«Հայկական ժամանակ»-ի հարցերին պատասխանում է Եղեգնաձորի փոխքաղաքապետը

Վայոց Ձորի մարզկենտրոն Եղեգնաձոր համայնքը 9200 բնակիչ ունի: Ամենամեծ խնդիրը թերեւս աշխատատեղերի բացակայությունն ու համայնքի բնակիչների համայնքային կառավարմանը պասիվ մասնակցությունն է: Համայնքի խնդիրների ու առաջընթացի մասին «Հայկական ժամանակ»-ը զրուցել է Եղեգնաձորի համայնքապետի տեղակալ Վարդան Ավագյանի հետ:

- Պարոն Ավագյան, ինչո՞վ է զբաղվում Եղեգնաձորցին այսօր:

- Մարզը քանի որ համարվում է գյուղատնտեսական մարզ, մեզ մոտ եւս զարգացած է գյուղատնտեսությունը: Ակտիվությունը պայմանավորված է նաեւ վերջին տարիներին Եղեգնաձորում գործող պահածոների գործարանով, որը գյուղացիներին ազատել է բերքի մթերման խնդրից: Բայց ամեն դեպքում, օբյեկտիվ եւ սուբյեկտիվ հարցերով պայմանավորված՝ հողերի մշակման խնդիր ունենք, որի մասով անհատական աշխատանքներ ենք տանում: Արդյունաբերություն ասվածը չկա մեզ մոտ: հաջորդ ճյուղը տուրիզմն է, այս տարի հոսքը ավելի է շատացել, ինչի հետ կապված մարդիկ սկսել են նոր հյուրատներ կառուցել, սպասարկման օբյեկտներ բացել:

- Ի՞նչ խնդիրներ ունի համայնքն այսօր:

- Առաջնահերթ խնդիրը աշխատատեղերի բացակայությունն է, զբաղվածությունը լուրջ խնդիր է: ԽՍՀՄ տարիներից հետո գործարաններ չեն բացվել, եղածներն էլ ինչ-ինչ պատճառով փակվել են, մի քանի փոքր գործարան ունենք, բայց դրանք չեն աշխատում այն թափով, որով նախատեսված է եղել: Գուցե պետությունը պետք է հարկային քաղաքականությունը վերանայի, գուցե պետք է որեւէ կերպ աջակցություն ցուցաբերի… չգիտեմ, բայց պետք է ակտիվացնել այս գործարանները, որովհետեւ նախկինում դրանք լուծում էին ոչ միայն եղեգնաձորցու աշխատանքի հարցը, այլ նաեւ հարակից համայնքների: Հիմնական խնդիրը գործազրկությունն է, որն իր հետ բերում է սոցիալական մի շարք խնդիրներ:

- Ստացվում է՝ գործազրկության մակարդակը բարձր է քաղաքում:

- Այո, գործազրկության մեծ թիվ ունենք, կարծում եմ՝ նոր ու պրոֆիլային մոտեցումներ են պետք: Պետք է վերլուծել, թե որ ուղղությամբ կարելի է կոնկրետ Եղեգնաձորը զարգացնել:

- Արտագաղթ որպես այդպիսին կա՞ Եղեգնաձոր քաղաքում:

- Արտագաղթ չկա մեզ մոտից, առավել եւս մեծ տոկոս չի կազմում:

- Ի՞նչ ծրագրեր են այս պահին իրականացվում Եղեգնաձորում համայնքային ու պետական միջոցներով:

- Կառավարության սուբվենցիոն ծրագրերով ընթացքի մեջ են մի շարք ծրագրեր՝ փողոցների ասֆալտապատոււմ, լուսավորություն, նաեւ 2 մանկապարտեզ է վերանորոգվում: Մենք ունենք շատ լուրջ խնդիր Նորավան թաղամասում: Ի սկզբանե այս թաղամասը կոյուղատար չի ունեցե մինչեւ այսօր: Ողջ կոյուղին լցվում է գետը: Դա համայնքի ուժերով պարզապես անհնար է կառուցել: Մեր ուժերով նախագիծ արեցինք, էդ նախագծանախահաշվային փաթեթն ունենք, բայց չգիտենք՝ ում ներկայացնենք: Չենք էլ կարող համաֆինանսավորմամբ անել, քանի որ նախ էլի մեծ գումար է պետք լինելու, եւ հետո՝ մենք կառուցելու ենք, բայց չենք կարողանալու սպասարկել: Ստացվում է՝ մենք կառուցելու ենք, տանք Վեոլիա ընկերությանը, իրենք շահույթ ստանան: Միկոյան 16 շենքում վթարայնության 4-րդ կարգ ունեցող բազմաբնակարան շենք ունենք, որը ենթակա է քանդման, այստեղ եւս անելիքներ ունենք, բայց բյուջեն շատ մեծ է…: Մենք փորձում ենք մեր ուժերով վերացնել վթարները, պահպանում իրականացնել, սակայն խնդիրը խորքային է: Կառավարությունն այս տարի փոխել է մոտեցումը համաֆինասնավորմամբ իրականացվող ծրագրերի, էս տեմպերով եթե գնանք, տարիներ անց ամեն ինչ հրաշալի կլինի:

- Համայնքի բյուջեն 270 մլն դրամ է …:

- Բյուջեն շատ քիչ է, դրանով պահպանման ծախսերն ենք իրականացնում, ներկայացուցչական ծախսեր չունենք, չունենք ծառայողական ավտոմեքենաներ ու հետեւաբար նաեւ՝ վարորդներ: Ամեն տեղից հավաքում ենք գումարները, դնում ֆոնդային մաս, որ կարողանանք մի բան անել: Մենք պարգեւատրել ենք միայն կանաչապատման ու սանմաքրման աշխատակիցներին, բայց միայն աշխատակիցներին: Համատարած պարգեւատրումներ մենք չենք անում:

- Բնակիչներն ասում են, որ Եղեգնաձորում չկա մասնակցային կառավարում, ինչո՞վ է պայմանավորված:

- Մեր մոտ ժողովուրդը պետք է ակտիվանա, մենք բաց ենք ցանկացած քննարկման համար, մանավանդ երիտասարդների… մի քանի խմբեր ունենք, բայց մասսայական չի դա: Մենք էլ ենք ուզում, որ գան, առաջարկեն, պահանջեն մեզնից, բայց մեզ մոտ շատ են պասիվ, ակտիվություն է պետք: Հետո այսպիսի խնդիր կա՝ երիտասարդները գնում են Երեւան, սովորում ու այնտեղ էլ մնում, քանի որ այնտեղ է ամեն ինչ կենտրոնացած, ինչպես նաեւ աշխատավարձն է այնտեղ բարձր: Այստեղ եւս պետական մոտեցում է պետք, այնպիսի բաներ պետք է մտածեն, որ ապակենտրոնացում լինի:

Տպել
379 դիտում

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը