Սեւանա լճում ստեղծված իրավիճակը երկար տարիների ոչ ճիշտ կառավարման արդյունք է. Էրիկ Գրիգորյան

Սեւանա լճի կանաչելու աստիճանը զգալիորեն նվազել է, ջրի մակարդակը նախորդ տարվա համեմատ 1 սմ-ով  բարձր է, լճի մաքրման համար միջնաժամկետ ծախսերի ծրագրով լրացուցիչ գումար կհատկացվի: Այս մասին այսօր կառավարության նիստից հետո տեղի ունցած մամուլի ասուլիսի ժամանակ ասաց Շրջակա միջավայրի նախարար Էրիկ Գրիգորյանը։ 

Նախարարի խոսքով՝ նախորդ տարվա համեմատ այս տարի 25 մլն խմ-ով ավելի քիչ ջուր է վերցվել Սևանա լճից։ Ավելին՝ 5 մլն խմ ջուր էլ Արփա-Սեւանի միջոցով թափվել է Սեւանա լիճ. «Սպասում ենք, որ այս թիվը կավելանա»,-նշեց Գրիգորյանը:

Անդրադառնալով լճի մաքրման աշխատանքներին՝ նախարարն ասաց, որ առաջիկա երկու տարիների ընթացքում 770 հա տարածք է մաքրվելու։

Մինչ կատարվելիք աշխատանքներին անդրադառնալը՝ պաշտոնյան ներկայացրեց նախորդ կառավարության տարիներին ծրագրված աշխատանքները, որոնք, ինչպես պարզվել է փաստաթղթերի ուսումնասիրությունից, չեն կատարվել։

Գրիգորյանը ցուցադրեց 2012 թվականի տեսչական ստուգման մի արձանագրություն, որի համաձայն՝ Սեւանա լճի շուրջ 700 հա տարածքում մաքրում չի իրականացվել, ինչպես ծրագրված է եղել.

«Բազմաթիվ տեղեր նշված է, որ մաքրում չի կատարվել, կոճղերը մնացել են ջրի մեջ ամբողջ ծավալներով։ Այս ամենը 700 հա է կազմում։ Այսինքն՝ տարբեր տարիներին, տարբեր պայմանագրերով մաքրում պետք է իրականացվեր, սակայն չի արվել։ Օրինակ՝ Վարդենիսի մասնաճյուղում 30 տոկոսով աշխատանքներ են կատարվել, բայց կոճղերը չեն հեռացվել, ամբողջը մնացել են ջրի մեջ, Արտանիշում զգալի տարածքներ էլի ջրի մեջ են մնացել։ Այսինքն՝ պետությունը տարբեր տարիներին գումարներ է հատկացրել Սեիանում այս մաքրումներն իրականացնելու համար, բայց մի դեպքում կտրվել, փայտանյութը հանվել է, իսկ կոճղը մնացել ջրում»,- նշեց նախարարը:

Գրիգորյանն ասաց, որ 2015-2017 թվականի մաքրման բոլոր աշխատանքների վերաբերյալ ուսումնասիրությունը՝ նախահաշիվներ, հանձնման, ընդունման ակտեր եւ այլն, հավաքագրվել ու տրվել է Գլխավոր դատախազությանը։

Անդրադառնալով լճում այս պահին իրականացվող գործողություններին՝ Գրիգորյանն ասաց, որ առաջին հերթին լճից ջուր բաց չի թողնվում, կատարվել են մաքրման կայանների ուսումնասիրություններ. «Երեք՝ Մարտունի, Վարդենիս, Գավառ քաղաքներում կան մեխանիկական մաքրման կայաններ, մենք ուսումնասիրություններ ենք կատարել՝ վերցնելով տվյալներ ե՛ւ «Վեոլիա ջուր» ընկերությունից, ե՛ւ արտադրողներից, ու երեք մաքրման կայանների վերաբերյալ կառավարությանը ներկայացրել ենք գնառաջարկ, թե այդ երեք քաղաքներում կենսաբանական մաքրման կայաններ տեղադրելու համար ինչ գումար կպահանջվի։ Հենց այս պահին իրականացվում են գետերի մաքրման ուսումնասիրություններ, որովհետև վարչապետի աշխատակազմի հետ ունենք համաձայնություն, որ կհաշվարկվի, թե այդ ծախսերն ինչքան կլինեն։ Դրանից հետո նույնպես կդիմենք, որ այդ գումարները ստանանք»,- ասաց Գրիգորյանը։

Նրա խոսքով Մարտունի եւ Վարդենիս քաղաքներում մաքրման կայան կառուցելու համար անհրաժեշտ է 888 մլն դրամ, Գավառում՝ 1 մլրդ 186 մլն դրամ։

Հարցին՝ իրատեսակա՞ն է, որ այդքան գումար կտրամադրվի, Գրիգորյանը պատասխանեց. «Խոսքն այն մասին է, որ մենք ուսումնասիրել ենք՝ ինչ տարբերակներ կան իրավիճակից դուրս գալու համար, մենք ներկայացրել ենք այս տարբերակը։ Այժմ էլ մենք առաջարկներ ստանում ենք ոչ միայն Հայաստանից, այլ նաեւ Ռուսաստանից, այլ երկրներից»։

Նախարարի կարծիքով՝ այսօր Սեւանա լճում ստեղծված իրավիճակը երկար տարիների ոչ ճիշտ կառավարման արդյունք է. «Եթե մենք այս պահին ջուր չվերցնենք Սեւանից, աղտոտման աղբյուրները չավելացնենք, միեւնույն է՝ բացարձակապես բավարար չէ։ Պետք է հստակ գործողություններ իրականացվեն, քանի որ արդեն իսկ հավասարակշռությունը խախտված է, սառը շերտը վնասված է ու այդ ամենը պետք է վերականգնվի։ Սեւանի հետ կատարվող աշխատանքների ռեժիմն արտակարգ բնույթի պետք է լինի»:

Նախարարն անդրադարձավ նաեւ որոշ փաթեթների, որոնք Սեւանի հետ կապ ունեն: Գրիգորյանը հայտնեց՝ Արարատյան դաշտում ջրապահանջարկի նվազեցման մասով 409 մլն դրամի հայտ է ներկայացվել կառավարություն՝ լքված ինքնաշատրվանող հորերի կոնսերվացման, լուծարման համար. «Այդպիսով ջուրն այդտեղ, ըստ էության, ավել կլինի, նաեւ պահանջարկը կնվազի»:

Նախարարի խոսքով՝ ընթացքի մեջ են նաեւ մյուս գործընթացները՝ լուծումների հարցում օգնություն ստանալու համար գերմանական ինստիտուտներին դիմելը, ՅՈՒՆԵՍԿՕ-ին դիմելը, որպեսզի Սեւանին կենսոլորտային պահպանավայրի կարգավիճակ տրվի:

Տպել
5858 դիտում

Թթուջուր և Չքնաղ գյուղերի դաշտամիջյան հատվածում տեղի է ունեցել վթար. կան վիրավորներ

Երևանի թիվ 200 դպրոցը կկրի Լեոնիդ Ազգալդյանի անունը

Շիրակի մարզպետարանի սոցիալական ապահովության բաժնի տեսուչը բռնվել է կաշառք ստանալու պահին

26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել

Իջեւանի բախումների գործով կալանավորված մեղադրյալի դեմ ցուցմունք տված ոստիկանը վրեժխնդի՞ր է եղել. հին հաշիվներ ունեն

Հուլիսի 30-ին ու օգոստոսի 2-ին դատարանը վճիռ կհրապարակի. փաստաբանը՝ «ՍԵՔՅՈՒՐԻԹԻ ԴՐԻՄ»-ից ազատված աշխատակիցների մասին

Երևանի մետրոպոլիտենում կլինեն նաև կայարանների անվանումներով անգլերեն ցուցանակներ

Կան մարդիկ, որոնք ցանկացած պատճառաբանություն բերում են, միայն թե օրինական դաշտ չմտնեն. Վահագ Ռաշ

Գյումրիում աղբատարի վարորդի՝ նռնակի պայթյունից վնասվածք ստանալու դեպքով քննություն է կատարվում

Արարատ գյուղում մասամբ այրվել են մեքենաներ եւ 50 քմ խոտածածկույթ

Էջմիածնում 57-ամյա տղամարդը թափառող շների սպանդն իրականացրել է սեփական հրացանով

Կառավարությունը կփոխհատուցի «խելացի» անասնաշենքերի կառուցման ծախսերի մի մասը (տեսանյութ)

Ucom-ի աջակցությամբ կայացած «Արմաթ» տեխնոճամբարին մասնակցել է ավելի քան  400 դպրոցական

Արցախում է Պարի համաշխարհային խորհրդի փոխնախագահ Ստանիսլավ Պոպովը

Զարեհ Սինանյանը հանդիպել է Ռուսաստանի ազգությունների գործերի դաշնային գործակալության ղեկավարի տեղակալի հետ

Իջեւանյան սադրանք․ նախկինների բացառիկ լկտիությունն ու երեսպաշտությունն ամենաապշեցուցիչն է

Երևանում թիվ 9 երթուղին սպասարկող տրոլեյբուսը վրաերթի է ենթարկել 27-ամյա քաղաքացու

Զարեհ Սինանյանը հանդիպել է Ռուսաստանի փոխարտգործնախարար Գրիգորի Կարասինի հետ

Նիկոլ Փաշինյանը ցավակցական հեռագիր է հղել Յուկիյա Ամանոյի մահվան կապակցությամբ

Մեկ ամսից երանի ենք տալու այս օրերին. Գագիկ Սուրենյան