Այս տարի Սեւանա լճից կիրականացվի օրենքով սահմանված՝ 170 մլն խմ ջրառ

Հայաստանի կառավարությունն այսօրվա նիստում որոշեց ոռոգման նպատակով Սեւանա լճից 2019 թվականի ոռոգման շրջանում ջրառի չափաքանակը սահմանել մինչեւ 170 մլն քմ:

Հարցը ներկայացրեց տարածքային կառավարման եւ ենթակառուցվածքների նախարար Սուրեն Պապիկյանը՝ նշելով, որ այն նախատեսված է Արմավիրի, Կոտայքի, Արարատի եւ Արագածոտնի մարզերի շուրջ 32 հազար հա հողերի ոռոգման համար:

Նախարարի խոսքով՝ թեեւ այս տարի ձնասակավ տարի էր, սակայն ջրամբարները բավարար չափով լցվածություն ունեն. «Բայց նաեւ ոռոգման համակարգն այնպիսին է, որ վերոնշյալ 4 մարզերի որոշ հատվածներ ջրելու համար, քանի դեռ նոր ջրամբարներ չենք կառուցել, առայժմ Սեւանից 170 մլն խմ ջուր թողնելը կենսական անհրաժեշտություն է գյուղատնտեսության համար: Մենք ամեն ինչ անելու ենք, որ այդ 170 մլն խմ-ն ամբողջությամբ չօգտագործվի, կամ հավելյալ ջրառի կարիք չլինի, որը նախորդ տարիներին ունեցել ենք»:

Նիկոլ Փաշինյանն իր հերթին նշեց, որ իրենք այն չափաքանակն են սահմանում, որն օրենքով արդեն սահմանված է․

«Ամեն ինչ պետք է անենք, որ Սեւանից հավելյալ ջուր բաց թողնելու անհրաժեշտություն չլինի: Դրա համար նախադրյալներ կան, բայց խնդիրն այն է, որ եղանակային պայմանները ցավոք, մի փոքր ավելի անկանխատեսելի են դառնում: Կարող է նախատեսվածից ավելի շոգ լինել եւ պետք է ճկուն լինենք, որ այս իրավիճակներին արձագանքենք»,-ասաց Փաշինյանը:

Նա հավելեց, որ անհրաժեշտության դեպքում պետք է ջրախնայողության միջոցներ իրականացնել:

ԱԻ նախարար Ֆելիքս Ցոլակյանն իր հերթին նշեց, որ այս պահին ջրամբարներում ջուր այլեւս չի ավելանում, ընդհակառակը՝ պակասում է գոլորշիացմամբ պայմանավորված: Ու քանի որ ջրամբարներում ջուրն ավելի արագ է գոլորշիանում, քան Սեւանա լճում, նախընտրելի է, որ նախ ջրամբարների ջուրն օգտագործվի, իսկ Սեւանից ջրառը մի փոքր հետաձգվի: Ցոլակյանն ասաց, որ իրենք առաջարկել էին, որ ընդամենը 140 մլն խմ ջրառ իրականացվի:

Շրջակա միջավայրի նախարար Էրիկ Գրիգորյանն էլ հավելեց, որ ձեւավորվող ջրապահանջարկը չի արտացոլում իրական ջրապահանջարկը: «Քանի որ հաշվարկները ներկայացվում են հեկտարներով, վերահսկող կառույցի՝ հանձնաժողովի դերն այստեղ կարեւոր է: Եթե հանձնաժողովը լավ աշխատի, հնարավոր է նույնիսկ կարիք չլինի այս ծավալի ջուր վերցնելու»:

Տպել
10953 դիտում

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքի ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում

Այսօր ՏԻՄ ընտրություններ են ՀՀ 7 մարզերի 16 համայնքներում

Երեխան եղել է անհաս, ծնվել է կեսարյան հատմամբ, առկա է եղել սրտի արատ. ԲԿ-ն պարզաբանում է նորածնի մահվան պատճառը