Ռաֆայել Վահանյանը կարող է հրաժարվել Երեւանի պատվավոր քաղաքացու կոչումից ու հեռանալ երկրից

Ճանաչված շախմատիստ Ռաֆայել Վահանյանը կարող է հրաժարվել Երեւանի պատվավոր քաղաքացու կոչումից, շախմատի իր դպրոցից ու նույնիսկ հեռանալ Հայաստանից: Այս մասին այսօր՝ մայիսի 3-ին, լրագրողների հետ հանդիպման ժամանակ ասաց Ռաֆայել Վահանյանի շախմատի մանկապատանեկան մարզադպրոցի մարզիչ Գագիկ Սարգսյանը (լուսանկարում՝ աջից): Նա բացատրեց, որ բանն այն է, որ Երեւանի քաղաքապետարանը դպրոցի տնօրենի մրցույթ է հայտարարել, որին Վահանյանը չի կարող մասնակցել տարիքի պատճառով: 67 տարեկան է, իսկ օրենքով՝ ՀՈԱԿ-ի գործադիր մարմնի պաշտոնում նշանակված կամ ընտրության արդյունքում գործադիր մարմնի պաշտոնում նշանակված անձի լիազորությունները դադարեցվում են, եթե լրացել է նրա 65 տարին:

«Երեկ ենք կոլեկտիվով համոզել, նա ասաց. «Դիմում գրեմ Երեւանի պատվավոր քաղաքացիությունից հրաժարվեմ, բոլոր մեդալները տանեմ հանձնեմ (խմբ. նկատի ունի պետական պարգեւները), դպրոցիս ցուցանակը հանեմ, ասեմ չեմ ուզում, եւ գնամ»»,- պատմեց Սարգսյանը:

Նա նաեւ պատմեց, որ իրավիճակի մասին իմացել է աշխարհի 12-րդ չեմպիոն Անատոլի Կարպովը: Նա զանգահարել է Վահանյանին հունիսին Ռուսաստանում կայանալիք մրցաշարի հրավիրելու համար ու այդ մասին տեղեկացել հենց նրանից: Նա Վահանյանին ասել է, որ եթե ուզում է, թող ամեն ինչ թողնի ու գնա Ռուսաստան:

Սարգսյանն անթույլատրելի է համարում այս իրավիճակը: Նա ընդգծում է, որ Վահանյանը գրոսմայստերի կոչմանն արժանացած հայաստանցի առաջին շախմատիստն է, 1989 թ. ԽՍՀՄ չեմպիոն է, ԽՍՀՄ հավաքականի կազմում շախմատային օլիմպիադաների (1984 եւ 1986 թթ.), աշխարհի թիմային 2 առաջնությունների (1985 եւ 1989 թթ.) եւ Եվրոպայի թիմային 3 առաջնությունների (1980, 1983, 1989 թթ.) հաղթող։ Շեշտում է նաեւ, որ 2008 թ. Ռումինիայում բացվել ու մինչեւ այժմ գործում է նրա անունը կրող շախմատային ակադեմիա:

«Մենք հանկարծ մամուլից իմանում ենք, առանց մեզ ասելու, մայիսի 7-ին նշանակված է մրցույթ՝ Ռաֆայել Վահանյանի պաշտոնի համար, եւ նա իրավունք չունի մասնակցելու, որովհետեւ անցել է 65 տարեկանի շեմը: Մարդ, որը Երեւանի պատվավոր քաղաքացի է, Երեւանում կա Ռաֆայել Վահանյանի դպրոց, որի տնօրենը Ռաֆայել Վահանյանն է, որի բացմանը եկել են աշխարհի բոլոր երկրների ֆեդերացիաների նախագահները, շախմատի աշխարհի ֆեդերացիայի նախագահը եւ հիմա ուզում են Ռաֆայել Վահանյանին ասել՝ թող դպրոցը»,- ասաց նա:

Դպրոցի աշխատակիցների բաց նամակը

Մարզադպրոցի աշխատակիցները բաց նամակով դիմում են քաղաքապետ Հայկ Մարությանին: Նրանք խնդրում են կասեցնել մայիսի մրցույթը եւ օրենսդրական ճանապարհով լուծել խնդիրը: Նրանք առաջարկում են վերակազմակերպել դպրոցի կարգավիճակը, ինչը թույլ կտա, որ 65 տարին լրացած անձը ղեկավարի գործադիր մարմինը: Բաց նամակի տակ ստորագել են  աշխատակիցները:

Մտավորականների բաց նամակը, որի տակ շուտով ստորագրություններ կհայտնվեն

Սարգսյանը նշեց, որ Մարությանին ու ՀՀ վարչապետ Նիկոլ Փաշինյանին ուղղված բաց նամակով են հանդես գալու նաեւ մտավորականները: Բաց նամակ է գրելու նաեւ ՀՀ Շախմատի ֆեդերացիան, աշխարհի տարբեր երկրների շախմատիստներ: Նա տեղեկացրեց, որ, եթե այնուամենայնիվ մրցույթը կայանա ու այլ տնօրեն ընտրվի, բոլոր 22 աշխատողները հեռանալու են դպրոցից:

Դպրոցի տնօրենի մրցույթին մասնակցելու հայտ է ներկայացրել գրոսմայստեր Լիլիթ Գալոյանը: Նա տեղեկությունը հրապարակել է ֆեյսբուքի իր էջում:

Մարզադպրոցը բացվել է 2015 թ.: Սարգսյանի խոսքով՝ Վահանյանը նույնիսկ չի ցանկացել: Նրան համոզել են, որ այն իր անունը կրի:

Հ.Գ. Լուսանկարում ձախից «Արարատ 73»-ի ֆուտբոլիստ Նիկոլայ Ղազարյանն է, որը եկել էր՝ ստեղծված իրավիճակի վերաբերյալ իր վրդովմունքը հայտնելու: Խոսքի ընթացքում նա հազիվ էր զսպում հուզմունքը:

Լուսանկարները՝ «Հայկական ժամանակ»-ի

Տպել
4415 դիտում

Հանրային խորհուրդն արտահերթ նիստ է հրավիրել և ափսոսանք հայտնել Վազգեն Մանուկյանի հրաժարականի առիթով

Դասադուլն առժամանակ դադարեցվել է. ուսանողները դիմում կհանձնեն ԵՊՀ ռեկտորին ու կսպասեն նախարարի պահվածքի գնահատականին

ՀՀ հավաքականի լեգենդար ֆուտբոլիստը ռուսական ակումբ կգլխավորի

Կաշառքի գործով դատավորը դատապարտվեց 7 տարվա, իսկ փաստաբանը՝ 2 տարվա ազատազրկման

Փոխվարչապետի խորհրդականը դատի է տվել Սարհատ Պետրոսյանին

«Լուսավոր Հայաստանը» դեռ չգիտի՝ ինչպես է քվեարկելու 2020 թվականի բյուջեի նախագծին․ սպասում են կառավարության արձագանքին

ՀՀ և ՌԴ ԱԳՆ-ների միջև մարդու իրավունքների հարցերին նվիրված խորհրդակցություններ են կայացել

Քիմ Քարդաշյանը հրապարակել է անմոռուկի լուսանկար ու գրառում կատարել

ՀՀ ֆինանսների նախարարը հանդիպել է Արցախի պետնախարարի հետ

Ենոքավանում հովազը հարձակվել է քաղաքացու վրա եւ մարմնական վնասվածքներ պատճառել. կենդանին գրանցված է Կարմիր գրքում

Աղիտու և Ույծ գյուղերի հարակից սարում բռնկված հրդեհը ինքնամարվել է

Ագուերոն, Դիբալան եւ Պարեդեսն աջակցել են City of Smile-ին, հիմնադրամին նվիրել են ստորագրություններով մարզաշապիկ

Երևանի քաղաքապետարանը հայտարարում է Մարտի 1-ի զոհերի հիշատակին նվիրված հուշարձանի նախագծի բաց մրցույթ

Ավարտվեց Եվրո 2020-ի որակավորման փուլը. հայտնի են 20 մասնակիցներ. 4-ը դեռ պետք է որոշվեն

ԿԲ նախագահը մեկնել է Պրահա՝ մասնակցելու կենտրոնական բանկերի կառավարիչների խորհրդի նիստին

Հարավկովկասյան երկաթուղին և GPM Gold-ը ստորագրել են պայմանագիր՝ ոսկու հանքաքարը երկաթուղով փոխադրելու մասին

Սյունիքի նախկին մարզպետին որպես մեղադրյալ ներգրավելու որոշում է կայացվել, հայտարարվել է հետախուզում. ՀՔԾ

1 օրում գրանցվել է 18 պատահար, ինչի հետևանքով 22 մարդ է տուժել. ոստիկանության ամփոփագիրը

Դատարանն արձանագրել է Արսեն Բաբայանի իրավունքների խախտման փաստը. փաստաբան

Հայաստանն ապահովել է կայուն աճ եւ դրական բարեփոխումներ. ՎԶԵԲ զեկույց