Ժողովրդին պետք է բացատրել, ժողովուրդը կհասկանա. Արտո Թունջբոյաջյան

Երաժիշտ, 5th Season խմբի անդամ Արտո Թունջբոյաջյանը համոզված է՝ ոչ մի դեպքում վախենալ պետք չէ, ամեն ինչ սկսելն էլ դժվար է, ցանկացած գործի կարեւորը անկեղծ մոտեցումն է: Եվ որ համբերությունով կամաց-կամաց կհասնենք ամեն ինչի:

- Արտո, Հայաստանում հաճախ եք լինում, ի՞նչ փոփոխություններ եք նկատում, երբ նախորդ տարիների հետ եք համեմատում:

- Հայաստանում երիտասարդներն արդեն շատ մոտ են ստեղծագործելու վստահություն ունենալուն: 1998-ին ուրիշ բան էր, բայց հիմա «ես»-ը «մենք» է դառնում, եւ այդ մենք դառնալու ձայնը արդեն լսվում է, եթե այդ փոփոխությունը չլինի, այստեղ դժվար է ապրել: Հայաստանում տարբեր մասնագիտությունների մեջ տաղանդավոր երիտասարդներ շատ կան, բայց, ցավոք սրտի, համապատասխան տեղեր չկան, որպեսզի կարողանան մտնել եւ իրենց գաղափարներն առաջարկել: Իրենց միտքն այստեղ չեն կարողանում առաջարկել, գնում են ուրիշ երկրներ, այնտեղ են առաջարկում: Մենք մեծ լինելով՝ պետք է իրենց կողքին լինենք, բայց իրենք պետք է քայլեն: Այսօր մենք մեծերի անուններ ենք ասում՝ երբեք չմտածելով, թե այդ անուններն ինչպես են առաջացել, այդ մարդիկ ինչպես են հասել, եւ այսօր ինչու այդպիսի անուններ չկան: Եթե ոչինչ չես ձեռնարկում՝ որտեղի՞ց պետք է գան երեխաների մտքերն ու կարողությունները:

- Իսկ ի՞նչ է պետք անել:

- Հիմա վերցնենք ռադիոյի շենքը, շատ շքեղ, լավ շենք, բայց սխալ մարդիկ են դնում, եւ ամեն ինչի դեմն առնում: Ռադիոյի նոր շենքը պարզապես հիանալի է, բայց ի՞նչ օգուտ, եթե երիտասարդի համար չես գործածում: Ստուդիան կարող է գործարկվել ժամը 20 հազար դրամով, բայց այդ երիտասարդը որտեղից պետք է գտնի 20 հազար դրամ, որ գնա իր երգը ձայնագրի եւ մեզ մի բան ասի: Երիտասարդը տեսնում է, որ այստեղ նավթալին դարձավ, ասում է՝ գնամ Գերմանիա, եւ ճիշտ է անում, որովհետեւ հնարավորություն չեն տալիս:

- Մի անգամ հարցազրույցներից մեկում ասում էիք, որ շատերն են զարմանում, թե դուք ինչու եք միշտ գալիս Հայաստան՝ անկախ ամեն անգամվա ձեր հիասթափություններից:

- Երբ նոր էի եկել Հայաստան, ասում էին՝ ինչի ես եկել, այստեղ ի՞նչ ես անելու, բայց անցել են տարիներ եւ ես շարունակում եմ գալ: 15 տարի առաջ, երբ որ մեր մշակույթի նախարարուհուն (նկատի ունի՝ Հասմիկ Պողոսյանին) ծրագիր առաջարկեցի, առաջին հարցը, որ տվեց, սա էր՝ դիպլոմ ունե՞ս: Թիմակիցներիս ասեցի՝ բոլորդ «դիպլոմներդ» բերեք, իրիկունը գնանք նստենք նվագենք: Մարդիկ իրենց մեջ ամեն ինչ ունեն, եթե 15 տարի առաջվա այդ պլատֆորմով ապրեինք, հիմա առնվազն 4-ից 5 երաժիշտ պիտի ունենայինք: Մշակույթի նախարարն ինձ ասում էր՝ փառատոններին գնում եմ՝ բոլորը նույն երաժիշտներն են, բայց նա ինձ չպիտի նայեր եւ ասեր, պետք է դպրոցները, երաժշտական կենտրոնները նայեր, հասկանար՝ ինչումն է խնդիրը:

- Այդ տարիներից բավական շատ ժամանակ է անցել, երկրում մի շարք փոփոխություններ են եղել եւ հատկապես 2018 թվականի թավշյա հեղափոխությունը: Այս այցելությամբ ի՞նչ նոր երեւույթ եք նկատել:

- Այո, հեղափոխությունն իսկապես փոփոխություն է բերել, բայց երբեմն դա կարող է առողջ ձեւով չերեւալ, որովհետեւ նախկինում մտքերով չեն կիսվել ժողովրդի հետ, թե՝ ժողովուրդ ջան, նայեք, մենք 4 տարի պիտի տանջվենք, բայց այս, այս կետին ենք ուզում հասնել: Հիմա պետք է այդպես անել, ես տեսնում եմ՝ դա կամաց-կամաց գալիս է: Ժողովրդին պետք է բացատրել, ժողովուրդը կհասկանա: Եվ մի փոքր համբերություն է պետք, ինքս էլ մեծ սպասումներով համբերում եմ: Մեր ազգի ամենամեծ թերությունն ի՞նչն է՝ չենք կարողանում կազմակերպվել: Հայաստանը պետք է լինի աշխարհի բոլոր մարդկանց արվեստ թելադրող եւ մտքեր առաջարկող կենտրոն:

Տպել
2272 դիտում

Սեպտեմբերի 16-ին էլեկտրաէներգիայի մինչեւ 6-ժամյա անջատումներ կլինեն Երևանում և 8 մարզում

Մեղրիի բնակարաններից մեկում գազի արտահոսք է եղել՝ հրդեհի բռնկմամբ

Ըմբշամարտի աշխարհի առաջնություն. Արթուր Ալեքսանյանը 5:0 հաշվով հաղթանակ է տարել

«Մաեստրո Մանսուրյան-80». Գյումրիում կայացավ մեծ համերգ՝ կարեւոր առաքելությամբ

Չանկախություն. «Գազպրոմի» ֆորպոստը

Աղմկահարույց սպանության հետքերով. իրավապահները լռում են, որ շատ բան իմանան

«Հայամերիկյան» օպտիկական խաբկանք. անվճար վճարովի ակնոցներ

Արագած լեռան վրա արջի հարձակումից տուժած Լեհաստանի քաղաքացին մահացել է

Վարչապետն ընտանիքի հետ ներկա է գտնվել Սեւանի թերակղզում կազմակերպված ձկան փառատոնի բացմանը (լուսանկարներ)

Փաշինյանն ընդդեմ նախկինների. հաշիվն այսօր 10:3 է՝ հօգուտ Փաշինյանի․ Կարեն Անդրեասյան

ԱԺ նախագահն ընդունել է Ֆրանսիա-Հայաստան բարեկամական խմբի փոխնախագահի գլխավորած պատվիրակությանը

Երեւանում Ջերմուկի բնակիչների հետ համատեղ քայլերթ է իրականացվելու՝ ընդդեմ Ամուլսարի հանքի շահագործման

Թրամփը հայտնել է, որ ամերիկացի ուժայինները ոչնչացրել են «Ալ-Քաիդայի» հիմնադիր Բեն Լադենի որդուն

Սփյուռքի գլխավոր հանձնակատարը հանդիպել է «Էրմիտաժ» թանգարանի տնօրենի հետ

«Սեքյուրիթի դրիմ» ընկերության հիմնադիրը գրավի դիմաց ազատ է արձակվել

Արագած լեռան վրա Լեհաստանի Հանրապետության երկու քաղաքացի ենթարկվել է արջի հարձակման

ՀՀ ԱԳ նախարար Զոհրաբ Մնացականյանն ընդունել է Ֆրանսիայի Ազգային Ժողովի պատգամավորներին

Հենրիկ Նավասարդյանն ազատվել է Երեւանի քաղաքապետարանի տրանսպորտի վարչության պետի պաշտոնից

Մեր ժառանգությունը չի ճանաչում ժամանակային սահմաններ. ՀՀ ԱԳ նախարար

Նախարարությունը մշակել է ծայրահեղ աղքատ ընտանիքներին աջակցող որոշման նախագիծ