Երևան
16 °C
Տպագրվել է «Հայկական Ժամանակ» օրաթերթի՝ 2006 թվականի հունիսի 23-ի համարում
Երեկ ժամը 14.45-ի սահմաններում Երեւանում հերթական անգամ օրը ցերեկով հնչել են կրակոցներ, եւ կրկին շատերի աչքի առաջ մարդիկ են սպանվել: Դեպքը տեղի է ունեցել Սեբաստիա 29 հասցեի հարեւանությամբ՝ Մալաթիա-Սեբաստիա համայնքի դատախազության շենքից 20 մ հեռավորության վրա: Վայրը երեւանցիներին առավել հայտնի է «Բանկի խաչմերուկ» անվամբ: Սպանվածներից մեկը եղել է Մալաթիա-Սեբաստիա համայնքի նախկին ղեկավար, ԱԺ նախկին պատգամավոր հանգուցյալ Վահան Զատիկյանի ավագ որդին` ԵԿՄ Մալաթիայի տարածքային կառույցի ղեկավար 1980թ. ծնված Սեդրակ Վահանի Զատիկյանը: Մարդասպանների թիրախը եղել է հենց վերջինս: Մյուս սպանվածը եղել է պատահական անցորդ` 1969թ. ծնված Կարինե Մանուկի Սարգսյանը:
Եւս մեկ մարդ մարմնական վնասվածքներով տեղափոխվել է հիվանդանոց: Ըստ տեղում եղած մարդկանց՝ դեպքը տեղի է ունեցել այսպես. այն բանից հետո, երբ «10ՏՏ045» պետհամարանիշի «Մերսեդես-Բրաբուս» ջիփի ղեկին նստած Ս. Զատիկյանը մոտեցել է Սեբաստիա եւ Տիչինա փողոցների խաչմերուկին, նրա ավտոմեքենան շուրջկալել են մգացված ապակիներով մի քանի ջիփեր: Կոնկրետ քանի ավտոմեքենա է Զատիկյանի ջիփը շուրջկալել՝ հստակ հայտնի չէ: Որոշ ականատեսների խոսքերով՝ շուրջկալող ջիփերը եղել են վեցը եւ բոլորն էլ առանց պետհամարանիշների: Մարդկանց պատմածներից կարելի էր ենթադրել, որ Ս. Զատիկյանը մինչ այդ նկատած է եղել, որ իրեն հետապնդում են եւ փորձել է խույս տալ:
Սակայն, ինչպես արդեն նշեցինք, «Բանկի խաչմերուկում» հետապնդողները վրա են հասել, որից հետո այդ մարդասպանները սկսել են ավտոմատներից կրակահերթեր տեղալ: Հրազենային մի քանի վնասվածք ստացած Զատիկյանը վիրավոր վիճակում փորձել է խույս տալ մարդասպաններից: Բարձր արագությամբ նա շուրջկալը ճեղքել եւ իր ջիփով սլացել է Սեբաստիա փողոցով` դեպի Մալաթիա: Բայց ճանապարհին` հարձակման վայրից մոտ 500 մետր հեռավորության վրա` «Մետաքսի կոմբինատի» դիմացի մասում, կորցնելով ավտոմեքենայի կառավարումը, բախվել է հանդիպակաց ընթացող բեռնատարին: Հաշվի առնելով այն, որ ջիփի առջեւի մասը ամբողջությամբ ջարդուփշուր էր եղել, նույնիսկ բեռնատարն էր լուրջ վնասվել, կարելի է ենթադրել, որ բախումը տեղի է ունեցել շատ մեծ արագության տակ:
Իսկ այն, որ Զատիկյանը չի արգելակել, թույլ է տալիս ենթադրել, որ նա հրազենային վնասվածքների արդյունքում ղեկին գիտակցությունը կորցրած է եղել: Բացառված չէ նաեւ, որ հարձակվողները Զատիկյանին շարունակել են հետապնդել, ինչի պատճառով էլ նա չի կարողացել վթարից խուսափել: Ամեն դեպքում, փաստն այն է, որ կրակոցների տարափից հետո Զատիկյանին հաջողվել է դեպքի վայրից խույս տալ, բայց ավտովթարից հետո նա տեղում մահացել է: Ինչ վերաբերում է սպանված կնոջը. դեպքի վայրում գտնվողների պատմածներով՝ Կարինե Սարգսյանը եղել է խաչմերուկում գտնվող «Արամե» խանութի հաճախորդը, եւ կրակոցների պահին, երբ գնդակը դիպել է կնոջը, նա խանութից դուրս գալիս է եղել: Երեկվա դրությամբ այս սպանությունների հետ կապված իրավապահ մարմինների տարածած հաղորդագրությունում նշվում էր միայն այն, որ Սեբաստիա փողոցում հնչել են կրակոցներ, որոնց արդյունքում սպանվել են վերը նշված երկու անձինք:
Միջադեպի փաստի առիթով հարուցվել է քրեական գործ ՀՀ Քրեական օրենսգրքի 104 («Սպանություն») եւ 235 («Ապօրինի զենք-զինամթերքի կրում եւ օգտագործում») հոդվածներով: ՀՀ գլխավոր դատախազի հրամանով ստեղծվել է քննչական խումբ, որը ղեկավարում է Երեւանի դատախազ Հրաչ Բադալյանը: Նախաքննությունը վարում է Երեւանի դատախազությունը: Այս սպանությունից անմիջապես հետո բոլորը սկսեցին մտաբերել մոտ երկու տարվա վաղեմության մի դեպք: Բանն այն է, որ դեռեւս 2004թ. ապրիլի 1-ին ՀՀ ոստիկանությունը պաշտոնապես տարածել էր հաղորդագրություն, որում ասված էր. «Ապրիլի 1-ին (2004 թվականի), ժամը 16-ին «Մալաթիա» բուժկենտրոնից ոստիկանության Մալաթիայի բաժին ահազանգ է ստացվել, որ ձախ ձեռքի եւ աջ ոտքի հրազենային վնասվածքներով իրենց մոտ են տեղափոխվել 1982թ. ծնված Նարեկ Խաչատրյանը եւ գլխի կոտրվածքով` 1980թ. ծնված Վարդան Հակոբյանը:
Դեպքի վայր մեկնած օպերատիվ խումբը ձեռնարկված օպերատիվ-հետախուզական եւ քննչական միջոցառումներով պարզել է, որ ժամը 15.30-ի սահմաններում Մալաթիա փողոցի թիվ 24 տան դիմաց խուլիգանական դրդումներով տեղի ունեցած վիճաբանության ժամանակ մարմնական վնասվածքները հասցրել են Սեդրակ Վահանի Զատիկյանը` ծնված 1980թ. եւ եղբայրը` Անդրանիկ Վահանի Զատիկյանը (ծնված 1982թ.)՝ իրենց մոտ գտնվող ինքնաձիգից եւ «Մակարով» տիպի ատրճանակից կրակահերթ արձակելով եւ ծեծի ենթարկելով նրանց: Հարուցվել է քրեական գործ: Հանգամանքները ճշտվում են: Ձեռնարկվում են միջոցառումներ Զատիկյան եղբայրներին եւ վիճաբանության մյուս մասնակիցներին հայտնաբերելու ուղղությամբ: Քննությունը վարում է Մալաթիա-Սեբաստիա համայնքի դատախազությունը»:
Այս դեպքի հետ կապված միակ հանգամանքը, որը նշված չի եղել ոստիկանության պաշտոնական հաղորդագրությունում, եղել է այն փաստը, որ վիրավորված Վարդան Հակոբյանն ԱԺ պատգամավոր Հակոբ Հակոբյանի (Լեդի) որդին է: Իսկ երեկվա միջադեպը ակամա ուշադրություն է հրավիրում երկու տարի առաջ տեղի ունեցած իրադարձության վրա:
Հ.Գ. Սպանության դեպքից հետո երեկ այլեւս հնարավոր չէր կապվել ԵԿՄ նախագահության անդամների հետ: ԱԺ պատգամավոր Հակոբ Հակոբյանի հետ կապվելու բոլոր փորձերը եւս ապարդյուն անցան:
Վահագն Հովակիմյան
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ