Թուրքիան կռիվ է տալիս ռուսական զենքի և Կիպրոսի գազի համար. ԱՄՆ-ն դժգոհում է, ԵՄ-ն՝ պատժամիջոցներ սահմանում

Թուրքիայի նախագահ Ռեջեփ Էրդողանը հայտարարել է, որ ռուսական S-400 (C-400) հակահրթիռային պաշտպանության համակարգը իր երկրում ամբողջովին տեղակայված կլինի մինչև 2020 թվականի ապրիլ:

Թուրքիայի կողմից ռուսական համակարգի ձեռքբերումը լարվածություն է առաջացրել ՆԱՏՕ-ի դաշնակիցների, մասնավորապես՝ Միացյալ Նահանգների հետ։ Պաշտոնական Վաշինգտոնը նախազգուշացրել է Անկարային, որ պատժամիջոցներ կկիրառի:

Երեկ՝ 2016 թվականի պետական հեղաշրջման փորձի երրորդ տարելիցին, Էրդողանն ասել է, որ S-400-ի մասերը տեղափոխող ութ ռուսական ինքնաթիռներ արդեն հասել են Թուրքիա, իսկ մյուսներն էլ ճանապարհին են։

ԱՄՆ պաշտոնյաները հայտարարել են, որ բացի ռուսական սպառազինության ձեռքբերման հետ կապված իրավական խնդիրներից, Թուրքիան կարող է նաև դուրս մնալ F-35 կործանիչների ծրագրին իր մասնակցությունից։

Կիրակի օրը Էրդողանն ասել է, որ ԱՄՆ նախագահ Դոնալդ Թրամփը լիազորված է չեղարկելու Միացյալ Նահանգների հավանական պատժամիջոցները Թուրքիայի նկատմամբ և գտնելու խնդիրը լուծելու փոխադարձաբար ընդունելի տարբերակ:

Թուրքիայի շուրջ եւս մեկ միջազգային խնդիր է ծավալվում, որն առնչվում է Անկարայի՝ Կիպրոսի ափերի մոտ իրականացվող գազի արդյունահանմանն ուղղված գործողություններին: Այս կապակցությամբ հանդես են եկել հայտարարությամբ մի շարք Եմ երկրներ, այդ թվում Գերմանիան: Հայաստանը եւս դատապարտել է Թուրքիայի գործողությունները:

Պաշտոնական Բեռլինը կոչ է անում Թուրքիայի իշխանություններին դադարեցնել Կիպրոսի ափերի մոտ իրականացվող գազի արդյունահանմանն ուղղված գործողությունները: Այս մասին հայտարարել էր Գերմանիայի արտաքին գործերի նախարարության պաշտոնական ներկայացուցիչ Ռայներ Բրոյլը:

«Մենք կոչ ենք անում Թուրքիային դադարեցնել Միջերկրական ծովի արևելյան հատվածում իրականացվող երկրաբանական աշխատանքները: Այս հակամարտությունը կարող է հանգուցալուծվել բացառապես բանակցությունների միջոցով», – նշել է Գերմանիայի ԱԳՆ ներկայացուցիչը:

2011 թվականին Կիպրոսին պատկանող տնտեսական գոտում բնական գազի խոշոր պաշարներ էին հայտնաբերվել` ավելի քան 140 միլիարդ խորանարդ մետր: Թուրքիան, սակայն, չի ճանաչում Կիպրոսի բացառիկ իրավունքները «Աֆրոդիտե» կոչվող հանքավայրի հանդեպ:

Տեղի ունեցածը հանգեցրել է պատժամիջոցների կրառման: Եվրամիության խորհուրդը հավանություն է տվել Թուրքիայի դեմ պատժամիջոցներ սահմանելուն՝ կապված բացառապես Կիպրոսի տնտեսական գոտում շելֆի հորատման աշխատանքների հետ: Այս մասին ասվում է ԵՄ տարածած հաղորդագրության մեջ:

Մասնավորապես, նշվում է, որ Եվրամիությունը կդադարեցնի բանակցություններն օդային փոխադրումների շուրջ և կչեղարկի ԵՄ-ի և Թուրքիայի միջև բարձր մակարդակով մի շարք խորհրդակցություններ, ինչպես նաև կկրճատի Եվրամիությանն անդամակցելուն նախապատրաստվելու համար այդ երկրին տրամադրվող օգնության ծավալը: Բացի այդ, եվրոպական ներդրումային բանկին առաջարկվել է վերանայել իր վարկային գործունեությունը Թուրքիայում, հատկապես պետական աջակցությամբ վարկավորումների ոլորտում:

Պաշտոնական Անկարան արդեն պատասխանել է պատժամիջոցներին՝ հայտարարելով, որ չի պատրաստվում դադարեցնել աշխատանքները: «Թուրքիան կշարունակի պաշտպանել իր և Կիպրոսի թուրքերի իրավունքները, ինչպես նաև կակտիվացնի որ գործունեությունն այդ ոլորտում»,- ասվում է Թուրքիայի ԱԳՆ-ի տարածած հաղորդագրության մեջ:

Թուրքիայի դեմ պատժամիջոցներ սահմանելու գործելաոճին դեմ է Ռուսաստանը: Մոսկվան բացասական է վերաբերվում ԵՄ-ի` Թուրքիայի նկատմամբ Մեջերկրական ծովում իրավիճակի սրման հետ կապված պատժամիջոցներ կիրառելու որոշմանը: Այս մասին հայտարարել է ՌԴ ԱԳՆ ղեկավարի տեղակալ Ալեքսանդր Գրուշկոն:

Նրա խոսքով, սակայն դա չի նշանակում, որ Ռուսաստանն աջակցում է Թուրքիայի գործողություններին, որը հորատման աշխատանքներ է սկսել բացառապես Կիպրոսի տնտեսական գոտին համարվող տարածքում` բնական գազի արդյունահանման նպատակով:

Ըստ Գրուշկոյի` միակողմանի պատժամիջոցները հակասում են միջազգային իրավունքին և ՄԱԿ-ի ԱԽ ընթացակարգերին: Մոսկվան պնդում է, որ կիպրոսյան հարցի լուծմամբ պետք է զբաղվի ՄԱԿ-ի Անվտանգության խորհուրդը:

Տպել
643 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության