Երևան
11 °C
searchclose
today
menuclose
Երևան
11 °C
Ի տարբերություն Շիրակի նախկին մարզպետ Կարեն Սարուխանյանի, Տիգրան Պետրոսյանը չխախտեց քաղաքական ավանդույթն ու պաշտոնավարման 100 օրը լրանալուն պես հանդիպեց լրագրողների հետ, խոսեց կատարված աշխատանքի եւ ընթացքի մեջ գտնվող ծրագրերի մասին: Ասաց՝ կարեւոր հիմնախնդիրների առաջին հորիզոնականում անօթեւանությունն ու աղքատությունն է: Գյումրիում անօթեւանությունը փոխկապակցվել է աղքատության հետ: Պետությունն այսօր կամք ունի հարցին մոտենալու, և որպես այդ կամքի դրսևորման առաջին պայման քայլերի հստակեցումն էր, որ հասկանայինք, թե ինչ ծավալների մասին է խոսքը:
Դեկտեմբերի 7-ին վարչապետ Նիկոլ Փաշինյանի հանձնարարականով ստեղծված աշխատանքային խումբը ներկա պահին Շիրակի, Լուռու եւ Արագածոտնի մարզերում իրականացնում է մանրակրկիտ քարտեզագրում՝ անօթեւանության, ժամանակավոր կացարաններում բնակության հետ կապված: Հստակեցվում է անօթեւանների գործերը՝ սկսած իրենց անձնագրային, կադաստրային տվյալներից: Ամբողջական փաթեթ է հավաքվում:
Ներկա պահին Շիրակի մարզի 19 համայնքում ունենք 3517 ժամանակավոր կացարաններ, որոնցից 2858-ը գտնվում են Գյումրիում են, 5-ը՝ Արթիկում, եւ մարզի թվով 17 բանկավայրերում ունենք 654 ժամանակավոր կացարաններ: Մարզում առկա է խնդիր Աշոցքի Կոճոռ թաղամասում: Սա 88-ի աղետից հետո փայտից կառուցված ամբողջական թաղամաս է, որն այսօր քայքայվել է: Կոճոռում 164 ընտանիքի հիմնախնդիր կա: Ընդհանուր առմամբ, այս պահին 3226 անօթեւան ընտանիքի մասին է խոսքը, շուրջ 11300 քաղաքացու, ովքեր ամենատարբեր պատճառներով ժամանակավոր կացարաններում են բնակվում:
«Բայց խնդիրն իրականում ավելի խորն է, կան ընտանիքներ, որոնք տնակներում չեն ապրում, բայց վարձով են բնակվում, հարազատների, ծանոթների տանն են ապրում: Նրանց խնդրին կարող ենք անդրադառնալ միայն ժամանակավոր կացարաններում ապրողների հարցը կարգավորելուց հետո: Այս պահի դրությամբ 2 նախագծի մասին կարող եմ ասել: Համահայկական հիմնադրամին կտրվի Գյումրիի հանրակացարանային շենքերից մեկը, որի կառուցմամբ 50 ընտանիքի բնակարանի խնդիր կլուծվի: Նաեւ «ԱՌԴԱ»-ն է 8 սոցիալական բնակարան կառուցում: Սրանց զուգահեռ կան այլ մարդիկ, անհատներ, ովքեր բնակարաններ են նվիրում անօթեւաններին, Վահան Թումասյանն է այդ ուղղությամբ աշխատում: Մենք հույս ունենք, որ ամռան ընթացքում անօթեւանության հետ կապված խնդրի լուծման գինը պարզ կլինի»,- ասաց Տիգրան Պետրոսյանը:
2018 թվականին սկսված ծրագրերն ու աշխատանքները շարունակվել են, 2019-ի աշխատանքներն էլ ընթացքի մեջ են: Աշխատանքային խնդիրներ չկան, բոլորի, այդ թվում եւ մարզի համայքների ղեկավարների հետ մարզպետի հարաբերությունները գործնական են: Սկզբի օրերի լարվածությունը շուտ է անցել: Բայց ասել, թե այդ լարվածությունն իսպառ չեզոքացել է, սխալ կլինի: Առաջիկայում Շիրակի մարզպետարանում աշխատակազմի 30 տոկոսի կրճատում է սպասվում:
Մարզպետն ուրախությամբ նշեց, որ Տարածքային կառավարման եւ զարգացման նախարարություն է ուղարկվել սուբվենցիոն ծրագրերին մասնակցելու 49 հայտ: «Մարզի համայքների կողմից ներկայացված հայտերի շրջանակներում ընդհանուր 1 մլդ 90 մլն դրամի ներդրում է կատարվելու մարզում, ևս 1 մլրդ 310 մլն դրամ էլ ծրագրերի իրականացման դեպքում պետությունը կներդնի: Ներկայացված ծրագրերի մեծ մասը՝ փողոցաշինության, ջրամատակարման, ոռոգման համակարգերի նորոգման, լուսավորություն, վերականգնող էներգիայի, մեքենասարքավորումների ձեռքբերման և այլ աշխատանքների հետ են կապված: Մեքենասարքավորումների ձեռքբերումն, օրինակ, շատ կարեւոր է, քանի որ այս կերպ մենք համայնքին տալիս ենք ինքնուրույն եւ մատչելի ձեւով իր խնդիրը կարգավորելու հնարավորություն: Օրինակ, Մարամշենը գրեյդերի եւ բեռնատար մեքենայի հայտ է ներկայացրել: Շատ լավ է: Խոշորացված համայնք է, ինքն իր խնդիրը կլուծի արդեն»:
100 օրում մարզպետը մարզի շատ համայնքներում է հանդիպումներ ունեցել, խոսել գյուղատնտեսների, հողի մշակների, պարզապես գյուղում ապրող, սակայն հողագործությամբ չզբաղվողների հետ: Հանդիպումների արդյունքում հստակ եզրակացություն ունի. գյուղատնտեսությունը Շիրակի մարզում ռիսկային է բոլոր առումներով՝ սերմը հողը գցելուց մինչեւ բերքի իրացում:
«Ես երբեմն մեր գյուղատնտեսությունը նմանեցնում եմ խաղատան խադադրույքին: Դու ներդրում ես անում հիմնականում վարկով, չկան ֆիքսված գներ, եղանակային պայմաններից ապահովագրված չես, վերջում հարցականի տակ է նաեւ բերքի սպառումը: Երբ որ կլուծվի իրացման խնդիրը, գյուղատնտեսության ոլորտի բոլոր խնդիրները կլուծվեն: Ակնկալում ենք, որ գյուղատնտեսության ապահովագրությունը նաեւ Շիրակի մարզ կհասնի: Մարզում 91 հակակարկտային կայան ունենք, որոնցից 2-ը վերջերս են տեղադրվել: Սակայն ռիսկը դեռ պահպանվում է: Հրթիռային համակարգի ենք ուզում անցնել: Քննարկումներ կան: Շիրակի մարզը կարկտաբեր ամպերի անցանելիության ամենամեծ գոտիներն ունի լեռնային հատվածներում հատկապես: Եվ այս տեսանկյունից սա օրհասական խնդիր է»:
Վատի կողքին լավն էլ կա: Ներդրողներն են մեծապես Շիրակով հետաքրքրված: Արաբական Միացյալ Էմիրությունները, Չինաստանն ու ՌԴ-ն: ԱՄԷ-ն դեռ մտածում է՝ ինչ անել այստեղ, Չինաստանն արդեն կողմնորոշվել, տարածքը Գյումրիում վերցրել, պլաստիկ շշերի արտադրություն է հիմնում: Աշխատանքը փոքր ծավալով են սկսում, քանի դեռ հետախուզական փուլի մեջ են:
Մարզպետը խոսեց նաեւ զբոսաշրջությունից: Այս հարցում էլ մարզը դրական ցուցանիշներ է արձանագրել: Ոգեւորիչ է հատկապես Եվրոպական միության ծրագիրը, որում Տիգրան Պետրոսյանն անմիջական ներգրավվածություն ունի:
«Հավանական է մինչեւ տարեվերջ ՀՀ-ն Եվրոպական միության հետ ստորագրի հուշագիր, որով Շիրակի, Լոռու եւ Տաուշի մարզերը կստանան դրամաշնորհներ երեք բաղադրիչների համար՝ տուրիզմ, նորարարարություն եւ կանաչ գյուղատնտեսություն: Փաթեթի արժեքը 10 մլն եվրո է, մենք հիմա քննարկում ենք, թե գումարները որ սպեցիֆիկ ծրագրերի մեջ կարելի է դնել, որ էֆեկտիվ լինի: 2-3 մեծ ծրագրում ենք նախատեսում ներդրում անել, օգտագործել Աշոցքի տարածաշրջանի ձմեռային տուրիզմի ֆանտաստիկ մեծ պոտենցիալը, երկրորդ, օգտագործել Արագած լեռան հնարավորությունները Արթիկի տարածաշրջանից: Այս երկու գոտիներում էլ առկա են զարգացման իրական հնարավորություններ: Ուղղակի պետք են առաջին թիրախային ներդրումները, որոնք էլ ապահովվելու են այս ծրագրի շրջանակներում: Անիի տարածաշրջանում եւս զբոսաշրջության զարգացման ուղղությամբ հետեւողական աշխատանք ենք տանում: Նաեւ մեր ուշադրության կենտրոնում է Գյումրին՝ իր կոլորիտով եւ պատմամշակութային միջուկով: Այս տարի սպասվում է զբոսաշրջիկների մեծ հոսք: Ուստի, պետք է մարզն ու քաղաքը պատրաստված լինեն»:
Խոսվեց նաեւ պարգեւավճարներից: Տիգրան Պետրոսյանն ասաց՝ երեւույթի նկատմամբ վատ վերաբերմունք չունի: «Պարգեւավճարն առաջարկվում է որպես պետական կառավարման համակարգի աշխատավարձի առավելություն, որովհետեւ բոլորի համար էլ պարզ է, որ թե՛ տեղական, թե՛ պետական կառավարման համակարգում ֆինանսական կոմպոնենտը թվերով կարող է՝ բարձր է, բայց գործառույթների եւ ռիսկերի համեմատությամբ, որոնց առնչվում ես, ուղղակիորեն համապատասխան չեն: Կուզենամ ասել, որ էնպես չի, մարզպետ նշանակվելուց հետո մեր ընտանիքի ֆինանսական վիճակը լավացել է, որովհետեւ ծախսերը՝ զուտ իմ գործառույթների հետ կապված, ավելի շատացել են: Հանրապետությունում հիմա դժգոհություններ կան պարգեւավճարների մասով, բնական է: Մարդիկ ակնկալում են լուրջ փոփոխություններ, որից հետո դեմ չեն լինի նաեւ այդ պարգեւավճարներին: Որպես մարզպետ, երբ իմ աշխատանքում ես կունենամ շատ ավելի խոսելու բարձր ցուցիչներ, դեմ չեմ լինի պարգեւավճար ստանալուն»:
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
