Մեր խմբերը չպիտի չնչին աշխատավարձի համար դիմեն որեւէ մեծահարուստի կամ հիմնադրամի, դա մեզ պատիվ չի բերում. Հակոբյան

Մի քանի ամիսների ընթացքում «Իմ քայլը» հիմնադրամը 514 միլիոն 866 հազար դրամ գումար է տրամադրել դասական երաժշտության կոլեկտիվներին: Այս մասին այսօր՝ հուլիսի 10-ին «Արամ Խաչատրյան» համերգասրահում տեղի ունեցած հուշագրի ստորագրման արարողության ժամանակ հայտնեց «Իմ քայլը» հիմնադրամի հոգաբարձուների խորհրդի նախագահ Աննա Հակոբյանը:

«Իմ քայլը» բարեգործական հիմնադրամի եւ դասական երաժշտության կոլեկտիվների միջեւ հուշագիրը ստորագրվեց 2018 թվականին «Իմ քայլը» հիմնադրամի նախաձեռնած «Հայաստանի դասական երաժշտության բարեկամներ» ծրագրի շրջանակներում։

Մինչեւ այդ «Իմ քայլը» հիմնադրամը կոլեկտիվներին որոշակիորեն աջակցել է առանց հուշագրի: Խնդիրն առաջացել էր թավշյա հեղափոխությունից հետո, երբ կոլեկտիվների աջակցությունը դադարեցվել էր տարբեր կազմակերպությունենրի եւ նախկին իշխանության որոշ ներկայացուցիչների կողմից:

«Իմ քայլը» հիմնադրամի հոգաբարձուների խորհրդի նախագահ Աննա Հակոբյանը վստահություն հայտնեց, որ հուշագրի շրջանակներում, եթե բոլորը կատարեն իրենց պարտավորությունները՝ կարճ ժամանակում դասական երաժշտությունը Հայաստանում բոլորովին նոր մակարդակի կբարձրանա:

«Այն որակը, որ մենք ունենք Հայաստանում իրավունք չունենք վարվել այնպես ինչպես վարվել ենք երկար տարիներ, որովհետեւ սա մեր հարստություններից է, այն է, ինչ մենք պետք է վաճառենք աշխարհին, թանկ վաճառենք: Դրա համար մեծ ջանք է պահանջվում: Այստեղ հավաքվածները մինչեւ հիմա ինչի որ հասել են, հասել են սեփական աշխատանքի, նախաձեռնողականության շնորհիվ: Ըստ էության աշխատել են առանց աշխատավարձի, մինիմում ֆինանասական միջոցներով մաքսիմումն անելու ճանապարհով»,-ասաց Աննա Հակոբյանը:

Հուշագրի շրջանակներում «Իմ քայլը» հիմնադրամն աջակցելու է Կոմիտասի անվան ազգային քառյակին, Հայաստանի ազգային ակադեմիական երգչախմբին, Հայաստանի ազգային ֆիլհարմոնիկ նվագախմբին, Հայաստանի պետական կամերային երգչախմբին, Հայաստանի պետական կամերային նվագախմբին, Հայաստանի պետական սիմֆոնիկ նվագախմբին, «Հովեր» պետական կամերային երգչախմբին եւ «Երևանյան հեռանկարներ» դասական երաժշտության միջազգային փառատոնին:

Նշվածներից բացի՝ հուշագրին միացավ Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնը:

«Մեր խմբերը չպիտի ստիպված լինեն չնչին աշխատավարձի խնդիր լուծել, դիմել որեւէ հիմնադրամի կամ որեւէ մեծահարուստի, դա մեզ պատիվ չի բերում: Մեզ համար կարեւոր է փոխել այդ իրավիճակը»,-ասաց Աննա Հակոբյանը:

Հուշագիրը ստորագրելու համար ներկա էին վերը նշված բոլոր կոլեկտիվների ղեկավարները՝ Ա. Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը, Կոմիտասի անվան ազգային քառյակի գեղարվեստական ղեկավար Էդուարդ Թադևոսյանը, Հայաստանի ազգային ակադեմիական երգչախմբի գեղարվեստական ղեկավար Հովհաննես Չեքիջյանը, Հայաստանի ազգային ֆիլհարմոնիկ նվագախմբի գեղարվեստական ղեկավար Էդուարդ Թոփչյանը, Հայաստանի պետական կամերային երգչախմբի գեղարվեստական ղեկավար Ռոբերտ Մլքեյանը, Հայաստանի պետական կամերային նվագախմբի գեղարվեստական ղեկավար Վահան Մարտիրոսյանը, Հայաստանի պետական սիմֆոնիկ նվագախմբի գեղարվեստական ղեկավար Սերգեյ Սմբատյանը, Հովեր պետական կամերային երգչախմբի գեղարվեստական ղեկավար Սոնա Հովհաննիսյանը եւ «Երևանյան հեռանկարներ» միջազգային երաժշտական փառատոն ՀԿ-ի նախագահ Ստեփան Ռոստոմյանը:

Տպել
2998 դիտում

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի