Սիրիայում հայկական խումբը ականազերծել է 34 հազար 693 ք/մ տարածք, կատարել՝ 400 վիրաբուժական միջամտություն. Առաքելյան

Հումանիտար ականազերծման ու փորձագիտական կենտրոնի խումբը Սիրիայում առանձնացրել է 5 հաստատաված վտանգավոր տարածք: Այս մասին այսօր տեղի ունեցած մամուլի ասուլիսի ժամանակ ասաց Հումանիտար ականազերծման եւ փորձագիտական կենտրոնի տնօրեն Ռուբեն Առաքելյանը:

«Ընդհանուր առմամբ, առաջին խմբի կողմից ականզերծվել է 34 հազար 693 ք/մ տարածք, հայտնաբերվել է 29 միավոր ական ու պատերազմի պայթուցիկ մնացորդ, որոնք ոչնչացվել են Սիրիայի իշխանության կողմից, մենք պայթեցման աշխատանք չենք իրականացնում»,- ասաց Առաքելյանը:

Առաքելյանը նշեց, որ իրականացվել է նաեը բժշկական աջակցություն. հայկական խմբում եղել է ութ բժիշկ:

«Կատարվել է մոտ հազար թերապեւտիկ միջամտություն, չորս հարյուր վիրաբուժական միջամտություն, 1300-ից ավելի լաբորատոր բուժօգնություն»,- ասաց Առաքելյանը:

Կենտրոնի տնօրենն առաջին խմբի աշխատանքը գնահատեց բավարար, որովհետեւ աշխատանքը մի քիչ ավելի դանդաղ էր ընթանում, քանի որ տեխնիկական դժվարություններ են եղել, որոնք լուծվել են: «Խնդրում եմ հաշվի առնել, որ պատերազմական իրավիճակ է տիրում Սիրիայում, ու շատ դժվար է Երեւանից լոգիստիկ հարցեր կազմակերպել»,- ասաց Առաքելյանը: 

Առաքելյանի խոսքով երկրորդ խումբը գտնվում է ավելի բարենպաստ պայմաններում:  Անդրադառնալով վիրավորում ստացած մասնագետին՝ Հումանիտար ականազերծման ու փորձագիտական կենտրոնի տնօրենն ասաց, որ նրա առողջական վիճակը բավարար է:

«Եթե չհաշվենք անդամահատությունը, առողջական այլ խնդիրներ չունի, գտնվում է Երեւանում, մոտ մեկ-երկու ամսից կկրի հատուկ պրոթեզ»,- ասաց Առաքելյանը:

Դիտարկմանը, թե կարծիքներ են հնչում, որ հայկական կողմը Սիրիայում հումանիտար առաքելություն է իրականացնում ավելի շատ ռուսական կողմի համար, ոչ թե սիրիացի ժողովրդին օգնելու համար, Առաքելյանն արձագանքեց. «Ռուսական կողմը տրամադրում է ինքնաթիռ, որ մեր խումբը հասնի Սիրիա: Միակ տարբերակը, որ մենք կարողանանք հասնել Հալեպ, ռուսական կողմի աջակցությունն է: Մեր խմբի անվտանգ շարժումն էլ է ապահովում ռուսական կողմը, ինչպես նաեւ ընդհանուր պահպանություն: Եթե ստեղծվի լուրջ պատերազմական իրավիճակ, ռուսական կողմը մեր մարդկանց առողջությունը եւ կյանքը պետք է ապահովի, քանի որ մենք այնտեղ զորախումբ չունենք»: 

Առաքելյանը տեղեկացրեց, որ հումանիտար նախաձեռնության իրականացումը եղել է սիրիական կառավարության կողմից. եղել է համապատասխան դիմում ՀՀ իշխանություններին: Հարցին՝ Հալեպում ենթակառուցվածքների վերականգնման առումով ի՞նչ տեղաշարժեր են նկատվում, Հումանիտար ականազերծման եւ փորձագիտական կենտրոնի գլխավոր տեսուչ Արա Մարտիրոսյանը հայտնեց. «Բնական է. կյանքն իր հունով շարժվում է առաջ: Իրականացվում են վերականգնման աշխատանքներ, ավերված բնակարանները վերականգնվում են: Ականազերծման աշխատանքներ են իրականացվում դպրոցից հինգ հարյուր մետր հեռավորության վրա: Տարածքը մաքրելուց, ականազերծելուց հետո կիրականացվեն որոշակի աշխատանքներ»: 

Տպել
327 դիտում

Ժողովրդի իշխանություն հետ բերած առաջնորդը էսօր Հայաստանի ոգին կբերի մեզ մոտ. Սարգիս Մանուկյան

Վանաձորի կերպարվեստի թանգարանը կապիտալ նորոգվում է (լուսանկարներ)

Ռոհանին կոչ է արել Պարսից ծոցի երկրներին համատեղ ապահովել տարածաշրջանի անվտանգությունը

Ես երբեք որևէ ներքաղաքական գործընթացի չեմ խառնվել և չեմ խառնվում. Արծրուն Հովհաննիսյանի հայտարարությունը

Առաջացել է ռեակտիվ հզորության դեբալանս. ինչ է պարզել մասնագիտական աշխատանքային խումբը մասսայական հոսանքազրկման մասին

56 մլրդ դրամ ԱԱՀ դեբետային պարտքը կվերադարձվի շուրջ 2835 հարկ վճարողների

Մարզպետի մասնակցությունը միջադեպին ստուգելու նպատակով առգրավվել են տարածքում առկա տեսախցիկները

Ունեմ տվյալներ, որ դեբետային գումարների մի մասը վերադարձվելու է Ս․ Սարգսյանի եղբոր ընտանիքի կազմակերպություններից մեկին

Շոու-բիզնեսի ներկայացուցիչը պետբյուջե չի վճարել ավելի քան 21 միլիոն դրամ հարկ. ՊԵԿ-ում քրգործ է հարուցվել

Ազատոճայիններն աշխարհի առաջնությունից գալիս են առանց մեդալների ու օլիմպիական ուղեգրերի

ՀՀ գլխավոր դատախազությունը տեսակապի միջոցով հարցաքննություն կատարելու իրավական հիմքերի ստեղծման նախագիծ է առաջարկել

Լոս Անջելեսը կլինի հայ-կալիֆորնիական համագործակցության խորացման հիմնական կիզակետը. վարչապետ

Մենք առաջ ենք գնում տնտեսական հսկայական փոփոխությունների իրականացմամբ. վարչապետը հանդիպել է Լոս Անջելեսի քաղաքապետին

ՀՀ 6 մարզում և մայրաքաղաքում այսօր էլեկտրաէներգիայի անջատումներ կլինեն

Երևանում և Սյունիքի մարզի Մեղրի քաղաքում անվտանգ տարածք են տեղափոխել օձերին

Զինծառայող Հայկ Խաչատրյանի վիճակը ծանր է. հնարավորության դեպքում կտեղափոխվի Երեւան. Հովհաննիսյան

Գիշերը հակառակորդը ձեռնարկել է դիվերսիոն ներթափանցման փորձ, սահմանին թողել 1 դի ու հետ շպրտվել

Հայկ Մարությանի որոշմամբ Երեւանի 3 դպրոցների տնօրեններ ազատվել են աշխատանքից

Արցախում մարտական դիրքից հրազենային վնասվածքով, ծայրահեղ ծանր վիճակում զինվոր է տեղափոխվել հոսպիտալ

Աշխարհի առաջնություն. ծանրորդ Անդրանիկ Կարապետյանը նվաճեց փոքր բրոնզե մեդալ