Հայաստանում չի եղել ավելի թափանցիկ, արդյունավետ գործող վարչապետ եւ կառավարություն․ նշվածներից որի՞ հետ խնդիր ունենք

ԱԺ փոխնախագահ, «Իմ քայլը» խմբակցության պատգամավոր Լենա Նազարյանին՝ որպես պատգամավոր, կառավարության կառավարման գործունեության մեջ հետաքրքրում է երեք հարց․

1․ թափանցիկ, հաշվետու գործեալոճը,

2․ ԱԺ-ի կողմից վերահսկողությունը,

3․ արդյունավետությունը։

Լենա Նազարյանն ուզում է հասկանալ՝ ԱԺ ընդդիմադիր խմբակցությունները նշվածներից որի՞ հետ խնդիր ունեն․

«Հայաստանում չի եղել ավելի թափանցիկ գործող վարչապետ եւ կառավարություն։ Չի եղել ավելի շատ հարցազրույցներ եւ ասուլիսներ հրավիրող վարչապետ, ընդ որում՝ պատասխանելով ոչ միայն լրագրողների, այլ նաեւ քաղաքացիների հարցերին»,-այսօր իր ելույթում ասաց ԱԺ փոխնախագահը։

Անդրադառնալով խորհրդարանական վերահսկողությանը եւ Էդմոն Մարուքյանի այն առաջարկին, որ ԱԱԾ-ն եւ ոստիկանությունը պետք է դարձնել նախարարություն, Նազարյանն ասաց, որ, իր կարծիքով, Մարուքյանը ոչ թե ուզում է դրանք բերել խորհրդարանական վերահսկողության դաշտ, այլ ավելի ուժեղացնել այդ կառույցների ղեկավարներին․

«Քանի որ դրանց ղեկավարները դառնալու են կառավարության անդամներ եւ է՛լ ավելի ազդեցիկ ֆիգուրներ։ Ձեր ասած զսպումների եւ հակակշիռների մեխանզիմները այս դեպքում չեն գործում»,-ընդգծեց ԱԺ փոխնախագահը։

Նա անդարդարձավ Լիլիթ Մակունցի այն առաջակին, որ «Իմ քայլը» պատրաստ է մյուս խմբակցությունների հետ մշակել օրինագիծ, որով հնարավոր կլինի նաեւ ուժային կառույցների ղեկավարներին հրավիրել խորհրդարան՝ հարց ու պատասխանի․

«Լիլիթ Մակունցի առաջարկն ուժի մեջ է, ԱԱԾ, ՊԵԿ եւ ոստիկանության ղեկավարներին ԱԺ հրավիրելու եւ հացրեր տալու համար եթե անգամ անհրաժեշտ են սահմանդրական փոփոխություններ, մենք կանենք նաեւ դա, դրա հնարավորությունը կա»։

Լենա Նազարյանը խոսեց նաեւ այն դիտարկումների մասին, թե կառավարությունը խոստումներ է տալիս, բայց դրանք այդպես էլ չեն իրականանում։ ԱԺ փոխնախագահը հստակ ցուցակ ներկայացրեց․

«Բարձրացել է իրավապահ մարմիններում աշխատողների աշխաավարձը՝ 20 տոկոսով, պոլիկլինիկաների բուժաշխատողների աշխատավարձը՝ 30 տոկոսով։ Հունիսից կբարձրանա զինծառայողների աշխատավարձը, սեպտեմբերից՝ ուսուցիչների»,-թվարկեց Լենա Նազարյանը։

Խոսելով ԲՀԿ խմբակցության պատգամավոր Գեւորգ Պետրոսյանի՝ ԱԺ նիստերին պատգամավորներին ինչ-որ բան կարդալու խորհուրդներին, Նազարյանն ասաց, որ Պետրոսյանն այստեղ դասախոս չէ եւ պետք է դադարի պատգամավորներին ասել, թե ինչ գրքեր եւ օրենքներ կարդան․

«Պարոն Պետրոսյանը պետք է դադարի պատգամավորներին ասել, թե ինչ գրքեր եւ օրենքներ կարդան, որովհետեւ նրա կարդացած գրքերը իրեն չեն երաշխավորել արտահայտել այնպիսի մտքեր, որ մարդու իրավունքների տեսանկյունից ուղղակի խայտառակություն են: Պարոն Պետրոսյանի կարդացած գրքերը չեն երաշխավորել, որ ձեր խմբակցությունում լինեն մարդիկ, որոնց նկատմամբ քրեական գործ է հարուցվել, չեն երաշխավորել, որ ձեր խմբակցությունում լինի մարդ, որը ՀՀ երկրորդ քաղաքը այնպիսի իրավիճակի է հասցրել, որ մինչեւ հիմա փոսից չենք կարողանում հանել»,-ասաց Լենա Նազարյանը՝ հորդորելով չխոսել իրենց կարդացած գրքերի մասին եւ որեւէ մեկի քաղաքական փորձառությունը չդարձնել վերին հեղինակություն եւ դրոշակ․

«Որովհետեւ քաղաքականությունը ոչ թե ավելի հարմար տեղավորվելու մասին է, այլ ավելի ազնիվ, ավելի պատասխանատու եւ ավելի խիզախ լինելու մասին է»,-նշեց ԱԺ փոխնախագահը՝ հավելելով, որ «Իմ քայլը» կողմ է քվեարկելու կառավարության կառուցվածքի փոփոխության մասին նախագծին եւ օգնելու է կառավարությանը, որպեսզի գրանցի հաջորդ հաջողությունները։

Տպել
1735 դիտում

Շարուրի փողոցի բնակարաններից մեկում հայտնաբերվել է 46-ամյա տղամարդու դի

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար

Շատ եմ ափսոսում մեծ արդյունքը, որը հստակ տեսանելի էր, ափսոսում եմ սեպտեմբերից սպասվող ամեն մի ծրագիր. Հայրապետյան

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում

Լոզան-2020․ օլիմպիական խաղերի բացման պաշտոնական արարողությունը կկայանա «Մալի» սառցադաշտում

«Արարատ-Արմենիա»-«Ֆ91 Դյուդելանժ»՝ 2:1. ԵԼ խմբային փուլն ավելի մոտ է

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Մեկի համար Ամուլսարը սար է, մյուսի համար՝ հանք, 3-րդի համար՝ առիթ

Գառնու ձորում վթարից տուժած երկրորդ ուղեւորը հիվանդանոցում մահացել է. զոհերը ՌԴ քաղաքացիներ են

Արմավիրի մարզի Այգեշատ գյուղում ավտոմեքենան ամբողջությամբ այրվել է

Լեհաստանի Օսուվ քաղաքում հուշատախտակ է տեղադրվել` ի հիշատակ հայազգի զիվորների