Այ քեզ բան. իմ դեմ գործում է Լոնդիկը 

15/07/2019 schedule10:05

Տպագրվել է «Հայկական Ժամանակ» օրաթերթի՝ 2006 թվականի հուլիսի 15-ի համարում

Հարցազրույց Սյունիքի մարզպետ Սուրիկ Խաչատրյանի հետ:

Վերջին շրջանում Սյունիքի մարզպետ Սուրիկ Խաչատրյանի ու նրա բազմաթիվ մերձավորների անունները կրկին շոշափվում են տարբեր կրիմինալ սկանդալներում։ Եւ հերթական անգամ գրեթե 100 տոկոսանոց վստահությամբ խոսում են նրա պաշտոնանկության մասին։ Երեկ, երբ այդ սկանդալների ու իր հնարավոր պաշտոնանկության շուրջ զրուցում էինք Սուրիկ Խաչատրյանի հետ, չէինք կարող ենթադրել, որ մեր զրույցը այս ընթացքը կստանա, եւ Սյունիքի մարզպետը պաշտոնապես կհայտարարի, որ իր դեմ սկսված խաչակրաց արշավանքի պատվիրատուն Արտակարգ իրավիճակների վարչության պետ Էդիկ Բարսեղյանն է, որը, ըստ Սուրիկ Խաչատրյանի, ցանկանում է կրկին զավթել մարզպետի աթոռը։

Ի դեպ, Էդիկ Բարսեղյանի հասցեին Սուրիկ Խաչատրյանի որակումները ներկայացնում ենք հնարավորինս մեղմացված տարբերակով։  

- Պարոն Խաչատրյան, որքանո՞վ  են հավաստի տեղեկությունները, որ ձեր անձի շուրջ պարբերական սկանդալները վերջնականապես հոգնեցրել են Ռոբերտ Քոչարյանին, եւ առաջիկայում դուք վերջապես պաշտոնանկ եք արվելու։

- Ինձ նման խոսակցություններ հայտնի չեն։ Մի քանի օր առաջ Ծաղկաձորում էի, այնտեղ էր նաեւ նախագահը, բայց ինձ որեւէ բան չի ասվել, եւ նախագահի վերաբերմունքի մեջ ոչ մի բացասական բան իմ հանդեպ չի եղել։ Մեր հարաբերությունները նախագահի հետ շատ ջերմ, աշխատանքային են։ Բայց, եթե դա էլ չլիներ, սկսենք նրանից, թե ես ի՞նչ եմ անում, որ ինձ ձեռք տան ու գործից հանեն։

- Օրինակ, մամուլում տեղեկություն եղավ, որ ձեզ պատկանող «Սյունիք-Ալկոյում» ստուգումներ են արվել, եւ 10 հոգի ձերբակալված է։

- Այ հենց այդ մամուլի պատվիրովի տեղեկություններն են, որ ամեն ինչ կեղտոտում են։ Ես գորիսեցի եմ, «Սյունիք-Ալկոյի» տերը, որի ազգանունը նույնպես Խաչատրյան է, Խնձորեսկից է եւ ինձ հետ ոչ մի կապ չունի։ Ես չգիտեմ, թե նրանց հետ ի՞նչ է կատարվել, ո՞նց է կատարվել, բայց ես հստակ գիտեմ, որ Գորիս ոչ մեկը չի մտել, եւ  Գորիսից մարդ չի ձերբակալվել։ Հիմա ե՞ս ինչ անեմ, որ որոշ մարդկանց պատվերով  թերթերը համառորեն փորձում են ինձ սեւացնել։ Ի՞նչ անեմ, նրանց թայը դառնամ ու դատի՞ տամ։ Բայց, եթե սա շարունակվի, ադվակատ եմ վարձելու, եւ թող դատարանում ապացուցեն, որ իմ մասին գրածների գոնե մեկ տոկոսը ճշմարտություն է, թող ապացուցեն, գոնե մեկ փաստ բերեն, որ մեկին կրակել եմ, սպանել եմ կամ մեկից բան եմ գողացել։

- Սակայն ձեր եղբորը՝ Աղամալին պատկանող խանութի շուրջ վերջին սկանդալը բոլորին է հայտնի, երբ ձեր հարազատները հերթական անգամ մարդ են ծեծել։

- Եթե իմ եղբայրը բան է առել ու հետո որոշել է վաճառել, ես դրա հետ ի՞նչ կապ ունեմ։ Երկրում ինչ կատարվում է, բերում-կապում են իմ անվան հետ։ Մնում է Իրաքի պատերազմն էլ ինձ հետ կապեն. էլ բան չի մնացել։ Եղբայրս, որը հիմա կալանավայրում է, լիազորել էր իր տիկնոջը, որ նա իր խանութը ծախի։ Ի՞նչ կապ ունեմ դրա հետ ես։ Իսկ թե ո՞վ ում հետ է վիճաբանել, ես հո իմ բոլոր բարեկամների արարքների եւ գործարքների համար պատասխանատո՞ւ չեմ։ 

- Պարոն Խաչատրյան, ինչո՞ւ Սյունիքի մարզում ձեզ չեն սիրում։ Ու եթե վստահենք մամուլի տարբեր միջոցներում հրապարակված սյունիքցիների նամակներին, ձեզ ատում են, ձեզանից վախենում են` ասելով, որ մարզում ձեզ հռչակել եք «ցար ի բոգ»։

- Նման ստոր բաներ տարածում են նրանք, ում անգամ իրենց տանը չեն ընդունում։ Այ ստորներ, դուք ի՞նչ գիտեք՝ ժողովուրդը ինձ սիրո՞ւմ է, թե՞ չի սիրում։ Ես հինգ անգամ 80-ից 85 տոկոսով ընտրվել եմ, վերջին անգամ` 2003-ին, ընտրվել եմ 82 տոկոսով, այ ստորներ, այ տականքներ, այդ ո՞նց եղավ, որ ժողովուրդը ինձ ատեց։ 

- Ասում են, մասնավորապես Գորիսում ինչ հնարավոր է եղել՝ սեփականաշնորհել եք դուք կամ ձեր մերձավորները։ Ինչն էլ ամբողջությամբ չեք վերցրել, այնտեղ փայը ունեք։

- Ոչ թե մեծ գործարան կամ խանութ, մի հատ բուդկա ասեն, որ ես սեփականաշնորհել եմ։ Նման բաներ գրողները, որ Լոնդիկի (Արտակարգ իրավիճակների վարչության պետ Էդիկ Բարսեղյանի-Ն.Զ.) երկու կոպեկով ստորություններ են գրում, թող մեկը կանգնի ու ասի, որ ես ամբողջ մարզի կտրվածքով մի հատ բուդկա վերցրել ու սեփականաշնորհել եմ։ Ի՞նչ սեփականաշնորհման, ի՞նչ չսիրելու մասին է խոսքը։ Իրենք իրենց որոշել են, որ մարզի բնակչությունը ինձ չի սիրում։ Ընդամենը ապրիլ ամսին ողջ մարզի կտրվածքով սոցհարցում ենք արել, եւ մարզի բնակիչների 85 տոկոսը ինձ վստահում է։ Էդ ո՞նց դառավ, որ ատեցին։

- Այսինքն, դուք վստահ եք, որ մամուլում ձեր դեմ տպագրվող նյութերի պատվիրատուն Էդիկ Բարսեղյա՞նն է։

- Ես ոչ թե վստահ եմ, այլ դա հաստատ գիտեմ։ Այդ ողջ ստորությունը կազմակերպվում է այդ ստորի կողմից, եւ ես անգամ գիտեմ, թե այդ նամակները նա ո՞ւմ միջոցով է ուղարկել տարբեր թերթերի։

- Իսկ չե՞ք պարզել, թե ինչու է նա ձեր դեմ նյութեր պատվիրում։

- Ես նրա հետ խոսելու, նրա հետ հարաբերություն պարզելու բան չունեմ, որովհետեւ նա ստորի մեկն է։ Նա իր հոր, իր եղբոր, իր որդու նկատմամբ սրբություն չունի, ես նման մարդու հետ ի՞նչ պետք է խոսեմ։ Մի մարդ, որը իր կնոջը տանի օդանավակայանի ճանապարհին նախկին «Քյաբաբ Ժորայի» օբյեկտում դնի, որ  հսկի, թե ո՞վ քանի կոպեկ է փախցնում, ես նման ստորի հետ ի՞նչ պարզեմ։

- Էդիկ Բարսեղյանի վերադասնե՞րն էլ նրա հետ չեն խոսել։

- Իհարկե, խոսել են, բայց քանի որ այդ մարդը ոչ մի սրբություն չունի, իր բնավորության համաձայն` նա ամեն ինչ ստորաբար հերքում է։ Բայց երբ լոնդիկները սոված սատկում էին, Խաչատրյան Սուրիկը խորհրդային տարիների իր աշխատանքով օրական 5 հազար ռուբլի փող էր աշխատում։ 

- Այդուհանդերձ, կարծիք կա, որ ձեզ «պահում» է ՊՆախարար Սերժ  Սարգսյանը։

- Ես չգիտեմ` ով է ինձ պահում, բայց ես գիտեմ, որ ես մարզպետ եմ նշանակվել նախագահի համաձայնությամբ, ու երկուսի հետ էլ իմ հարաբերությունները շատ ջերմ են։

- Պարոն Խաչատրյան, ձեզ ե՞ւս վարչապետն ու Սերժ Սարգսյանը հրահանգել են ողջ մարզի ռեսուրսները մոբիլիզացնել՝ առաջիկա ընտրություններում ՀՀԿ-ի հաղթանակն ապահովելու համար։

- Նման բան չկա, նման բան ինձ չի ասվել, եւ ես ինձ թույլ չեմ տա որեւէ մեկին ստիպողաբար, զաստավիտով բերել Հանրապետական։ 

- Իսկ եղե՞լ է հրահանգ՝ աշխատել ընդդեմ «Բարգավաճ Հայաստանի»։

- Նման հրահանգ առավել եւս չի եղել, եւ ես գիտեմ, որ այդ կուսակցությունների միջեւ նորմալ հարաբերություններ են։ Ու, բացի այդ, նման հրահանգները ես կատարող չեմ։

- Սերժ Սարգսյանը պատրաստվում է դառնալ ՀՀԿ անդամ։ Ձեր կարծիքով` ի՞նչ է տալու ՀՀԿ-ին ՊՆախարարի անդամակցությունը։

- Սերժ Սարգսյանը նոր չէ հանրապետական. եթե հիշում եք, 2003-ին նա ՀՀԿ ցուցակում էր։ Ու դեռ պարզ էլ չի, թե ինքը ի՞նչ ձեւով է դառնալու կուսակցության անդամ ՝ առաջնորդի՞, թե՞ համանախագահի, կամ ընդհանրապես դառնալո՞ւ է կուսակցության անդամ։

- ՀՀԿ-ում մի թեւ կա, որի կարծիքով` Սերժ Սարգսյանը չպետք է դառնա ՀՀԿ առաջնորդ։ Դուք ե՞ւս այդ թեւում եք։

- Ես նման խնդիրների չեմ խառնվում։

Նաիրա Զոհրաբյան

Տպել
3615 դիտում

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին