Կորել են Մուսայելյան գյուղի նախրապանի կինն ու խորթ աղջիկը

Ոստիկանության Աշոցքի բաժինն արդեն երրորդ օրն է՝ որպես անհետ կորած որոնում է Մուսայելյան գյուղի նախրապան Ռոմիկ Ազատյանի կնոջն ու կնոջ աղջկան։ Թե որտեղ են 39-ամյա Մարո և 17-ամյա Սյուզաննա Դիասամիձեները՝ գյուղում չգիտեն: Մուսայելյանի վարչական պատասխանատուն, սակայն, անհետ կորած արտահայտությունը սխալ է համարում: «Հայկական ժամանակ»-ի հետ զրույցում նա ասաց, թե՝ չեն կորել, տնից գնացել են, կենցաղային վիճաբանություն է եղել, հեռացել են:

«Վիճել, թողել գնացել են, սովորական կենցաղային վեճ է եղել: Երեւի պախկվել են, թե ուղղակի հլը հայտարարությունները չեն տեսնում, չգիտեմ: Ոչ թե անհաշտ են, չէ, ամուսինը լավ էլ տեղ տալիս էր, ընդունում էր իրենց, բայց դե մեկ-մեկ լինում  է՝ հոգնած մարդ, սարից գալիս է, ասենք՝ ճաշը ժամանակին չի եղել, կամ տներն է թափթփած եղել, կռվել են: Էդ մի անգամն էլ վիճել են, թողել, գնացել են: Էդ ընտանիքն ընդամենը երկու տարվա ընտանիք է, էնպես չէ, որ նորմալ ընտանիք են եղել: Աղջիկը մոր աղջիկն է, Ռոմիկի հետ կապ չունի: Թաքնվում են ավելի շուտ, ոստիկանությունն էլ չարչարվում է՝ մի շաբաթ էղավ: Անձնագրերն էլ են հետները տարել: Բաժանվելը էսպես է եղել, իրար հետ զրուցել, ելել, գնացել են, ոչ թե փախել են, անհետ կորել: Ոստիկանությանը նորմալ լուսանկարներ հնարավոր չի եղել տրամադրել, անձնագրերի պատճեններն է տվել Ռոմիկը»,-պատմեց Մուսայելյանի վարչական պատասխանատուն:

Ռոմիկը Մարոյին «Զատիկ» մանկատնից է բերել: Կինն այնտեղ է եղել իր 17-ամյա դստեր՝ Սյուզաննայի հետ: Վարչական պատասխանատուն ասաց, որ բացի այդ աղջկանից՝ եւս երկու երեխա ունի Մարոն: Նա «Զատիկ»-ում է հայտնվել Ռուսաստանի Դաշնությունից․

«Մարոյի մայրը կամ հայրը վրացի են եղել, դրա համար է ազգանունը վրացու, թե չէ ինքը ռուսաստանաբնակ է: Երեխաների հետ 4-5 տարի առաջ դեպորտ են արել, եկել են «Զատիկ» մանկատուն: Էնտեղից է նրան վերցրել Ռոմիկը կնության: 17 տարեկան աղջիկը մոր հետ եղել է «Զատիկ» մանկատանը: Անցյալ տարի, որ եկան մեր գյուղ նախրապանն ու էդ կինը, աղջիկը դեռ մանկատանն էր ապրում: Ամառը ամիս, ամիս ու կես բերեցին, հետո էլի գնաց մանկատուն: Էս տարի էլ երեւի դե երեխու 17-ը լրացել է, մանկատնից լրիվ է եկել: Իրանից բացի՝ 2 երեխա էլ ունի էդ կինը, կարծեմ Նուբարաշենում են, էնտեղ մանկատուն կա, թե գիշերօթիկ, չգիտեմ»,-ասաց Կարեն Վարդանյանը:

Եթե վիճել, ամուսնուն զգուշացրել, գնացել են, ինչու՞ է ոստիկանությունը նրանց փնտրում որպես անհետ կորած․ մեր այս հարցին Մանուկյանը պատասխանեց՝ ամուսինն է զանգել: Ռոմիկը նաեւ պատմել է, որ վիճել, տնից գնալու դեպքեր էլի են եղել, սակայն 1, 2 օր հետո Մարոն վերադարձել է: Այս անգամ, որ 3-րդ օրը չի եկել, սեփական ուժերով որոնումն էլ արդյունք չի տվել, անհանգստացել, ոստիկանությանն է դիմել:

«Մի 2-3 օր առանց հայտարարության մենք որոնեցինք, ինչքան ծանոթներ ունեինք Գյումրիում, նաեւ մեր ծանոթ ֆերմերների մոտ փնտրեցինք, ասինք՝ մարդ են, կարող է գնացել են, դե մի տեղ պիտի աշխատեն, որ գլուխները պահեն, տեսանք՝ չենք կարողանում գտնել, ամուսինը զանգահարեց 1-02: Ուղղակի ամուսինն ասում է՝ մի երկու դեպք էլ Ոսկեվազ է եղել, գնացել են մի օր, երկու օր, հետո եկել են: Բայց որ 3-րդ օրը չեկան, մենք սկսեցինք փնտրտուքը, որովհետեւ էս տղեն անհանգստացավ, թե կարող է՝ մի բան է պատահել»:

Այս պահին դեռեւս  մայր ու դուստր Մարո և Սյուզաննա Դիասամիձեների գտնվելու վայրը հայտնի չէ: Ե՛ւ ոստիկանությունն է որոնում նրանց, ե՛ւ ամուսինը:

Ի դեպ, նրանք Մուսայելյանի մշտական բնակիչներ չեն: Սեզոնային աշխատանքով պայմանավորված՝ տարվա տաք եղանակին գալիս են Մուսայելյան, ցրտերն ընկնելուն պես տեղափոխվում Աշտարակ: Մուսայելյանում ապրում են վարձակալած բնակարանում: Վարձը վճարում են այն մարդիկ, ում անասուններին պահում է Ռոմիկը:

Տպել
818 դիտում

Մի խումբ պահեստազորի սպաներ պահանջում են պատժել փոխգնդապետին ծեծողներին

Եկել է ժամանակը, որ սփյուռքի ներդրողները մտածեն Հայաստանում շահույթ ստանալու մասին. Փաշինյանի ելույթը Գրանդ Փարքում

Խոշոր ավտովթար Երեւան-Գյումրի մայրուղում (լուսանկարներ)

Ժողովրդի իշխանություն հետ բերած առաջնորդն էսօր Հայաստանի ոգին կբերի մեզ մոտ. Սարգիս Մանուկյան

Վանաձորի կերպարվեստի թանգարանը կապիտալ նորոգվում է (լուսանկարներ)

Ռոհանին կոչ է արել Պարսից ծոցի երկրներին համատեղ ապահովել տարածաշրջանի անվտանգությունը

Ես երբեք որևէ ներքաղաքական գործընթացի չեմ խառնվել և չեմ խառնվում. Արծրուն Հովհաննիսյանի հայտարարությունը

Առաջացել է ռեակտիվ հզորության դեբալանս. ինչ է պարզել մասնագիտական աշխատանքային խումբը մասսայական հոսանքազրկման մասին

56 մլրդ դրամ ԱԱՀ դեբետային պարտքը կվերադարձվի շուրջ 2835 հարկ վճարողների

Մարզպետի մասնակցությունը միջադեպին ստուգելու նպատակով առգրավվել են տարածքում առկա տեսախցիկները

Ունեմ տվյալներ, որ դեբետային գումարների մի մասը վերադարձվելու է Ս․ Սարգսյանի եղբոր ընտանիքի կազմակերպություններից մեկին

Շոու-բիզնեսի ներկայացուցիչը պետբյուջե չի վճարել ավելի քան 21 միլիոն դրամ հարկ. ՊԵԿ-ում քրգործ է հարուցվել

Ազատոճայիններն աշխարհի առաջնությունից գալիս են առանց մեդալների ու օլիմպիական ուղեգրերի

ՀՀ գլխավոր դատախազությունը տեսակապի միջոցով հարցաքննություն կատարելու իրավական հիմքերի ստեղծման նախագիծ է առաջարկել

Լոս Անջելեսը կլինի հայ-կալիֆորնիական համագործակցության խորացման հիմնական կիզակետը. վարչապետ

Մենք առաջ ենք գնում տնտեսական հսկայական փոփոխությունների իրականացմամբ. վարչապետը հանդիպել է Լոս Անջելեսի քաղաքապետին

ՀՀ 6 մարզում և մայրաքաղաքում այսօր էլեկտրաէներգիայի անջատումներ կլինեն

Երևանում և Սյունիքի մարզի Մեղրի քաղաքում անվտանգ տարածք են տեղափոխել օձերին

Զինծառայող Հայկ Խաչատրյանի վիճակը ծանր է. հնարավորության դեպքում կտեղափոխվի Երեւան. Հովհաննիսյան

Գիշերը հակառակորդը ձեռնարկել է դիվերսիոն ներթափանցման փորձ, սահմանին թողել 1 դի ու հետ շպրտվել