ԱՄՆ-ն սպառնում է, Անկարան՝ պատասխանում. Ռուսաստանը մտադիր է Ս-400-ները Թուրքիա հասցնել հուլիսին

Մոսկվան անգամ ներկայիս պայմաններում կկատարի Անկարայի առջև Ս-400 համալիրների վերաբերյալ բոլոր պարտականությունները` ամբողջ ծավալով և առանց շեղումների:

Այդ մասին լրագրողներին ասել է ՌԴ ԱԳ նախարարի տեղակալ Սերգեյ Ռյաբկովը՝ պատասխանելով հարցին` կարո՞ղ է Մոսկվան երաշխավորել, որ ԱՄՆ-ի կողմից Թուրքիայի վրա գործադրվող ճնշման պայմաններում Ս-400-ի գործարքը կիրականացվի:

Իր հրեթին Կրեմլի արտաքին քաղաքականության հարցերով խորհրդական Յուրի Ուշակովը հայտարարել է, որ Ռուսաստանը մտադիր է իր Ս-400 (C-400) հակահրթիռային պաշտպանության համակարգերը Թուրքիա հասցնել հուլիսին։ «Ռուսաստանի և Թուրքիայի միջև ձեռք բերված պայմանավորվածությունները տվյալ համատեքստում ժամանակին կատարվում են, երկու կողմից էլ խնդիրներ չկան», - ասել է նա:

Հարցին, թե արդյո՞ք հակահրթիռային համակարգերը Թուրքիա կհասնեն հուլիսին, Ուշակովը պատասխանել է. - «Այո, ինչպես պլանավորել ենք»:

Պաշտոնական Վաշինգտոնը, հիշեցնենք, Անկարայից պահանջել է հրաժարվել ռուսական Ս-400 հրթիռային համակարգեր գնելու գործարքից՝ վերջնական որոշում ընդունելու համար ժամանակ տալով մինչև հուլիսի 31-ը: Եթե Անկարան չհրաժարվի այդ գործարքից, ապա Վաշինգտոնը կչեղարկի F-35 կործանիչները Թուրքիային վաճառելու համաձայնագիրը և հարակից ծրագրերը:

ԱՄՆ-ն արդեն իսկ հակաքայլեր է ձեռնարկում: ԱՄՆ Կոնգրեսի Ներկայացուցիչների պալատը միաձայն ընդունել է Թուրքիայի կողմից ռուսական Ս-400 ՀՕՊ համակարգերի գնման պատճառով օրակարգ բերված օրինագիծը:

«ԱՄՆ-Թուրքիա դաշինքին ուղղված անհանգստությունների արտահայտում» վերնագիրը կրող օրինագիծն ընդունվել է միաձայն: Այն առաջարկում է կիրառել ԱՄՆ-ի թշնամիների դեմ ուղղված CAATSA («Ամերիկայի հակառակորդների դեմ պատժամիջոցների կիրառման մասին» օրենք) պատժամիջոցները, ինչպես նաև վերանայել ՆԱՏՕ-ին Թուրքիայի անդամակցության նպատակահարմարությունը: Օրենքը վերաբերում է նաև Թուրքիայում ձերբակալված Ամերիկայի քաղաքացիներին:

Թուրքիայի արձագանքը չի ուշացել: Այս երկրի արտաքին գործերի նախարարությունը հայտարարել է, որ Թուրքիայի և ԱՄՆ-ի միջև արմատավորված բարեկամական և դաշնակցային հարաբերությունների հետ այս օրինագիծը ոչ մի աղերս չունի և անընդունելի են Թուրքիայի արտաքին քաղաքականության ու դատական համակարգի վերաբերյալ այդ անհիմն և անօրինական գնահատականները:

«Բարեկամ և դաշնակից երկրների միջև տարակարծություն առաջանալու դեպքում ամենաազդեցիկ ուղին երկխոսությունն է և երկրների ինքնիշխանությանը հարգանք ցուցաբերելն է: Դրա փոխարեն ոչ մի կապ չունեցող և փոխադարձ վտահությունը բարձրացնելուն չծառայող որոշումներ ընդունելը, սպառնալիքի և պատժամիջոցների լեզվով շարունակել խոսելն անընդունելի է»,- ասված է Թուրքիայի ԱԳՆ հայտարարության մեջ:

Փորձագետները կարծում են, որ ԱՄՆ-ն և Թուրքիան, որոնք ՆԱՏՕ-ի գծով դաշնակիցներ են, սկսել են, ապահարզանի գործընթացը: ԱՄՆ-Թուրքիա հարաբերությունները լարվել են՝ Անկարայի կողմից ռուսական Ս-400 համակարգեր գնելու հետեւանքով: Ամերիկացիները զգուշացրել են թուրքերին, որ այդ համակարգերը գնելու դեպքում նրանց հետ Պենտագոնը կխզի F-35 կործանիչների մատակարարման պայմանագիրը, փոխանցում է wPolityce-ն:

Փորձագետների կարծիքով, Էրդողանի վճռականությունը՝ Մոսկվայից գնել Ս-400 համակարգերը, կհանգեցնի նրան, որ ԱՄՆ-ն պատժամիջոցներ կկիրառի ՆԱՏՕ-ի անդամ Թուրքիայի նկատմամբ:

«ԱՄՆ-Թուրքիա հարաբերությունները լրացուցիչ կերպով լարվել են նաև ամերիկացիների կողմից Սիրիայում քրդերին ցուցաբերած աջակցության պատճառով: Բացի այդ, ամերիկացիները հրաժարվում են Անկարային արտահանձնել Ֆեթուլահ Գյուլենին: ԱՄՆ-ն և Թուրքիան սկսել են ապահարզանի գործընթացը: Նրանք կպահպանեն հարաբերությունները, սակայն դրանք լինելու են անընդհատ լարված», - նշում են փորձագետները:

Տպել
4353 դիտում

Ադրբեջանում հայտնաբերվել է մոտ մեկ ամիս առաջ կործանված ՄիԳ-29-ի օդաչուի մարմինը

Ամեն օր սովորել և ինքնազարգանալ. «Քայլ դեպի տուն» ծրագրի հյուրն էր Մխիթար Հայրապետյանը

Հրշեջ-փրկարարները մարել են ավտոմեքենայում բռնկված հրդեհը

Ոչ շտապբուժօգնությանը վերաբերող կանչերը պետք է ուղղորդվեն դեպի պոլիկլինիկաներ. Արսեն Թորոսյան

Բակո Սահակյանը հանդիպել է ԵԱՀԿ գործող նախագահի անձնական ներկայացուցչի հետ

Գյումրիի բնակարաններից մեկում հայտնաբերվել է բնակչի դին

Հայաստանում Սիբիրյան խոցի դեպք է արձանագրվել. վարակվել է Գեղհովիտ համայնքի 2 բնակիչ

ՊԵԿ-ի դիմաց բողոքի ցույց իրականացրած քաղաքացու ապրանքը չի մաքսազերծվել, քրգործ է հարուցվել. ՊԵԿ

Մեկին աշխատանքից ազատել ենք ոչ կոմպետենտության պատճառով, մյուսին չենք ընդունել աշխատանքի. վարչապետ

ՍԱՏՄ պաշտոնյաները չարաշահել են իրենց լիազորությունները. պետության շահերին էական վնաս է պատճառվել

«Հայկական ժամանակ»-ը խմբագիր է փնտրում

ՎՏԲ-Հայաստան Բանկն իր հաճախորդներին առաջարկում է կատարել բանկային գործարքներ ` Վիդեո Բանկինգի օգնությամբ

Ն. Փաշինյանը ԱՄՀ ներկայացուցչի հետ քննարկել է զարգացման երկարաժամկետ ռազմավարությունների տեսլականը

Ռեստորանում ծագած վիճաբանությունն ավարտվել է դանակահարությամբ. 29-ամյա երիտասարդը խոստովանել է

Ucom-ի ձայնային ծառայության բոլոր բաժանորդները կդիտեն uMediaroom շարժական հեռուստատեսություն՝ չվճարելով ՄԲ-երի համար

Սեփական անցյալից ուշադրությունը շեղելու տրյուկը

Փաշինյանի որոշմամբ Նաիրա Մարգարյանը նշանակվել է ՀՀ էկոնոմիկայի նախարարի տեղակալ

Հայ խաղաղապահները մասնակցել են բազմազգ զորավարժության նախապատրաստական փուլին

Հարկային վարչարարությունից մինչեւ կոռուպցիայի դեմ պայքար. Մհեր Գրիգորյանն ընդունել է ԱՄՀ-ի ներկայացուցչին

Արթուր Գրիգորյանի թույլ տված սխալի և անիմաստ համառության պատճառով «Լիդիանը» դիմել է դատարան. Ավինյանի պատասխանը