Մատենադարանի գիտաշխատողների հետ կնքված պայմանագրերը կվերանայավեն, կտրվի լրացուցիչ արձակուրդ. արհմիության ձեռքբերումը

Մատենադարանի գիտաշխատողների հետ կնքված ժամկետային պայմանագրերը կդարձվեն անժամկետ եւ նրանց կտրամադրվի լրացուցիչ արձակուրդ:

Դա հնարավոր է դարձել Մատենադարանի աշխատողների արհեստակցական միության ջանքերով, որը ստեղծվել է ամիսներ առաջ: Միությունը վերջերս հաղորդագրություն էր հրապարակել, որտեղ մասնավորապես անդարադարձել էր ժամանակավոր պայմանագրերով այս կամ այն հաստատության աշխատակիցներին կախման մեջ պահելու նախկինում ձեւավորված ավանդույթին:

«Գիտության եւ կրթության ոլորտում երկարատեւ աշխատանքային հարաբերությունները ժամկետային պայմանագրերով կարգավորելու ավանդույթը ներդրվել է իշխանությունը բռնազավթած նախորդ ռեժիմի կողմից: Սա իր մեջ վտանգավոր դիտավորություն էր պարունակում ոլորտը կախվածության մեջ դնելու եւ այնտեղից եկող հնարավոր դիմադրությունը բացառելու: Աշխատանքային ժամկետի մոտալուտ սպառումը դամոկլյան սուր է՝ կախված աշխատողի գլխավերեւում: Նման համակարգը սպանում է մարդու մեջ հավատը ապագայի նկատմամբ՝ տեղը լցնելով վախ եւ անորոշություն, կտրում է աշխատողի եւ աշխատանքի միջեւ կապը՝ երկարաժամկետ ստեղծագործականության փոխարեն նեղ առօրեական հրամայականներ դնելով աշխատանքի հիմքում»,- փաստել է արհեստակցական միությունը՝ հղում անելով ՀՀ Աշխատանքային օրենսգրքի մի շարք հոդվածների, որոնցով հիմնական սկզբունքներից է հռչակվում աշխատանքային հարաբերությունների կայունությունը եւ որոնցով հիմնավորվում է, որ կրթության եւ գիտության ոլորտի աշխատակիցների հետ կնքվող պայմանագրերը պետք է լինեն անժամկետ:

Աշխատանքային օրենսգրքի 95-րդ հոդվածը սահմանում է, որ. 

  1. Որոշակի ժամկետով աշխատանքային պայմանագիր է կնքվում, եթե աշխատանքային հարաբերությունները չեն կարող որոշվել անորոշ ժամկետով` հաշվի առնելով կատարվելիք աշխատանքի բնույթը կամ կատարման պայմանները, եթե սույն օրենսգրքով կամ օրենքներով այլ բան նախատեսված չէ:
  2. Որոշակի ժամկետով կնքված աշխատանքային պայմանագիրը կարող է կնքվել որոշակի ժամանակահատվածով կամ օրացուցային ժամկետի սահմանումով կամ աշխատանքային պայմանագրով նախատեսված աշխատանքների ավարտման սահմանումով:
  3. Որոշակի ժամկետով պայմանագրեր կնքվում են նաև`
  • ընտրովի պաշտոններում աշխատողների հետ` ընտրված ժամանակահատվածով.
  • համատեղությամբ աշխատանք կատարողների հետ.
  • սեզոնային աշխատանքներ կատարողների հետ.
  • ժամանակավոր (մինչև երկու ամիս ժամկետով) աշխատանքներ կատարողների հետ.
  • ժամանակավորապես բացակայող աշխատողին փոխարինող աշխատողի հետ.
  • օտարերկրացիների հետ` աշխատանքի թույլտվության կամ կացության իրավունքի վավերականության ժամկետով»:

Մատենադարանի աշխատողների արհեստակցական կազմակերպությունը նաեւ դիմել էր տնօրինությանը՝ գիտաշխատողների հետ կնքված ժամկետային պայմանագրերը ճանաչել անժամկետ եւ իրագործել 2015 թ. սեպտեմբերի 25-ի Կառավարության որոշումը՝ գիտական աշխատողների ամենամյա արձակուրդը սահմանել 35 արձակուրդային օր՝ գոյություն ունեցող 20-ի փոխարեն:

Մատենադարան ուղարկված հարցման միջոցով «Հայկական ժամանակը» հետաքրքրվել էր.

-Մատենադարանի ղեկավարությունը պատրաստվո՞ւմ է իրագործել արհմիության վերը նշված առաջարկ-պահանջները: Եթե այո, ապա երբ:

-Քանի աշխատակից կա Մատենադարանում, եւ նրանցից քանիսն են գիտաշխատողներ:

-Աշխատակիցներից քանիսի հետ կնքված աշխատանքային պայմանագրերն են ժամանակավոր (նրանցից քանիսն են գիտաշխատող):

-Ինչ հիմնավորմամբ են մինչեւ այժմ կնքվել ժամանակավոր աշխատանքային պայմանագրեր:

Մատենադարանից ստացված պարզաբանումը սեղմ է՝ ոչ բոլոր հարցերի պատասխանը պարունակող: Դրանում նախ ասվում է, որ Մատենադարանը պատասխանել է արհեստակցական կազմակերպության՝ տնօրեն Վահան Տեր-Ղեւոնդյանին ուղղված նամակին: Այնուհետեւ նշվում է. «Մատենադարանը ունի 342 աշխատակից (ներառյալ 17 ներքին համատեղություն), որոշակի ժամկետով, աշխատանքային պայմանագրերով 146 աշխատող, գիտաշխատող՝ 129 (17 ներքին համատեղություն)»:

Ավելի ուշ հայտնի դարձավ, որ Մատենադարանի արհմիության եւ տնօրինության միջեւ տեղի են ունեցել բանակցություններ, որոնց արդյունքում որոշվել է վերանայել աշխատանքային պայմանագրերի ու տրամադրվող արձակուրդի ժամկետները:

Բացի այդ, պայմանավորվածություն է ձեռք բերվել մշակել գիտաշխատողների հաշվառման այլ ձեւ՝ գործող ստորագրությունների մատյանների փոխարեն: Խոսքն այն մասին է, որ աշխատակիցները ներկայանալով աշխատավայր, որպես դրա հավաստիք ստորագրում են համապատասխան մատյանում:

Տպել
5721 դիտում

Արաբկիրի համայնքային ոստիկաններն ապօրինի թմրաշրջանառության դեպք են բացահայտել (տեսանյութ)

Դավիթի մոտ` հիվանդանոց էր եկել առողջապահության նախկին նախարարը, որին Սերժ Սարգսյանն էր ուղարկել. տուժողի հոր ցուցմունքը

20 խոշորացված համայնք փոքր դրամաշնորհ է ստացել. ՏԿԵ նախարարություն

Հունահռոմեական ըմբշամարտի հավաքականի մարզչական խորհուրդը կայացնում է ապօրինի, հակասպորտային որոշում. Արսեն Ջուլֆալակյան

Ատելության քարոզ տանում է ոչ թե իշխանությունն, այլ ատելության քարոզ տարվում է իշխանության նկատմամբ. Նիկոլ Փաշինյան

ՀՀ տարածքում կան փակ և դժվարանցանելի ավտոճանապարհներ

Կասեցվել է «Ագրոպրոդ» ՍՊԸ կաթնամթերքի արտադրամասի գործունեությունը

Վարչապետ Նիկոլ Փաշինյանը ցավակցել է Յուրի Դավթյանի մահվան կապակցությամբ

Կապանի պղնձի հանքավայրի Կենտրոնական տեղամասի ռեկուլտիվացիոն աշխատանքների արժեքը կկազմի 3 մլրդ 277 մլն դրամ. ՇՄՆ

Փրկարարները բացել են բնակարանի դուռը եւ սանհանգույցում հայտնաբերել 1966 թ.-ին ծնված կնոջ դի. ԱԻՆ

Այսօր Կենտրոնական բանկը իրականացրել է 10 միլիոն դոլարի գնում. վարչապետ

20 խոշորացված համայնքի տրամադրվել են փոքր դրամաշնորհներ

Վերանորոգվել է Գուգարքի հրշեջ-փրկարարական ջոկատը, տեղադրվել է հուշաքար՝ նվիրված հրշեջ-փրկարար Սամվել Դևելյանի հիշատակին

Շնչառական վարակներով պայմանավորված բացակայությունների առումով կրթական հաստատություններում դրական շարժընթաց է դիտվում

Նորագավթի ՃՈ հենակետի մոտակայքում բախվել են «Opel Corsa»-ն եւ «Infinti FX35»-ը. տուժածները հոսպիտալացվել են

Արցախի հանրակրթական եւ նախադպրոցական ուսումնական հաստատություններում պարապմունքները դադարեցվել են

Ամբերդ ամրոց և Քարի լիճ տանող ավտոճանապարհները անորոշ ժամանակ փակ կլինեն. ԱԻՆ

Մասնավոր անձի հեռախոսային ձայնագրառումը կարող է որպես ապացույց համարվել. Վճռաբեկ դատարանը նախադեպային որոշում է ընդունել

Արարատ Միրզոյանի գլխավորած պատվիրակությունն այցելել է Դանիայի Արդյունաբերական կոնֆեդերացիա

ՀՀ վարչապետ Նիկոլ Փաշինյանն այսօր հարցազրույց կտա Հանրային հեռուստաընկերությանը