Իրանի հետ ռազմական հակամարտությունը կլինի աղետալի. Ադամ Շիֆ

20/06/2019 schedule10:52

Աշխարհի բազմաթիվ վայրերում գրանցվում է միտում դեպի ավտորիտարիզմ, հայտարարել է ԱՄՆ-ի կոնգրեսական Ադամ Շիֆը Մամուլի ազգային ակումբում հրավիրված մամլո ասուլիսի ընթացքում: Այն նվիրված էր կոնգրեսականի ղեկավարած Հետախուզության հարցերով Կոնգրեսի հանձնաժողովի աշխատանքներին, հայտնում է Ամերիկայի ձայնը:

«Մենք այսօր ընդգրկված ենք գաղափարական պատերազմում, ուր բազմաթիվ երիտասարդ ամերիկացիներ կասկած են հայտնում, որ ժողովրդավարությունը կառավարման լավագույն համակարգն է»,- ասում է նա:

Կոնգրեսականը մտահոգություն հայտնեց աշխարհում ավտորիտարիզմի աճի կապակցությամբ՝ այն որակելով սպառնալիք Միացյալ Նահանգներին:

«Այսօր ավտորիտարիզմը վերելք է ապրում Թուրքիայում, Եգիպտոսում, Ֆիլիպիններում, Բրազիլիայում, Հունգարիայում, Լեհաստանում: Մենք ականատես ենք աջ ծայրահեղական ուժերի վերելքին այնպիսի երկրներում, ինչպիսիք են Ֆրանսիան, Ավստրիան, Գերմանիան և այլ երկրներ»,- նշում է կոնգրեսականը:

Քննադատելով Թրամփի վարչակազմի մոտեցումներն այս սպառնալիքի հարցում ՝ Ադամ Շիֆը հիշեցնում է, որ այսօր շատ օտարերկրյա բռնակալներ մեջբերում են նախագահ Թրամփին իրենց հակաժողովրդավարական նպատակների համար:

Ավտորիտարիզմի աճի համատեքստում կոնգրեսականը մտահոգված է՝ բռնակալության հաստատման նպատակով օգտագործվում են նոր տեխնոլոգիաներ և տարածվում կեղծ նյութեր, ինչի վառ ապացույցներից են Չինաստանի թվային տոտալիտարիզմի հաստատումն ու Ռուսաստանի ապատեղակատվության քարոզարշավը: Արդյունքում, գտնում է կոնգրեսականը, ճշմարտության բացահայտումն ավելի ու ավելի է դժվարանում առանց մասնագիտական փորձագիտական գնահատականի: Այս գործընթացը ևս չափազանց վտանգավոր է, գտնում է Շիֆը:

Խոսելով Ռուսաստանի կողմից ԱՄՆ-ի ընտրություններում ներգրավվածության մասին՝ կոնգրեսականը նշեց, որ իր ղեկավարած հանձնաժողովն այսօր կենտրոնացած է Մյուլերի զեկույցի վրա: Այն մատուցելու բնույթը չի բավարարում կոնգրեսականին: «Անհրաժեշտ է, որ Մյուլերը վկայություն տա», ասում է Շիֆը: «Այս առումով ժամանակն ու համբերությունը սպառվում են»,- նշում է կոնգրեսականը:

Կոնգրեսական Շիֆը քննադատում է նախագահ Թրամփի մոտեցումներն այս հարցում՝ ընդգծելով, որ իրենք Հետախուզության դաշնային բյուրոյի առջև բարձրացնում են շատ հարցեր և ստանում պատասխաններ: Նա վստահեցնում է՝ իր ղեկավարած մարմինը կանի ամեն ինչ ընտրություններում Ռուսաստանի միջամտությունը կանխելու համար: Շիֆը կոչ է անում համախմբել տարբեր գերատեսչությունների ուժերը՝ 2020 թ. ընտրությունները պաշտպանելու համար:

Անդրադառնալով Իրանի հետ կապված զարգացումներին ՝ կոնգրեսականը քննադատեց գործող վարչակազմի քաղաքականությունը, հատկապես միջուկային պայմանագրից ԱՄՆ-ի դուրս բերումը: Նավթատար նավերի վրա հարձակման մասին հետախուզական տվյալները կասկած չեն թողնում Իրանի պատասխանատվության հարցում, սակայն կոնգրեսականը դեմ է ռազմական տարբերակին:

«Մեզ անհրաժեշտ է ռազմավարություն, որը կնվազեցնի լարվածությունը, քանի որ հակամարտությունը Իրանի հետ կլինի աղետալի»,- հայտարարել է Շիֆը:

Նրա կարծիքով անհրաժեշտ է այս հարցում ԵՄ ու այլ դաշնակիցների հետ հասնել միասնական դիրքորոշման, միջոցներ ձեռնարկել անվտանգ նավարկության համար և ուղիներ գտնել Իրանին միջուկայնացումից զերծ պահելու համար: Այս նպատակների արդյունավետ իրականացմանը, սակայն, ըստ Ադամ Շիֆի, խոչընդոտում է գործող վարչակազմի Իրանի նկատմամբ քաղաքականությունը:

Տպել
674 դիտում

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան