Ուսանողների արտադրական պրակտիկան 30 տոկոսի փոխարեն կդառնա 50, 60 կամ 70 տոկոս՝ ըստ մասնագիտության

Քոլեջներում եւ ուսումնարաններում սովորողները շուտով կսկսեն ավելի շատ գործնական գիտելիքներ ու հմտություններ ստանալ, ու թերեւս էլ առիթ չեն ունենա դժգոհելու դրա պակասը տեսական գիտելիքներով փոխհատուցվելու իրողությունից:

Կրթության, գիտության, մշակույթի եւ սպորտի նախարարությունում (ԿԳՄՍՆ) օրեր առաջ հաստատվել է «Աշխատանքի վրա հիմնված ուսուցման» հայեցակարգը, որը ենթադրում է ուսումնական պլանով էապես մեծացնել գործնական պարապմունքների ժամաքանակը՝ դա անելով տեսական առարկաների հաշվին: Եթե այսօր տեսության մասնաբաժինը 70 տոկոս է եւ միայն 30-ը՝ գործնական պարապմունքներինը, ապա փոփոխությունների արդյունքում գործնական պարապմունքների ժամաքանակը կկազմի 50, 60, 70 տոկոս՝ կախված մասնագիտությունից: Հայեցակարգը երեք բաղադրիչ է ունենալու՝ կարճաժամկետ, միջնաժամկետ ու երկարաժամկետ հեռանկարների համար՝ գործողությունների ծրագրով:

«Դա մեր առանցքային ուղղություններից մեկն է հանդիսանում: Ծրագիրը սկսել ենք դեռեւս 2017 թվականին՝ Եվրոպական կրթական հիմնադրամի աջակցությամբ»,- ասաց ԿԳՄՍՆ նախնական (արհեստագործական) եւ միջին մասնագիտական կրթության վարչության պետ Արտակ Աղբալյանը:

Սեպտեմբերից նախատեսվում է ծրագիրը փորձարկել Ստեփանավանի գյուղատնտեսական քոլեջում՝ կաթ-կաթնամաթերքի տեխնոլոգիա եւ անասնաբուժություն մասնագիտությունների գծով: Սովորողներն արտադրական պրակտիկա կանցնեն Ստեփանավանում եւ Տաշիրում կաթ-կաթնամթերք արտադրող ձեռնարկություններում: «Պրակտիկայի ժամաքանականերն են ավելանալու, տեսությունը պակասելու է, ուսումնական պրակտիկան ավելի արտադրականի ուղղությամբ ենք տանելու: Մենք տարբեր մեխանիզմներ ենք մշակել, թե ինչպես գործատուին շահագրգռենք, որ ինքը երեխաներին ընդունի, որովհետեւ շատ գործատուներ չեն էլ ուզում այդ պրակտիկան իրենց մոտ անցակացնել, որովհետեւ դա որոշակի դժվարություններ է բերում, այդ թվում այն, որ գործատուի որեւէ աշխատակից պրակտիկանտների հետ պետք է աշխատի: Եթե գործատուի մոտ ուսանողը ռեալ պրակտիկա անցնի, դա հնարավորություն կտա հետագայում ուսանողին աշխատանքի վերցնել»,- ասաց նախարարության ներկայացուցիչը:

Գործատուների մոտիվացիան բարձրացնելու համար, ըստ նրա, վերջին շրջանում կնքվել են բավական թվով պայմանագրեր. «Ասում ենք՝ մեր ուսումնական հաստատությունները պատրաստ են ձեզ հետ համատեղ ձեր արտադրամասում աշխատել, դուք էլ օգնեք, որ սովորեն, ու մենք ձեզ պատրաստի կադր տանք: Եվ շատ գործատուներ արդեն գնացել են այդ քայլին՝ մեզ հետ պայմանագիր կնքելով, որովհետեւ պետությունը, այսպես ասած, անվճար իրենց պատրաստի կադրեր է տրամադրում (քանի որ ուսումը մեզ մոտ անվճար է) ու գործատուի վրա հետագայում որեւէ բեռ չի լինում, որ ինքը մեկ-երկու ամիս ուսուցում անցկացնի, շրջանավարտին սովորեցնի՝ իր մոտ աշխատանքն ինչպես պիտի լինի: Այսօր շատ գործատուներ կան, որ մասնագետների կարիք ունեն, բայց չեն կարողանում գտնել»:

Միջնաժամկետ ծրագրով նախատեսվում է, ինչպես ընդունված է աշխարհի շատ երկրներում, ուսումնական հաստատությունների ներսում ստեղծել փոքր ձեռնարկություններ, որտեղ ուսանողները հնարավորություն կունենան թե՛ արտադրական պրակտիկա անցնել եւ թե՛ ուսումնական հաստատությանը եկամուտ բերել: «Մի քանի մասնագիտությունների գծով, ես վստահ եմ, որ դա կարող ենք անել, օրինակ՝ գինեգործություն, ավտոտեխսպասարկում»,- համոզմունք հայտնեց Արտակ Աղբալյանը:

Ինչ վերաբերում է երկարաժամկետ ծրագրին, մեր զրուցակցի խոսքով, քննարկվում է որոշակի իրավական ակտերի փոփոխություններ կատարելու եւ պրակտիկայի գործընթացում ներգրավված գործատուներին հարկային արտոնություններ տրամադրելու հնարավորության հարցը: Նա ընդգծեց, որ խոսքը չի վերաբերում մեծ արտոնությունների ու խոշոր գումարների: Բայց պետք է պայման դրվի, որ հարկերի տեսքով չվճարված այդ միջոցներն ուղղվեն ուսուցմանը: Այսինքն՝ եթե այսօր գործատուն դժգոհում է, որ իր ձեռնարկությունում 30 շաբաթ արտադրական պրակտիկա անցնող ուսանողի հետ ժամանակ ծախսելու դեպքում ձեռնարկությունում գործը կտուժի, ապա այս դեպքում նրան հնարավորություն կընձեռվի ապահովել բավարար աշխատուժ: Արտակ Աղբալյանը, որպես այս նախաձեռնության օգտին գոյություն ունեցող փաստարկ, նշեց, որ հարկերի տեսքով այդ գումարներն այսպես թե այնպես տարբեր խողովակներով դարձյալ ուղղվում են կրթությանը:

Որպես աշխատանքի վրա հիմնված ուսուցման հայեցակարգի վերջնաժամկետ ծրագիր քննարկվում է նաեւ պարկտիկանտներին ընդունող գործատուներին ապահովագրություն առաջարկելու հարցը, որպեսզի եթե սովորողները հանկարծ վնասեն հաստոցները, ձեռնարկությունը չտուժի:

Տպել
6140 դիտում

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը

Գորան Բրեգովիչի երևանյան համերգը հետաձգվել է եւ կկայանա նոյեմբերի 24-ին. նա կժամանի նվագախմբով

ՀՖՖ ֆուտբոլի ակադեմիայում մարզումները մի քանի տարիքային խմբերի համար այսուհետ կլինեն վճարովի

Ոստիկանի սպանության մեջ կասկածվող անչափահասն ընդունել է մեղքը, ասել, որ անկեղծորեն զղջում է

Թրամփի նամակը ստանալուց հետո Էրդողանն այն աղբամանն է նետել. BBC