Գիրը չի կորչում, մնում է

24/06/2019 schedule16:13

Այն, ինչ պիտի գրվի Կարինե Աշուղյանի մասին, ինքնին խոցելի է: Որովհետև ինքը բացակա է: Ինքը չի կարող ուղղել և շտկել: Ինքը, գուցե, այդպես չէր կարծում: Գուցե, ինքը չէր ուզենա, որ այդպես պատմեի: Ես, ի վերջո, մտքիս մեջ խոսեցի նրա հետ: Բայց ինչու՞ եմ ուզում պատմել, որ աշխարհն իմանա... Ընդհանրապես, ո՞րն է պատմելու իմաստը: Հատկապես, որ աշխարհն իմանա: Որ աշխարհում կար էսպես-էսպես մի սիրուն աղջիկ պոետ` անունը` Կարինե Աշուղյան: Կարիկ իմ Կարիկ: Աշխարհի ամենահաճելի սրճախմությունն իր հետ: Նրբագույն հարցերի մասին զրուցելիս կես խոսքը բավական էր: Սաստիկ պարտությունների մասին սոսկալի մերկությունը հնարավոր էր իր հետ: Մեծուփոքր հաջողություններովդ անվերապահ ու անկասկած ուրախությունը` նույնպես: Եվ միմյանց ներկայությունն ունենալու ուրախությունից նորից ու նորից հիշելը, թե ո՞նց եղավ, էն ո՞նց եղավ, որ գտանք... Այդին Մորիկյանը ո՞նց իմացավ: Ինքը գիտեր, որ այդպես ճիշտ է: ...2008 թվականին հասա «Ժամանակ Երևան» թերթի խմբագրություն: Մորիկյանն ասաց`«Գնա Գրողների միություն, գրքի շնորհանդես կա: Կարինե Աշուղյան: Հարցազրույց արա: Լավ կստացվի, նույն տիպն եք: Շաշի մեկը, գնա»:

Գնացի: Գիրքը վերցրի, շնորհանդեսի ընթացքում կարդացի: Գեղեցիկ, հատընտիր, անըստգյուտ հայերեն էր: Ինքն էլ խոսեց և վերջում ասաց` «Եվ նույնիսկ գիտեմ, թե ինչ է կոչվելու հաջորդ գիրքս` Մարտի 1»: Գրողների միությունում պինդ լռություն նստեց: Հետո դրա հաղթահարման արագ փորձ եղավ: Ես հիացած նայեցի Կարինե Աշուղյանին: 

Հիմա մտածում եմ երկուսով` Կարինե Աշուղյանն ու Այդին Մորիկյանը, զվարճանալով իրար կնայեն, որ նստած համակարգչի առաջ, հուզված, այլայլված, կաշվից դուրս է գալիս, որ լավ բան գրի... Շաշի մեկը:

Բա շաշություն չէ՞ր հայկական երկու աշխարհները` Լոռին ու Սյունիքը կռվեցնելը` որն է ավելի գեղեցիկ ու չքնաղ: Դավիթը Մաթևոսյան մեզ իր մեքենայով տարել էր Ահնիձոր: Ճանապարհին Կարիկը, որ մորական կողմից Օձունից էր, հպարտությամբ ցույց էր տալիս Լոռվա անտառները: Ես համառորեն չէի հիանում: Դե, Սյունյաց սարերն ու Մթնաձորի անտառը տեսածին դժվար է զարմացնել` խաղում էի ես: Առաջին ու վերջին անգամ կռվեցինք: Բարիշեցինք անմիջապես: Սառույցը հալվեց Ահնիձորում` Մաթևոսյանի տանը: Վերջում, երբ պիտի հեռանայինք, տան դիմաց կապած չոբանի շունը Դավթին հրաժեշտ տալիս լաց եղավ մարդու պես` իսկական արցունքներով: Ընկերն էր գնում: Մեկ էլ ե՞րբ կտեսներ` ի՞նչ իմանար խեղճ շունը:

Վերջին հանդիպմանը հաստատ գիտեի, որ դա վերջինն է: Երևի, ինքն էլ գիտեր: Մեկ էլ ասաց.

- Գիտե՞ս որն է իսկական երջանկությունը: Երբ մարդն իր ուզած ժամանակ կարող է հանգիստ խղճով մեռնել:

Դե չէ, ինչ մեռնել: Ինչ բան: Մի վախեցիր: Ամեն ինչ լավ կլինի: Հատկապես, որդուդ հետ: Այնպիսի աղոթք ես թողել նրա համար: Իսկական հմայագիր:

Մարինա Բաղդագյուլյան

Տպել
1833 դիտում

Երևանի թիվ 200 դպրոցը կկրի Լեոնիդ Ազգալդյանի անունը

Շիրակի մարզպետարանի սոցիալական ապահովության բաժնի տեսուչը բռնվել է կաշառք ստանալու պահին

26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել

Իջեւանի բախումների գործով կալանավորված մեղադրյալի դեմ ցուցմունք տված ոստիկանը վրեժխնդի՞ր է եղել. հին հաշիվներ ունեն

Հուլիսի 30-ին ու օգոստոսի 2-ին դատարանը վճիռ կհրապարակի. փաստաբանը՝ «ՍԵՔՅՈՒՐԻԹԻ ԴՐԻՄ»-ից ազատված աշխատակիցների մասին

Երևանի մետրոպոլիտենում կլինեն նաև կայարանների անվանումներով անգլերեն ցուցանակներ

Կան մարդիկ, որոնք ցանկացած պատճառաբանություն բերում են, միայն թե օրինական դաշտ չմտնեն. Վահագ Ռաշ

Գյումրիում աղբատարի վարորդի՝ նռնակի պայթյունից վնասվածք ստանալու դեպքով քննություն է կատարվում

Արարատ գյուղում մասամբ այրվել են մեքենաներ եւ 50 քմ խոտածածկույթ

Էջմիածնում 57-ամյա տղամարդը թափառող շների սպանդն իրականացրել է սեփական հրացանով

Կառավարությունը կփոխհատուցի «խելացի» անասնաշենքերի կառուցման ծախսերի մի մասը (տեսանյութ)

Ucom-ի աջակցությամբ կայացած «Արմաթ» տեխնոճամբարին մասնակցել է ավելի քան  400 դպրոցական

Արցախում է Պարի համաշխարհային խորհրդի փոխնախագահ Ստանիսլավ Պոպովը

Զարեհ Սինանյանը հանդիպել է Ռուսաստանի ազգությունների գործերի դաշնային գործակալության ղեկավարի տեղակալի հետ

Իջեւանյան սադրանք․ նախկինների բացառիկ լկտիությունն ու երեսպաշտությունն ամենաապշեցուցիչն է

Երևանում թիվ 9 երթուղին սպասարկող տրոլեյբուսը վրաերթի է ենթարկել 27-ամյա քաղաքացու

Զարեհ Սինանյանը հանդիպել է Ռուսաստանի փոխարտգործնախարար Գրիգորի Կարասինի հետ

Նիկոլ Փաշինյանը ցավակցական հեռագիր է հղել Յուկիյա Ամանոյի մահվան կապակցությամբ

Մեկ ամսից երանի ենք տալու այս օրերին. Գագիկ Սուրենյան

«Փյունիկը» «Յաբլոնեցին» հաղթելու դեպքում կարող է խաղալ «Վուլվերհեմփթոնի» դեմ