Չեմ բացառում, որ կընդունենք ՍԴ-ի շուրջ ստեղծված վիճակի լուծման՝ Վահե Գրիգորյանի առաջարկներից որեւէ մեկը․ Մակունց

Այսօր օրվա վերջում կամ վաղը արդեն հստակ կունենանք ԲԴԽ անդամի թեկնածու: Այս մասին, այսօր՝ հուլիսի 9-ին, ԱԺ-ում լրագրողների հետ զրույցում նշեց «Իմ քայլը» խմբակցության ղեկավար Լիլիթ Մակունցը՝ անդրադառնալով ԲԴԽ թեկնածու առաջադրելու հարցին:

Նա նշեց, որ այս պահին անուն չի կարող ասել. «Մենք որեւէ մեկի հետ չենք բանակցում, նախկինում էլ այդպես չի եղել: Նույն սկզբունքով շարունակում ենք այսօր: Մեզ համար չափազանց կարեւոր է թե թեկնածուի պրոֆեսիոնալիզմը, թե մասնագիտական որակները, թե այն չափանիշները, որոնց մասին արդեն խոսել ենք»:

Հիշեցնենք, որ վերջին անգամ «Իմ քայլի» կողմից առաջադրված թեկնածու Աննա Մարգարյանը չհավաքեց բավարար թվով ձայներ եւ հետո հրաժարվել է նորից առաջադրվել: Ընտրվելու համար հարկավոր էր պատգամավորների 80 կողմ քվե, սակայն Մարգարյանի օգտին քվերակել էր 66 պատգամավոր։

Անդրադառնալով Սահմանադրական դատարանի շուրջ ստեղծված իրավիճակին եւ Վահե Գրիգորյանի նամակին՝ Մակունցն ասաց, որ «Իմ քայլը» խմբակցությունը դեռ չունի որոշում Սահմանադրական դատարանի շուրջ ստեղծված վիճակի լուծման վերաբերյալ:

Նրա խոսքով, իրենք դեռ չեն որոշել, թե ինչ ճանապարհային քարտեզով են շարժվելու՝ գնալու են խորհրդարանական խմբակցությունների հետ կոնսուլտացիաների, թե այլ ճանապարհ են ընտրելու:

«Մենք ծանոթացել ենք Վահե Գրիգորյանի նամակին, բայց չենք շտապում լուծումներով կամ հանգուցալուծումներով հանդես գալ: Չեմ բացառում, որ կընդունենք Վահե Գրիգորյանի առաջարկը, չեմ բացառում նաեւ, որ ինքներս մեր լուծման տարբերակով հանդես գանք: Այս պահին «Իմ քայլը» խմբակցությունը չունի ձեւակերպված դիրքորոշում, թե ինչպես ենք շարժվելու առաջ:

Կարծում եմ՝ նման իրավիճակում շտապողականություն ցուցաբերելու իրավունք չունենք: Շտապել պետք է, բայց ոչ հապճեպ որոշումներ կայացնել»,-ասաց Մակունցը:

Նա նշեց, որ խմբակցությունը չունի հստակ դիրքորոշում նաեւ այն հարցում, թե արդյոք ՍԴ-ում ճգնաժամ կա, թե ոչ:

«Սա չափազանց կարեւոր հարց է, եւ պետք է հանգուցալուծումը փորձենք գտնել»,-ընդգծեց «Իմ քայլը» խմբակցության ղեկավարը:

Տպել
3446 դիտում

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի

Շարունակվում է «Իմ քայլը հանուն Շիրակի» բիզնես համաժողովի շրջանակներում կազմակերպված էքսպո-ցուցահանդեսը․ (ֆոտոռեպորտաժ)

Հայ պատանի մաթեմատիկոսները նվաճել են երկու արծաթե, մեկ բրոնզե մեդալ. Արայիկ Հարությունյան

Աննա Հակոբյանն այցելել է կոմպոզիտոր Վլադիլեն Բալյանին

Կիպրոսն ավարտել է Հայաստան-ԵՄ համաձայնագրի վավերացման ներպետական ընթացակարգերը

Գյումրիում ջինսեր արտադրող «Զաքարյան» ընկերությունը վարչապետին ջինսե տաբատ նվիրեց

Մեկնարկել է «Իմ քայլը հանուն Շիրակի մարզի» բիզնես-համաժողովը․ վարչապետ Նիկոլ Փաշինյանը Գյումրիում է (լուսանկարներ)

Աննա Հակոբյանն ու Նոր Հարավային Ուելս նահանգի վարչապետ Գլեդիս Բերեջիկլյանը քննարկել են համագործակցության ուղիները

Երեւանում եւ Ելփինում փրկարարները բռնել են 1 իժ եւ 1 շահմար

Օշականում արտադրամասի տանիքին հրդեհ է բռնվել

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել