսօր Իջեւանում լրագրողների հետ զրույցում մանրամասներ ներկայացրեց նախօրեին տեղի ունեցած բախումների վերաբերյալ։ Նա ասաց, որ մի խումբ քաղաքացիներ երեկ օրվա տարբեր ժամերին մի քանի անգամ Իջեւանում փակել են ճանապարհներ, որոնք ոստիկանության ծառայողների կողմից բացատրական աշխատանքների արդյունքում բացել են, սակայն իրավիճակն այլ է եղել արդեն երեկոյան։

«Երեկոյան քաղաքացիների թիվը հասել էր 500-600-ի, որոնք բոլորն էլ հրաժարվել են կատարել ոստիկանության ծառայողների օրինական պահանջները, կտրականապես հրաժարվել են բացել Երեւան-Իջեւան-Նոյեմբերյան ճանապարհը։ Իմ կողմից որոշում կայացվեց՝ օրենքի սահմաններում հայտարարելուց հետո շղթա կազմել, քայլել առաջ, բացատրել, պարտադրել, որ բացեն ճանապարհը»,-ասաց Օսիպյանը՝ նշելով, որ ոստիկանները հանդիպել են դիմադրության, քաղաքացիները մահակներով, մետաղյա ձողերով, քարերով հարվածներ են հասցրել նրանց, որի հետեւանքով ոստիկանության 12 ծառայող տարբեր աստիճանի մարմնական վնասվածքներով տեղափոխվել է հիվանդանոց․

«Հետո իմ կողմից որոշում կայացվեց լրացուցիչ ուժեր ուղարկել Իջեւան եւ ինքս անմիջապես շտապեցի գտնվել այստեղ։ Իրավիճակի մասին անմիջապես զեկուցել եմ վարչապետին ու շտապել Իջեւան։ Ինձ դիմավորել է շուրջ 30 քաղաքացի, որոնց հետ բանակցել եմ մոտ կես ժամ։ Նրանց բացատրել եմ անօրինական գործողությունների հետեւանքները, նրանք պահանջում էին, որ մենք վերացնենք Տավուշի մարզում տեղադրված անշարժ պահակետերը, որոնք վերահսկում են Իջեւանից, Տավուշից ապօրինի ծառահատումները ու հատված ծառերի տեղափոխումը Երեւան կամ այլ մարզեր»,- ասաց Օսիպյանը։

Նա նշեց, որ իր հետ խոսել են պայմանով, պահանջել են հանել այդ պահակակետերը, չկազմել որեւէ արձանագրություն․

«Բայց ես բացատրեցի, որ ոչ միայն չեն հանվելու պահակակետերը, այլ նաեւ միջադեպի կապակցությամբ հարուցվելու է քրեական գործ ու պատասխանատուները պատժվելու են։ Մենք թույլ չենք տալու, որ նման տոնով խոսեն ոստիկանության հետ, պետության ներկայացուցչի հետ, իրենք թելադրեն հետագա քայլերը»։

Ոստիկանապետն ասաց, որ, անկախ ամեն ինչից, իրենք ոստիկան են ու կանգնած են բոլորի կողքին, բայց կան մարդիկ, որոնք այդ հանդուրժողականությունը փորձել են դիտել թուլություն․

«Այո, ոստիկանությունը կիրառել, կիրառելու է ուժ, ինչը նախատեսված է Հայաստանի օրենսդրությամբ»,- ներկայացրել է ոստիկանապետը։

Հիշեցնենք, որ նախօրեին Իջեւանում տեղի ունեցած դեպքերի կապակցությամբ հարուցվել է քրեական գործ՝ խուլիգանության եւ պետության ներկայացուցչի նկատմամբ բռնություն գործադրելու հատկանիշներով։

Տպել
7274 դիտում

Լոս Անջելեսը կլինի հայ-կալիֆորնիական համագործակցության խորացման հիմնական կիզակետը. վարչապետ

Մենք առաջ ենք գնում տնտեսական հսկայական փոփոխությունների իրականացման. վարչապետը հանդիպել է Լոս Անջելեսի քաղաքապետին

ՀՀ 6 մարզում և մայրաքաղաքում այսօր էլեկտրաէներգիայի անջատումներ կլինեն

Երևանում և Սյունիքի մարզի Մեղրի քաղաքում անվտանգ տարածք են տեղափոխել օձերին

Զինծառայող Հայկ Խաչատրյանի վիճակը ծանր է. հնարավորության դեպքում կտեղափոխվի Երեւան. Հովհաննիսյան

Գիշերը հակառակորդը ձեռնարկել է դիվերսիոն ներթափանցման փորձ, սահմանին թողել 1 դի ու հետ շպրտվել

Հայկ Մարությանի որոշմամբ Երեւանի 3 դպրոցների տնօրեններ ազատվել են աշխատանքից

Արցախում մարտական դիրքից հրազենային վնասվածքով, ծայրահեղ ծանր վիճակում զինվոր է տեղափոխվել հոսպիտալ

Աշխարհի առաջնություն. ծանրորդ Անդրանիկ Կարապետյանը նվաճեց փոքր բրոնզե մեդալ

1 օրում գրանցվել է խոտածածկ տարածքներում բռնկված 34 հրդեհ

Խաչիկ գյուղում բռնկված հրդեհը մարվել է. այրվել է մոտ 52.2 հա խոտածածկ տարածք

Վարչապետը Լոս Անջելեսում հանդիպել է Կալիֆորնիայի հայ համայնքի կառույցների ղեկավարներին

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան