Ուիմբլդոնի պատմական եզրափակչից հետո Ջոկոն կերավ խոտը. հաղթողը որոշվեց միայն նոր կանոնի շնորհիվ (տեսանյութ)

Ուիմբլդոնում տղամարդկանց մենապայքարի ամենաերկար եզրափակիչը, առաջինը, որում հատուկ կանոն կիրառվեց վերջին սեթում. սերբ Նովակ Ջոկովիչը հաղթեց դրամատիկ, գերլարված, տպավորիչ ու աննախադեպ պայքարում: Երեկ՝ հուլիսի 14-ին, Լոնդոնում՝ «All England Club» ակումբում, կայացած 2019 թ. եզրափակչում 7-6 (5) 1-6 7-6 (4) 4-6 13-12 (3) հաշվով առավելության հասավ իր գլխավոր մրցակիցներից մեկի՝ Ռոջեր Ֆեդերերի նկատմամբ, որը խաղի ընթացքում 2 մատչ-փոինթ ուներ:

32-ամյա Ջոկոյի ու 37-ամյա Ֆեդերերի հանդիպումը տեւեց 4 ժամ 57 րոպե: Ուիմբլդոնի պատմության մեջ սա տղամարդկանց մենապայքարի ամենաերկար եզրափակիչն էր: Նախորդ ամենաերկարի մասնակիցներից մեկը կրկին Ֆեդերերն էր: 2008 թ. շվեյցարացին 4 ժամ 48 րոպեում պարտվել էր իսպանացի Ռաֆայել Նադալին:

Երեկվա եզրափակիչը բացառիկ էր եւս մեկ իրադարձությամբ: Պատմության մեջ առաջին անգամ վերջին սեթում հաղթողը որոշվեց թայ-բրեյքի միջոցով: Վերջին սեթում հաղթողը որոշվում է գեյմերով, սակայն երեկ կիրառվեց 2018 թ. ներկայացված, սակայն դեռեւս չկիրառված նոր կանոնը, քանի որ մասնակիցները ոչնչով չէին զիջում միմյանց, 5-րդ սեթում հաշիվը 12-12 էր: 

Հանդիպումից հետո Ջոկովիչը յուրահատուկ եզրափակիչը տոնել է յուրահատուկ ձեւով: Նա խոտ է պոկել ու կերել: Թենիսիստը խոստովանել է, որ սա իր համար ամենացնցող եզրափակիչներից մեկն է եղել:

«Եթե բոլոր ժամանակների լավագույն թենիսիստներից մեկի՝ Ռոջերի դեմ այս հանդիպումն իմ մասնակցած ամենացնցող ու հուզիչ եզրափակիչը չէր, ապա 2 կամ 3-ից մեկն էր»,- ասել է նա:

Ջոկովիչը խոտ է պոկել ու կերել:

5 սեթերից 3-ում Ջոկովիչը Ֆեդերերին հաղթել է միայն թայ-բրեյքում: 2 սեթում շվեյցարացին նրան հաղթել է առանց թայ-բրեյքի՝ 6-1, 6-4 հաշվով: 5 սեթում նա հաղթել է 36, սերբը՝ 32 գեյմ: 2014 ու 2015 թթ. հետո սա 3-րդ անգամ էր, որ նա Ուիմբլդոնի եզրափակչում պարտվում է Ջոկովիչին:

«Չգիտեմ էլ՝ արդյոք ամեն սեթում ընդամենը 2 գեյմ հաղթելով ընդհանուր խաղում պարտվելն ավելի լավ է, քան այսպես: Ի վերջո դա նշանակություն չունի էլ: Դու կարող ես լինել հիասթափված, տխուր, զայրացած: Նույնիսկ չգիտեմ՝ այս պահին ինչ եմ զգում: Միայն զգում եմ, որ հիանալի հանրավորություն կորցրեցի, չեմ կարողանում հավատալ»,- ասել է նա:

Ջոկովիչի համար սա 5-րդ հաղթանակն էր Ուիմբլդոնում եւ 2-րդ անընդմեջը: Ֆեդերերի երիտասարդ մրցակիցներն աստիճանաբար մոտենում են նրան Մեծ սաղավարտի մրցաշարերում իրենց տիտղոսների քանակով: Նա դեռ առաջատարն է 20-ով: Բավական մոտ է Նադալը (18): Ջոկովիչը Ուիմբլդոնում հաղթելով՝ տիտղոսների քանակը հասցրեց 16-ին:

Նախօրեին՝ հուլիսի 13-ին, կանանց մենապայքարում չեմպիոն էր դարձել Սիմոնա Հալեպը: Ռումինացին ամերիկացի Սերենա Ուիլիամսին հաղթել էր 6-2, 6-2 հաշվով:

Տպել
861 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին