Կարող են հնչել ինչ-որ կարծիքներ, գնահատականներ, որոնք առանձին մարդկանց գնահատականներն են. ՌԴ դեսպան

Այսօրվա եղանակը, արեւը լավ նշան է ու վկայում է, որ հայ-ռուսական հարաբերություններին լուսավոր, պարզ, բարենպաստ ապագա է սպասվում, ապագա, որը խարսխված է մեր երկրների եւ ժողովուրդների եղբայրական սերտ փոխհարաբերությունների վրա: Այս մասին այսօր՝ ՀՀ ազգային ժողովի այգում հայ-ռուսական բարեկամության ծառուղու բացման արարողության ժամանակ ասաց Հայաստանում ՌԴ արտակարգ եւ լիազոր դեսպան Սերգեյ Կոպիրկինը։

«Ցանկանում եմ, որ հայ-ռուսական բարեկամության ծառուղին դառնա երեւանցիների եւ մայրաքաղաքի հյուրերի ամենասիրելի վայրերից մեկը»,- ասաց դեսպանը՝ մաղթելով հայ եւ ռուս ժողովուրդներին երջանկություն եւ բարգավաճում:

Հարցին, թե արդյո՞ք ծառատունկը Ցեղասպանության 104-րդ տարելիցի նախօրյակին անցկացնելը որեւէ կապ ունի վաղվա օրվա խորհրդի հետ, դեսպանը պատասխանեց. «Կարծում եմ՝ սա կապ ունի մեր ժողովուրդների պատմության իրադարձությունների հետ։ Վաղը Հայոց ցեղասպանության զոհերի հիշատակի օրն է, շատ շուտով մենք տոնելու ենք Հաղթանակի օրը։ Կարծում եմ, որ այսօրվա իրադարձությունը համախմբող նշանակություն ունի, որը խորհրդանշում է մեր բարեկամությունը, եղբայրությունը, մեր ձգտումը երջանկությանն ու խաղաղությանը»,- ասաց Կոպիրկինը։

Հարցին՝ Հայաստանում տեղի ունեցած իշխանափոխությունից հետո ինչպե՞ս է գնահատում հայ-ռուսական հարաբերությունները, ՌԴ դեսպանը պատասխանեց. «Մեր հարաբերություններն ամուր են, ամուր հիմք ունեն եւ միտված են ապագային։ Ես վստահ եմ, որ մեր ժողովուրդներն ու ղեկավարությունները լիարժեք կերպով գիտակցում են, որ մեր երկների միջեւ եղբայրական հարաբերությունները համապատասխանում են մեր ժողովուրդների արմատական շահերին։ Շատ շուտով սպասում ենք ՌԴ վարչապետի այցին Հայաստան։ Այցը կկայանա 1 շաբաթից։ Ինչ վերաբերում է ՀՀ վարչապետի եւ ՌԴ նախագահի հանդիպումներին, դրանք պարբերական բնույթ են կրում։ Իհարկե, նման հանդիպումների պլաններ կան»:

Անդրադառնալով խորհրդարանում հնչած այն տեսակետին, որ հակահայկական շեշտադրումներ թույլ տված որոշ ռուսական հեռուստաալիքների հեռարձակումը Հայաստանում պետք է դադարեցնել, Կոպիրկինն ասաց. «Չեմ կարող ասել, որ հետեւում եմ ռուսական հեռուստաալիքների բոլոր հաղորդումներին, բայց չեմ կարծում, որ կարելի է խոսել հակահայկական հռետորաբանության մասին։ Կարող են հնչել ինչ-որ կարծիքներ, գնահատականներ, որոնք առանձին մարդկանց գնահատականներն են: Ինչ վերաբերում է ռուսական ԶԼՄ-ներում հայկական թեմատիկայի լուսաբանմանը՝ ընդհանրապես, կարծում եմ՝ այն հակահայկական ոչ մի կերպ չես անվանի։ Դա չէր էլ համապատասխանի ռուս հեռուստադիտողի սպասումներին, քանի որ ռուսական հասարակությունում Հայաստանի եւ հայ ժողովրդի նկատմամբ վերաբերմունքը ավանդաբար շատ լավ է։ Հայերը մեծ դեր են խաղում ռուսական հասարակությունում»:

Հիշեցնենք, որ օրերս ՀՀ վարչապետ Նիկոլ Փաշինյանը նշել էր, որ յուրաքանչյուր օտարերկրյա հեռուստաընկերություն պետք է շատ հստակ գիտակցի, որ եթե հեռարձակվում է որեւէ այլ երկրի տարածքում, դա որոշակի կոռեկտության սահմաններ է ենթադրում:

«Պետք է պահպանվի, հակառակ դեպքում, մենք սխալ դաշտ կընկնենք։ Ես կարծում եմ, որ, հնարավոր է, ռուսաստանյան հեռուստաընկերությունները այս խնդիրը հաշվի առնեն ու համապատասան հետեւություններ անեն»,- ասել էր վարչապետը: Նիկոլ Փաշինյանը միաժամանակ նշել էր, որ ինչպես հայկական, այնպես էլ ռուսական լրատվամիջոցները Հայաստանում ազատ են։

Տպել
879 դիտում

Գառնիում կստեղծվի առաջին համայնքային հրշեջ-փրկարարական ջոկատը

Թրամփը հրապարակել է Պաղեստինի նոր քարտեզն ու հակամարտության կարգավորման պլանը. Պաղեստինը դեմ է

Շիրակի մարզի ջրամբարներում քիչ ջուր կա կուտակված

Ներկա պահին Կոտայքի մարզում ամբողջական ծավալով գործում է 4 սպանդանոց

Մակրոնը մեղադրել է Էրդողանին՝ պայմանավորվածությունները խախտելու մեջ

ՀՀ ոստիկանության շտաբի պետ Արմեն Ղուկասյանն ընդունել է ԵԱՀԿ ԺՀՄԻ խորհրդատուներին

Ժնեւում ավարտվել է Հայաստանի եւ Ադրբեջանի ԱԳ նախարարների հանդիպումը. Նաղդալյան

Թավջութակահարին զինծառայությունից ազատելու համար Մանսուրյանը եւ այլ հայտնի գործիչներ երաշխավորագրեր են ներկայացրել

2020 թ. առաջին անգամ հայտարարագիր կներկայացնեն մետաղական հանքաքար արդյունահանող ընկերությունների իրական սեփականատերերը

ՀՀ 7 քաղաքացի գտնվում է Չինաստանի Հուբեի նահանգում. Ավետ Ադոնցը հանդիպել է ՀՀ-ում ՉԺՀ դեսպան Թիեն Ըրլունիին

JICA-ի կողմից ՀՀ-ին է նվիրաբերվել 22 հրշեջ ավտոմեքենա. դրանք կուղեւորվեն Շիրակի, Լոռու և Սյունիքի մարզեր

Վայոց ձորում անցկացվել է զորակոչի վերջին փուլը. ՊՆ

Ահազանգ՝ զինված անձանց մասին. հրազենները թողած եւ փախած երիտասարդները ձերբակալվել են (տեսանյութ)

Հայաստանի 5 բարձրագույն ուսումնական հաստատություններում կներդրվի քաղաքացիական կրթության «Ներգրավված քաղաքացի» դասընթացը

28-ամյա երիտասարդը մաքսանենգ ճանապարհով Հայաստան է բերել հաշիշ՝ սոցցանցերի միջոցով վաճառելու նպատակով (տեսանյութ)

2019թ. խոշոր հարկատուների կողմից եկամտահարկ վճարվել է 208 մլրդ դրամ, ինչը 20%-ով ավելի է 2018թ. համեմատությամբ. վարչապետ

Արսեն Թորոսյանը ՀՀ ԱՆ հուշամեդալով է պարգեւատրել բժշկական գիտությունների դոկտոր, պրոֆեսոր Արմեն Չարչյանին

Վարոս Սիմոնյանը JETRO-ի ներկայացուցիչների հետ քննարկել է հայ-ճապոնական տնտեսական համագործակցության հեռանկարները

Հայկ Մհրյանը նշանակվել է ՀՀ ոստիկանության պետի տեղակալ

Տիգրան Սարգյանը ղեկավարելու է Եվրասիական զարգացման բանկի թվային նախաձեռնությունների հիմնադրամը. ԵՏՀ