Օպերային թատրոնը բողոքարկել է ԿԳՄՍ-ի հրամանները. դեմ են նախկին աշխատակիցներին թատրոնում վերականգնելուն

Օպերային թատրոնը բողոքարկել է Կրթության, գիտության, մշակույթի եւ սպորտի նախարարության մայիսի 31-ի երկու հրամանները, որոնցով պահանջվում է աշխատանքում վերականգնել Օպերային թատրոնի իրավաբանական բաժնի նախկին պետ Քրիստինե Նաղդալյանին եւ բալետի պարող Բորիս Էմինյանին:

Այս մասին «Հայկական ժամանակ»-ին հայտնեց Օպերային թատրոնի տնօրենի ԺՊ Կարինե Կիրակոսյանը՝ նշելով, որ ՊՈԱԿ-ների մասին օրենքը տնօրենին թույլ է տալիս չկատարել վերադասի` ԿԳՄՍ-ի օրենքին հակասող հանձնարարականները, ուստի իրենք երկու հրամաններն էլ բողոքարկել են: «Նրանց այդ հրամաններն ընդունվել են օրենքի հակասություններով, մենք բողոքարկել ենք առոչինչ ճանաչելու համար»,-ասաց Կիրակոսյանը:

Չնայած նախարարության պահանջին՝  Օպերային թատրոնի նախկին աշխատակիցները թատրոնում չեն վերականգնվել եւ աշխատանքի չեն գնում: Օպերային թատրոնից մեզ բազմիցս հայտնել են, որ նրանց հաստիքները վաղուց գոյություն չունեն:

Օպերային թատրոնի տնօրենի ԺՊ-ն հայտնեց, որ բալետի պարող Բորիս Էմինյանն աշխատանքից ազատվելուց առաջ չի անցել հերթական ատեստացիան եւ եղել է բալետային խմբի վարիչ. այդ հաստիքը կրճատվել է կառուցվածքային փոփոխությունների արդյունքում: Օպերային թատրոնում վերացված է նաեւ Քրիստինե Նաղդալյանի զբաղեցրած պաշտոնը՝ իրավաբանական վարչության նախկին պետի հաստիքը:

Կարինե Կիրակոսյանը «Հայկական ժամանակ»-ի հետ զրույցում հայտնեց, որ մշակույթի նախարարությունը, խախտելով օրենքի պահանջները, մշտապես, առանց իրավական հիմքի ու առանց որեւէ վարչական կամ իրավական ակտ ընդունելու՝ պահանջել է աշխատանքում վերականգնել Քրիստինե Նաղդալյանին եւ Բորիս Էմինյանին:

ԿԳՄՍ-ի իրավական վարչության պետ Անուշ Ղազարյանն էլ բոլորովին այլ բան է փաստում, այն է՝ եթե վերադաս մարմինը (ԿԳՄՍ-ն) օրենքին հակասող է ճանաչել տվյալ իրավական ակտը, այսինքն, Օպերային թատրոնի հրամանը, ապա իրենք պարտավոր են առաջնորդվել օրենքով եւ վերականգնել վերը նշված երկու աշխատակիցներին:

«Օպերային թատրոնից հրաժարվում են կատարել պահանջը՝ պատճառաբանելով, թե իբր աշխատանքային հարաբերությունների մեջ գործատուն՝ այս դեպքում նախարարությունը, իրավունք չունի միջամտել, բայց դա այդպես չէ: Նախարարությունն ունի լիարժեք վերահսկողություն իրականացնելու իրավունք»:

Վարչության պետից ճշտեցինք, թե Օպերային թատրոնի մերժման դեպքում նախարարության հաջորդ քայլը ո՞րն է լինելու, Ղազարյանը նշեց, որ խնդիրն արդեն ներկայացրել են փոխնախարար Արա Խզմալյանին: «Մեր գործողությունները լրիվ օրենքի սահմաններում են, իսկ թե իրենք ինչու են այդպիսի դիրքորոշում բռնել՝ չեմ կարող ասել»,-նկատեց Անուշ Ղազարյանը:

Հիշեցնենք, որ մայիսի 31-ը վերջին օրն էր, երբ մշակույթի նախարարությունը կարող էր որեւէ որոշում կայացնել, քանի որ հունիսի 1-ից այն վերամիավորվել է կրթության եւ գիտության նախարարությանը: Կիրակոսյանի խոսքով` նախարարությունն իր վերջին հնարավորությունն օգտագործել է՝ ի վնաս օպերային թատրոնի, հարատապ քննարկում կազմակերպել եւ սխալ որոշում է կայացրել:

Տպել
689 դիտում

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը

Գորան Բրեգովիչի երևանյան համերգը հետաձգվել է եւ կկայանա նոյեմբերի 24-ին. նա կժամանի նվագախմբով