Ծախել եք Օրբելյանին, դավաճաններ. Օպերային թատրոնում լարվածությունը նոր ուղղությամբ է զարգանում

Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի կոլեկտիվը հերթական անգամ ոտքի է ելել: Այս անգամ պատճառը թատրոնի կոլեգիալ կառավարման մարմնի խորհրդի մայիսի 22-ի որոշումն է, ըստ որի՝ Օպերային թատրոնի կառավարման խորհրդի նախագահ է ընտրվել ՀՀ մշակույթի նախարարի պարտականությունները կատարող Նազենի Ղարիբյանը:

Մայիսի 27-ին Օպերային թատրոնի անձնակազմը Ժողով էր հրավիրել, որտեղ ակնկալվում էր կառավարման խորհրդի 8 անդամների եւ խորհրդի նախագահ Նազենի Ղարիբյանի ներկայությունը: Ղարիբյանն այդպես էլ չմիացավ բուռն քննարկմանը, ներկա չէին նաեւ խորհրդի այն վեց անդամները, որոնք մշաշկույթի նախարարության ներկայացուցչիներ են:

Թատրոնի աշխատակիցները նշեցին, որ շատ հավանական է՝ եթե Ղարիբյանը ներկա գտնվեր եւ իրենց հարցերին սպառիչ պատասխաններ տար, գուցե եւ այս լարվածությունը մի փոքր մեղմանար:

«Կառավարման խորհրդի վերաբերյալ ես շատ կուզենայի մեր օրենսդիրի կարծիքն իմանալ, որպեսզի ոչ մեկի կողմից պարտադրանք չլինի: Իհարկե՝ ժամանակին կառավարման խորհրդի նախագահ է եղել Հասմիկ Պողոսյանը, միեւնույն ժամանակ եղել է մշակույթի նախարար, բայց սա չի նշանակում, որ Ղարիբյանն էլ պետք է լիներ»,-ասաց Օպերային թատրոնի դիրիժոր Հարություն Արզումանյանը:

Դիրիժորը հարց բարձրացրեց, թե ինչն էր պատճառը, որ շտապ կերպով Նազենի Ղարիբյանը նշանակվեց Կառավարման խորհրդի նախագահ մինչդեռ նոր կառավարությունը չի էլ հասցրել ձեւավորվել (կձեւավորվի հունիսի երեքին): «Տիկին Ղարիբյանը, որն այսպիսի դիրքորոշում է բռնել մեր թատրոնի հանդեպ եւ ընդհանրապես բոլոր թատրոնների հանդեպ, ինչպե՞ս է պատրաստվում աշխատել Օպերային թատրոնի հետ եւ ինչպես է իրեն պատկերացնում այդ պաշտոնում»,-ասաց Արզումանյանը:

Օպերային թատրոնի անձնակազմի կողմից առավել բացասաբար է ընկալվել Ղարիբյանի ընտրությունը, քանի որ դա թատրոնի տնօրինությունից գաղտնի է արվել: Օպերային թատրոնի տնօրենն իրավունք ունի մասնակցելու այդ նիստին եւ խորհրդի կարգով իր կարծիքը արտահայտել, քանի որ հիմնական աշխատանքը կառավարման խորհրդի նախագահի հետ իրականացնելու է նա: Այս դեպքում աշխատակիցների մոտ հարց է առաջանում, ինչո՞ւ գաղտնի եւ ինչու Ղարիբյանը:

Կառավարման խորհուրդը թատրոնի տնօրենի հետ իրականացնում է թատրոնի ղեկավարումը: Այն է՝ բոլոր բարձրացված հարցերը տեղ է հասցնում, կառավարման հետ իրենց կապն է հանդիսանում: Թատրոնի աշխատանքային կոլեկտիվն այստեղ էլ մեծ խնդիր է տեսնում՝ մատնանշելով, որ թատրոնի ֆինանսավորումը հյուրախաղերի մասով կրճատվել է հենց Նազենի Ղարիբյանի ակտիվ մասնակցությամբ: Վերջինիս ղեկավարությամբ որեւէ դրական առաջխաղացման մասին նրանք հույս անգամ չունեն:

Օպերային թատրոնի կառավարման խորհուրդը ութ անդամից է բաղկացած, որոնց թվում Օպերային թատրոնի անձնակազմից կա երկու հոգի, իսկ մշակույթի նախարարության ներկայացուցիչները չորսն են:

Օպերային թատրոնի ներկայացուցիչներից բալետի արտիստ Սերգեյ Սաֆարյանը, որը նաեւ քվեարկության արդյունքում ընտրվել է խորհրդի քարտուղար, հայտնեց, որ համաձայն օրենքի՝ Օպերային թատրոն ՊՈԱԿ-ը պարտադիր պետք է ունենա կառավարման խորհուրդ: Ըստ խորհրդի քարտուղարի՝ կառավարման խորհրդի մնացած անդամները կարող են լինել մշակույթի նախարարության պաշտոնատար անձինք, ինչպես նաեւ կարող են լինել ստեղծագործական, երաժտական կամ թատերական բնագավառներից: Վերջինս վստահեցրեց՝ կառավարման խորհուրդն աշխատում է, որպեսզի թատրոնի շահը դարձնի գերակա:

Կառավարման խորհրդի կազմում գտնվող Օպերային թատրոնի մյուս ներկայացուցիչը՝ Օպերային թատրոնի մեներգիչ Պերճ Քարազյանն էլ վստահեցրեց, որ Ղարիբյանի ընտրությունը բոլորովին էլ հապճեպ չի կայացվել:

«Շատ բանիմաց եւ տեղեկացված անձինք են հավաքվել այս խորհրդում, նույնիսկ հին խորհրդից մարդիկ կան: Նախքան տիկին Ղարիբյանին ընտրելը, մենք այնտեղ ճեպազրույցներ ունեցանք, եւ բոլորս միակարծիք էինք, որ աշխատանքը լինելու է միայն եւ միայն թատրոնի բարօրության համար: Շատ հաճախ խորհրդի մյուս անդամները մեզ են հարցնում, թե ինչ խնդիրներ կան թատրոնում եւ ինչն է ավելի հրատապ, ուստի այնտեղ մեր երկուսի ներկայությունը միայն առաջին հայացքից կարող է քիչ թվալ»,-ասաց նա:

Պերճ Քարազյանի վստահեցմամբ՝ խորհրդի ամենաազդեցիկ մարդը, որն ամեն օր շփում ունի կառավարության անդամների հետ, Նազենի Ղարիբյանն է: Թատրոնի անձնակազմը հակադարձեց Պերճ Քարազյանին՝ ասելով, որ բացառված է արդար ընտրությունն այն դեպքում, երբ կառավարման խորհրդի նախագահի պաշտոնի համար մեկ թեկնածու է եղել: Այսինքն, ընտրության իրավունք էլ չի եղել:

Օպերային թատրոնի աշխատակիցները կարծում են, որ չնայած կառավարման խորհրդում իրենց երկու ներկայացուցիչների ձայնը որոշիչ չէր կարող լինել, բայց նրանք կարող էին թեկուզ ցուցադրական իրենց անհամաձայնությունը հայտնել՝ Ղարիբյանի ընտրման հետ կապված: Անգամ մարդիկ եղան, ովքեր դա դիտարկեցին որպես դավաճանություն եւ թիկունքից հարված Օպերային թատրոնին: Նրանք Սարաֆյանին եւ Քարազյանին հիշեցրեցին, որ իրենց քվեարկության շնորհիվ են այդ խորհրդի կազմում հայտնվել եւ պարտավոր էին իրենց թատրոնի շահերը պաշտպանել եւ տուրք չտալ Նազենի Ղարիբյանին:

Երաժիշտներն անգամ դավաճանություն որակեցին խորհրդի կազմում իրենց ներկայացուցիչների այդ քայլը: Նրանք Քարազյանին մեղադրեցին՝ ասելով, որ «ծախել» է Կոնստանտին Օրբելյանին: Մեղադրանքներին պատասխանելով՝ Քարազյանն ասաց. «Դուք չեք կարող ինձ մեղադրել, ո՞վ եք դուք: Ինչով եմ ծախել Օրբելյանին»:

Օպերային թատրոնի անձնակազմի ժողովը գնալով վերածվեց փոխադարձ վիրավորանքների եւ մեղադրանքների շարանի: Դիրիժոր Հարություն Արզումանյանը, փորձելով հանդարտեցնել շիկացած մթնոլորտը, կոլեգաներին եւս մեկ անգամ հիշեցրեց, որ կատարվածի միակ մեղավորը Նազենի Ղարիբյանն է եւ նրա պատճառով է այսօր թատրոնը բան ու գործ թողած՝ հաշիվներ մաքրում:

Ընդհանուր հայտարարի չգալով՝ նրանք որոշեցին եւս մեկ, ավելի նեղ քնարկում կազմակերպել, բայց այս անգամ առանց լրագրողների ներկայության: Առջեւում պրեմիերա ունեն:

Տպել
3613 դիտում

Փակվել է Ալավերդի-Բագրատաշեն մայրուղու Արճիս գյուղի հատվածը. բողոքում են խմելու ջրի բացակայությունից

Թուրքական մամուլին զայրացրել է Հայոց ցեղասպանության մասին իսրայելցի հեղինակների գիրքը

Խոսրովի անտառ պետական արգելոցի ճանապարհին՝ «Մեղրաքար» կոչվող հատվածում հրդեհ է (լուսանկարներ, տեսանյութ)

Շախմատի միջազգային ֆեդերացիան հետաքննում է՝ ում պատճառով է Մարիա Գևորգյանը զրկվել Թուրքիայի մրցաշարին մասնակցելուց

Փրկարարներին հաջողվել է կանխել քաղաքացու ինքնասպանության փորձը Կիևյան կամրջից

Շենգավիթում հնչած կրակոցների հետեւանքով մահացածը թաղային հեղինակություն է

Վարչապետը տիկնոջ եւ դուստրերի հետ մասնակցել է Գյումրու օրվան նվիրված տոնական միջոցառումներին (լուսանկարներ)

Այս տարի Գյումրին լինելու է Հայաստանի անկախության տոնակատարությունների կենտրոնը․Նիկոլ Փաշինյան

Գյումրիում մեկնարկել է քաղաքի օրվան նվիրված տոնական համերգը (լուսանկարներ, ուղիղ միացում)

Կրակոցներ Երեւանում․ կա 1 զոհ եւ վիրավորներ․ հայտնաբերվել են պարկուճներ, դանակներ․ Shamshyan.com

Գյումրին հայի համար աշխատասիրության, տաղանդի ու ոգու քաղաք է․ Կոմանդոսը մասնակցում է Գյումրու օրվա տոնակատարությանը

Հավանաբար այս տարվա ընթացքում կունենանք ժամանակացույցը՝ 2 տարի է, 3 թե 4․ Շիրակի մարզպետը՝ տնակների խնդրի մասին

Հենց նոր մի հետաքրքիր տեղեկություն իմացա. Նիկոլ Փաշինյան

Լարված վերջաբան Գյումրիում. Փյունիկը 1-3 հաշվով պարտվեց «Շիրակին»

Լուծարվող գիշերօթիկների աշխատակիցները վարչապետի հետ չկարողացան խոսել

Գյումրին պետք է դառնա Երեւանին մրցակից. Ֆելիքս Ցոլակյանը մասնակցում է Գյումրու տոնի միջոցառումներին (լուսանկարներ)

Մենք 21-րդ դարում ենք, բայց մեր ունեցած տեխնիկան 20-րդ դարի է. Ֆելիքս Ցոլակյան

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)