Ծանոթանալու են Հայաստանի զբոսաշրջային հնարավորություններին, կատարելու նկարահանումներ. շվեյցարացի լրագրողներ են եկել ՀՀ

Մայիսի 23-ին, Երևանում անցկացվեց Շվեյցարիայի ճամփորդական լրագրողների ասոցիացիայի ընդհանուր ժողովը՝ ղեկավար խորհրդի մասնակցությամբ։ Պատվիրակությունը գլխավորում էր ասոցիացիայի փոխնախագահ Ալեքս Դեկոտը։ Ասոցիացիան միավորում է շվեյցարական մի քանի տասնյակ լրատվամիջոցների ներկայացուցիչների, յուրաքանչյուր տարի ընդհանուր ժողովն ացկացվում է որևէ երկրում։

Ինչպես հայտնում են տնտեսական զարգացման և ներդրումների նախարարության մամուլի ծառայությունից, Շվեյցարիայում Հայաստանի Հանրապետության առևտրային ներկայացուցիչ Հայկ Հովհաննիսյանի նախաձեռնությամբ և ՀՀ տնտեսական զարգացման և ներդրումների նախարարության զբոսաշրջության պետական կոմիտեի համագործակցությամբ, այս տարի այն անցկացվեց Հայաստանում։  

Միջոցառմանը մասնակցում էին Շվեյցարիայում Հայաստանի Հանրապետության առևտրային ներկայացուցիչ Հայկ Հովհաննիսյանը, ՀՀ տնտեսական զարգացման և ներդրումների նախարարության զբոսաշրջության պետական կոմիտեի և Հայաստանի զբոսաշրջության ոլորտի ներկայացուցիչներ։ 

Հայաստան այցի շրջանակներում ճամփորդական լրագրողների ասոցիացիայի 16 ներկայացուցիչներ՝ ասոցիացիայի փոխնախագահ Ալեքս Դեկոտի գլխավորությամբ, շուրջ մեկ շաբաթ՝ խմբերի բաժանվելով, շրջագայելու են Երևանի և Հայաստանի մարզերի տեսարժան վայրերում, ծանոթանալու Հայաստանի զբոսաշրջային հնարավորություններին, կատարելու նկարահանումներ՝  Հայաստանից ստացած իրենց տպավորությունները, ինչպես նաև Հայաստանի զբոսաշրջային հնարավորությունները շվեյցարական ԶԼՄ-ներով ներկայացնելու նպատակով։  

Շվեյցարիայում Հայաստանի Հանրապետության առևտրային ներկայացուցիչ Հայկ Հովհաննիսյանի խոսքով՝ «Հայ-շվեյցարական տնտեսական հարաբերություններում զարգացման մեծ ներուժ ունեցող ճյուղերից մեկը զբոսաշրջությունն է։ Շվեյցարացիները շատ են ճամփորդում, իսկ Հայաստանում կա շատ լուրջ զբոսաշրջային պոտենցիալ։ Հայաստանը հետաքրքիր է շվեյցարացիների համար, որովհետև շվեյցարացի տուրիստին շքեղ հյուրանոցներով և լողափներով, ծովափնյա հանգստով չես զարմացնի․ իրենց ավելի շատ հետաքրքրում են յուրահատուկ երկրները։ Հայաստանը հետաքրքիր է իր պատմամշակութային ժառանգությամբ, հետաքրքիր է իր քրիստոնեական ժառանգությամբ, որպես առաջին քրիստոնյա երկիր, հետաքրքիր է որպես երկիր, որտեղ կարող են իրականացնել արշավներ և այլն։ Հայաստանն իրենց համար յուրահատուկ, դեռևս չբացահայտված ուղղություն է, իսկ նմանատիպ միջոցառումները Հայաստանում անցկացնելը ևս մեկ հնարավորություն է զբոսաշրջիկներին Հայաստանի  մասին տեղեկատվություն տրամադրելու»։  

Ասոցիացիայի փոխնախագահ Ալեքս Դեկոտն իր հերթին նշեց․ «Ինքս շատ եմ ճամփորդել, տարբեր  երկրներում եմ եղել, բայց Հայաստանի մասին երբեք չէի լսել: Նախորդ տարի, Ֆրանկոֆոնիայի գագաթաժողովից հետո, սիրահարվեցի Հայաստանին, որոշեցի ուսումնասիրել Հայաստանը և հասկացա, որ պետք է անպայման այցելեմ ձեր երկիր, Հայաստանն այն երկրներից է, որն ունի խիղճ և հոգի և դրանով է գրավիչ․ մենք դա ենք ներկայացնելու շվեյցարացիներին»։

Ավելացնելով, որ իրենք պարբերաբար նման բնույթի ճամփորդություններ են կատարում տարբեր երկրներ ռեպորտաժներ պատրաստելու նպատակով՝ նա նաև նշեց, որ  Հայաստանում բաժանվելու են խմբերի և  տարբեր ուղղություններով շրջագայեն։  «Կլինենք նաև Թումոյում և Մատենադարանում․ մտադրություն ունենք այս համադրությունն օգտագործելով՝ Հայաստանի անցյալի և ապագայի մասին ֆիլմ նկարահանել։ Իսկ շրջագայության արդյունքները կներկայացնենք շվեյցարական մամուլում», - ավելացրեց նա։

Տպել
832 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան